無綫劇《金宵大廈》播完，如果你有追，一定認識當中的黑貓「靚寶」，原來靚寶本身係男仔，名為Mavis，拍攝時只是七個月大。不過現在已經兩歲幾，而且成為四貓之父，「可惜仔仔女女冇隻似佢，個個似阿媽。」可能因為這樣而常常被「家人」無視，好彩還有大姐姐阿拉斯加雪橇犬Meke是好朋友，成日一齊瞓。
這次拍劇最犀利是甚麼？Mavis主人Melaine說是令本身勁怕貓的男主角陳山聰克服恐懼，由起初摸都不敢摸變成常常抱起Mavis。「佢哋兩個第一次見應該係喺金宵大廈入面時鐘酒店一幕，山聰行埋嚟問：『你就係靚寶呀？可唔可以影相呀？不過Melaine可唔可以幫我抱住佢？』」拍劇期間他們很多對手戲，慢慢熟絡，「可能山聰見到施嬅（李施嬅）都抱上手，所以又想試吓，之後就friend咗。」
拍足三個月 外景要用頸繩
Melaine說劇組中Mavis最鍾意就係施嬅，「可能因為佢都有養開寵物，抱嘅手勢好啲，所以Mavis好鍾意佢。」到劇集拍完之後到現在，施嬅有時也會相約Melaine一齊放狗，順便探探Mavis。說到為何拍劇，原來當時有朋友問Melaine是否有黑貓，有冇興趣參與拍劇，「其實我啲狗狗都試過拍廣告，我覺得幫佢哋都好呀，第時睇返都會好開心。當時Mavis只有七個月大，不過都打齊針，於是就試吓啦。」Melaine說當時她不用每天上班，所以都是她帶Mavis去片場，「最密嗰陣一星期都返三四日，每日幾個鐘，合共拍咗差唔多三個月。」在電視中也看到「靚寶」有時在大廈內，有時又上天台，有時甚至在街行，不怕「走貓」？「一定要縛繩，最緊要佢安全。其實除咗喺安全室內環境，否則都會縛住，尤其外景或者天台，全部時間都會上頸繩，有時借位，有時就連住魚絲，試過有一次喺天台拍，我老公匿埋喺『靚寶』後面趴晒喺地拎住條繩，真係臉都貼住地呀。」
大家都知道，以領養代替購買可以救到很多小動物，Mavis都是領養回來的。Melaine說：「當時係有個繁殖場錯配咗，咁就唔要隻貓媽媽，我朋友就收養咗隻媽媽，後來生咗幾隻貓B出嚟，其他都係灰色虎紋，只係得Mavis一隻全黑色冇人要，咁我又好鍾意黑色，於是就決定領養。養Mavis之前，都覺得養貓好似同佢冇乜交流，養咗之後原來又唔係，雖然細個時佢都幾惡，但而家就好嗲人。」說到黑貓在不少人心目中都有點靈異感，「唔會啦，唔同色之嘛，即係好似人有唔同膚色，養咗佢之後都完全冇特別事。」
領養Mavis時，Melaine家中已有兩隻大狗，一隻洛威拿Chiko，另一隻阿拉斯加雪橇犬Meke，「拎咗返嚟開頭就困在籠放喺房，等兩隻狗狗適應陣味，隔咗幾日就開房門，等狗狗見到Mavis，再之後就畀狗狗入去隔住籠望吓聞吓，再嚟就係拎個籠出廳，面對面見咗個幾兩個星期，就開始打開籠，畀狗狗伸個鼻入去聞吓，慢慢就開始好friend。唔好以為洛威拿一定好惡，Chiko都係我領養返嚟，儍吓儍吓咁嘅。」再之後輪到一隻緬因貓女仔入室，一次意外，帶來一家大細，「當時Mavis又未絕育，本來分開佢哋兩個兩間房，但有一日我老公餵完佢唔記得閂門，就係咁就大咗肚，生咗四隻，不過四隻都似阿媽，冇隻似Mavis，而家啲仔女都八個月大，有啲仲大隻過Mavis，一齊玩時個畫面好似Mavis俾啲仔女圍攻咁，好好笑。」
大家都知道，以領養代替購買可以救到很多小動物，Mavis都是領養回來的。Melaine說：「當時係有個繁殖場錯配咗，咁就唔要隻貓媽媽，我朋友就收養咗隻媽媽，後來生咗幾隻貓B出嚟，其他都係灰色虎紋，只係得Mavis一隻全黑色冇人要，咁我又好鍾意黑色，於是就決定領養。養Mavis之前，都覺得養貓好似同佢冇乜交流，養咗之後原來又唔係，雖然細個時佢都幾惡，但而家就好嗲人。」說到黑貓在不少人心目中都有點靈異感，「唔會啦，唔同色之嘛，即係好似人有唔同膚色，養咗佢之後都完全冇特別事。」
領養Mavis時，Melaine家中已有兩隻大狗，一隻洛威拿Chiko，另一隻阿拉斯加雪橇犬Meke，「拎咗返嚟開頭就困在籠放喺房，等兩隻狗狗適應陣味，隔咗幾日就開房門，等狗狗見到Mavis，再之後就畀狗狗入去隔住籠望吓聞吓，再嚟就係拎個籠出廳，面對面見咗個幾兩個星期，就開始打開籠，畀狗狗伸個鼻入去聞吓，慢慢就開始好friend。唔好以為洛威拿一定好惡，Chiko都係我領養返嚟，儍吓儍吓咁嘅。」再之後輪到一隻緬因貓女仔入室，一次意外，帶來一家大細，「當時Mavis又未絕育，本來分開佢哋兩個兩間房，但有一日我老公餵完佢唔記得閂門，就係咁就大咗肚，生咗四隻，不過四隻都似阿媽，冇隻似Mavis，而家啲仔女都八個月大，有啲仲大隻過Mavis，一齊玩時個畫面好似Mavis俾啲仔女圍攻咁，好好笑。」
貓奴有喜 繼續寵愛唔執屎
訪問到最後，原來還有喜訊，就是現在Melaine有了BB幾個月，不過她完全沒有想過要離開她的貓狗仔女，「佢哋都係家人嚟嘛，而且外國都有好多資料話小朋友接觸多啲小動物係好，抵抗力會好啲。同埋呢個係責任感嚟，我相信小朋友有愛心都好重要。」不過也會小心一點，「知道有咗之後，就冇去執糞便，由老公去做，始終唔接觸糞便會好啲。同埋屋企勤啲清潔，其他都冇問題。」
黑貓主角遍佈世界
有人對黑貓有偏見，其實更多人覺得黑貓可愛又特別，在世界各地都有勁有人氣、極受歡迎的黑貓，而且電影、動畫中也有不少黑貓主角！
1.1919年已登場的《Felix the Cat》。
2.《阿森一族》（The Simpsons）內的雪球二世Snowball II。
3.1993年電影《女巫也瘋狂》（Hocus Pocus）中，黑貓Binx陪伴男主角Max拯救小鎮及妹妹。
4.吉卜力動畫《魔女宅急便》中的吉吉，把口勁衰好可愛。
5.日本速遞公司「ヤマト運輸」的logo，這對黑貓大家見得多啦！
6.《Sylvester the Cat》中，翠兒的對手阿寶。
7.香港版《黑貓》係梁琤，1991年初入行，都索。
8.《蝙蝠俠》內的黑貓，我鍾意Michelle Pfeiffer多過Anne Hathaway。
9.在Instagram擁有63萬粉絲的貓組合「Cole & Marmalade」，Cole就是這黑貓。
10.《美少女戰士》中的Luna。
1.1919年已登場的《Felix the Cat》。
2.《阿森一族》（The Simpsons）內的雪球二世Snowball II。
3.1993年電影《女巫也瘋狂》（Hocus Pocus）中，黑貓Binx陪伴男主角Max拯救小鎮及妹妹。
4.吉卜力動畫《魔女宅急便》中的吉吉，把口勁衰好可愛。
5.日本速遞公司「ヤマト運輸」的logo，這對黑貓大家見得多啦！
6.《Sylvester the Cat》中，翠兒的對手阿寶。
7.香港版《黑貓》係梁琤，1991年初入行，都索。
8.《蝙蝠俠》內的黑貓，我鍾意Michelle Pfeiffer多過Anne Hathaway。
9.在Instagram擁有63萬粉絲的貓組合「Cole & Marmalade」，Cole就是這黑貓。
10.《美少女戰士》中的Luna。
採訪：陳孝義
攝影：徐振國
攝影：徐振國
沒有留言:
發佈留言