八方仲記得喺港大委任陳文敏做副校長風波入面，港大校務委員會主席、行政會議成員李國章話香港冇人睇嘅《大公》，搞到左報冇晒面，但估唔到《大公》今次竟然獲得國際級政治人物做佢讀者，仲貼埋上Twitter，可惜嘅係呢位讀者睇完之後，只係送咗一句「只有暴君先會覺得民主係惡魔」畀《大公》。
「只有暴君覺得民主係惡魔」
是咁的，《大公》日前頭版報道「佔中幕後黑手反修例衝到前台，黃之鋒美國契爺串連向港施壓」，一炮過鬧晒美國國會及行政當局中國委員會主席麥高文、聯合主席盧比奧（Marco Rubio）、前主席史密斯等，仲要相當花心思整咗幅漫畫，畫到佢哋幾位成隻魔鬼咁。
估唔到盧比奧睇到《大公》嘅報道，相當畀面咁喺社交網站分享咗報道截圖，佢話自己成為咗親北京報章《大公》頭版嘅公仔，仲被畫成一隻跳緊舞嘅魔鬼兼且形容係民主派行動嘅其中一位幕後黑手，至於佢對呢個報道嘅回應係「Only tyrants think democracy is diabolical（只有暴君先會覺得民主係惡魔）」，之後好多人留言撐佢，當中仲有唔少人叫佢快啲出手幫香港反送中。八方見到咁，只係諗到好事不出門、醜事傳千里啫！
估唔到盧比奧睇到《大公》嘅報道，相當畀面咁喺社交網站分享咗報道截圖，佢話自己成為咗親北京報章《大公》頭版嘅公仔，仲被畫成一隻跳緊舞嘅魔鬼兼且形容係民主派行動嘅其中一位幕後黑手，至於佢對呢個報道嘅回應係「Only tyrants think democracy is diabolical（只有暴君先會覺得民主係惡魔）」，之後好多人留言撐佢，當中仲有唔少人叫佢快啲出手幫香港反送中。八方見到咁，只係諗到好事不出門、醜事傳千里啫！
沒有留言:
發佈留言