逃犯天堂煽惑共產黨 - 陳也

逃犯天堂煽惑共產黨 - 陳也


「呢啲就係逃犯囉！」指住手機遊行照片的大媽跟她的同類邊說邊食茶記B餐。我開飯這一區離當年六七暴動，左派放炸彈炸死兩小姐弟的地方只差兩個地鐵站，鄰近民主派無法攻陷、唔係民建聯次次自動當選就係葉劉都有阿伯話佢真人好索決定過票畀佢的紅區！門牙攝住蛋炒韭菜的大媽KOL上身，憑遊行相片「斷症」，超越湯渣條粉腸。後者講嘢冇人信納啦。紅大媽流利操控手機，不斷轉發兼打留言。蘋果突破260萬登記用戶，將來轉型網報，最令我擔憂的，恐怕就是要被迫睇留言，五毛圍堵留言區，句句都係湯渣式歪理。識睇，梗係慳返唔鬼睇五毛廢噏啦。紙媒確保不受五毛留言污染，所以加幾多價都是我的首選！

逃犯？2.28萬個逃犯遊街？香港主權移交中共，成為逃犯天堂22年，天堂中最浮雲的誠哥，身家亞洲之冠，正式歸位為香港市長的林鄭，人工亦係其他地區之首。逃犯天堂，連八字眉污嘴狗都升職做到保安局，這樣的逃犯天堂唔係世外桃源？係咩呀！難怪每日150個名額中的共產黨員煽惑他人煽惑，超心急移民香港。