是咁的，我主持了半生人嘅晚間電台節目，聽過好多人追問，你驚唔驚？驚乜呢？哦，原來講嘅唔係電台恒常嘅鬼古節目，而係發生喺電台嘅怪異事件。少女時代已經知道fact check嘅重要性，於是真係走去查找事主問個究竟。老實講呢啲嘢邊有得fact check吖！
唯獨一單至今仍然係最多人所共同遭遇到，若然以統計角度，必然係我眼中首選，就係大堂周圍遊蕩嘅細路，自己笑自己玩，之前就有主持聽到細路唱歌，嚇到魂飛魄散，亦有另一位主持話親眼見到個細路喺長走廊處奔跑，甚至停留喺直播室大玻璃外偷望，喺夜深人靜嘅凌晨點都會心寒。
嗰個時代聽眾最鍾意寄啲金句書簽或者平安求福嘅小精品畀主持，掛住個叮噹會喺重門深鎖嘅錄音室發出聲響。呢件事直到有次訪問一位絕少蒲頭嘅歌手，佢到埗直播室就同我講，你唔好驚呀，原來佢秘密咁話接觸到異界，不過只限於見到而未有溝通，這位歌手平日為人沉實內斂，佢話睇到個着住藍色衫嘅細路，一直喺度好奇望住我哋。其實我從來無驚，只係多年來一路諗佢點解停留咗喺人間。
睇鬼電影聽鬼故事唔係我個人喜好，之但係只有日本嘅《毛骨悚然撞鬼經》係令我真驚，每次睇完起碼幾個夜晚要開燈瞓覺，最初係稻垣吾郎帶着班小學生喺節目讀來信，分享各地靈異經歷，然後亦會將故事拍成短篇播放，氣氛之一流把我嚇親，值得一提係每個片段都會留下註腳，亦有位貌似專家或sensei出嚟解說，講吓鬼魂嘅心意同心結，世道無常人生百態，理解凡事有始終才是大道，小學生們其實就代表咗我哋，教你絕不要漠視事實嘅存在，永遠抱住尊重人哋嘅態度去理解，節目內容亦無勉強將善惡定義，亦不會用鬼怪喧閙，就留個白等你思考。
今年秋季原來已是節目二十周年，今年演出有佐佐木藏之介、鈴木保奈美同我好欣賞嘅佐藤健等等，撞鬼經嘅風采依舊。
置身如此鬼域，相比戲中靈異，我哋遇到嘅邪魔簡直恐怖萬倍。小城正撞鬼，挨家挨戶亮着燈嘅人，今晚平安嘛？
撰文：陳海琪
唯獨一單至今仍然係最多人所共同遭遇到，若然以統計角度，必然係我眼中首選，就係大堂周圍遊蕩嘅細路，自己笑自己玩，之前就有主持聽到細路唱歌，嚇到魂飛魄散，亦有另一位主持話親眼見到個細路喺長走廊處奔跑，甚至停留喺直播室大玻璃外偷望，喺夜深人靜嘅凌晨點都會心寒。
嗰個時代聽眾最鍾意寄啲金句書簽或者平安求福嘅小精品畀主持，掛住個叮噹會喺重門深鎖嘅錄音室發出聲響。呢件事直到有次訪問一位絕少蒲頭嘅歌手，佢到埗直播室就同我講，你唔好驚呀，原來佢秘密咁話接觸到異界，不過只限於見到而未有溝通，這位歌手平日為人沉實內斂，佢話睇到個着住藍色衫嘅細路，一直喺度好奇望住我哋。其實我從來無驚，只係多年來一路諗佢點解停留咗喺人間。
睇鬼電影聽鬼故事唔係我個人喜好，之但係只有日本嘅《毛骨悚然撞鬼經》係令我真驚，每次睇完起碼幾個夜晚要開燈瞓覺，最初係稻垣吾郎帶着班小學生喺節目讀來信，分享各地靈異經歷，然後亦會將故事拍成短篇播放，氣氛之一流把我嚇親，值得一提係每個片段都會留下註腳，亦有位貌似專家或sensei出嚟解說，講吓鬼魂嘅心意同心結，世道無常人生百態，理解凡事有始終才是大道，小學生們其實就代表咗我哋，教你絕不要漠視事實嘅存在，永遠抱住尊重人哋嘅態度去理解，節目內容亦無勉強將善惡定義，亦不會用鬼怪喧閙，就留個白等你思考。
今年秋季原來已是節目二十周年，今年演出有佐佐木藏之介、鈴木保奈美同我好欣賞嘅佐藤健等等，撞鬼經嘅風采依舊。
置身如此鬼域，相比戲中靈異，我哋遇到嘅邪魔簡直恐怖萬倍。小城正撞鬼，挨家挨戶亮着燈嘅人，今晚平安嘛？
撰文：陳海琪
藍調時光
廣播人。寫作人。電視節目主持人。一直相信：只有逆風而行，才知道飛翔的力量。
沒有留言:
發佈留言