20240330
『三樓有三仔，四樓有四仔…』，識得呢句嘢嘅朋友一定會心微笑（或大笑），大家都幫趁唔少啦係嘛…一把沙啞嘅白粉聲，講出呢句90年代末到千禧年初一個香港獨特歪風。呢句咁經典標語係當年旺角『好景商場』一個俗稱『老同』的癮君子（即係吸毒者）在商場門口，為樓上三四樓幾十間翻版色情VCD舖門口叫賣宣傳，不過又算係香港末世紀風情的一種另類文化（講真我認為係）。咁呢位老同又點解咁抵得諗為樓上咁多間賣色情VCD舖宣傳？原因係樓上所有賣色情VCD舖頭係比兩大字頭社團經營，曾經有外人想租間舖分一杯羹，除非有人照，否則就紅藍黃白黑任揀（淋油的顏色），兩大社團夾錢咁個老同在樓下做人肉傳宣機。
好景商場早期以售賣電視遊戲機（所以細佬即係我好熟識）、搖控模型車及零件為主，但奇怪好景商場一直無業主立案法團管理，因此入到去好多裝修都甩甩漏漏陰陰暗暗，而商場間間舖都好細（其實係劏舖），咁嘅環境就最適合翻版光碟。初期係賣翻版電影同遊戲碟，整整下就賣色情VCD舖越開越多，咁社團管理就當然『別有風格』，一個二個紋身大漢加老同，燈光幽暗煙霧彌漫，成個地獄咁，不過D麻甩怕怕醜醜遮遮掩掩（當然有大談呢隻好果條女勁的發燒友），快快趣揀完小澤圓蒼井空（唔明點解大陸人叫佢做老師？教過乜？）嘅心水，快快手比錢就走，又最適合零售快流速的節奏，各原素就造就好景商場係一代影視產品『性』地。
工記（海關個花朵）開頭拉翻版係用版權條例，但色情光碟多數係日本同歐美成人影視公司，好多都無喺香港有代理，就算有都好難執行檢控，最多只係用淫審條例檢控，費時失事得多。記得我做影視發行嘅時期，香港係有兩間專發行美日三級片嘅公司，一間叫『威運』，一間叫『惠映』（惠映老闆就係鼎鼎大名嘅大俠徐一刀）。不過呢兩間公司係只係兼營VCD發行，主業係上三級電影，上映完就出三級VCD，咁當然呢兩間公司係經過電檢署送檢更係有版權嘅正當公司，果陣又無聽過工記有無搵呢兩間公司協助檢控。
去到後期，工記大力掃蕩翻版光碟，都唔理得咁多，只要見係翻版就唔理三仔四仔全部掃晒返去但又唔做檢控。呢個手段係不斷消耗你，掃晒D貨又量你唔會投訴話要返，係工記當年打擊翻版零售店嘅一樣手段（其實都好有效）。咁掃貨就必定拉埋人，開頭做售貨員嘅多數係社團中人，工記拉人就開始請替死鬼，因為勾擔保最少都幾千，拉得幾次『成本』就好重，咁就造就咗一班老同有謀生（食白粉）嘅職業，好景商場個環境就變得更地獄。
聽講老同嘅一日人工5百，拉咗就比多3舊唔包勾擔保費用啦…老同係唔怕勾擔保，工記都無可能個個掟入臭格48小時上庭，因為做都做唔切，好多都一百幾十甚至自簽就走得。工記掃蕩開頭係一個月一次，整整下就一個星期，再嚟就三幾日，之後就壓縮到一日一次。不過賣色情VCD又確實係好好賺，拉完唔夠十分鐘就再開過。最好笑係D麻甩遇到掃場，索性企門口，等掃完再買過。但最後工記又索性長駐候教，一日拉你三五七次，等D檔口無晒收入，最後就係用經濟手段整死風光一時嘅好景商場。其實賣色情VCD除咗好景之外，仲有幾個細場，記得好似係官塘廣場、旺角先達、荃灣力生廣場…當然仲有信和，全部都同一命運。
PS：本來想講半咸淡水版權嘅『日劇』，但想起好景商場咁威威，無理由唔記一筆！
好景商場早期以售賣電視遊戲機（所以細佬即係我好熟識）、搖控模型車及零件為主，但奇怪好景商場一直無業主立案法團管理，因此入到去好多裝修都甩甩漏漏陰陰暗暗，而商場間間舖都好細（其實係劏舖），咁嘅環境就最適合翻版光碟。初期係賣翻版電影同遊戲碟，整整下就賣色情VCD舖越開越多，咁社團管理就當然『別有風格』，一個二個紋身大漢加老同，燈光幽暗煙霧彌漫，成個地獄咁，不過D麻甩怕怕醜醜遮遮掩掩（當然有大談呢隻好果條女勁的發燒友），快快趣揀完小澤圓蒼井空（唔明點解大陸人叫佢做老師？教過乜？）嘅心水，快快手比錢就走，又最適合零售快流速的節奏，各原素就造就好景商場係一代影視產品『性』地。
工記（海關個花朵）開頭拉翻版係用版權條例，但色情光碟多數係日本同歐美成人影視公司，好多都無喺香港有代理，就算有都好難執行檢控，最多只係用淫審條例檢控，費時失事得多。記得我做影視發行嘅時期，香港係有兩間專發行美日三級片嘅公司，一間叫『威運』，一間叫『惠映』（惠映老闆就係鼎鼎大名嘅大俠徐一刀）。不過呢兩間公司係只係兼營VCD發行，主業係上三級電影，上映完就出三級VCD，咁當然呢兩間公司係經過電檢署送檢更係有版權嘅正當公司，果陣又無聽過工記有無搵呢兩間公司協助檢控。
去到後期，工記大力掃蕩翻版光碟，都唔理得咁多，只要見係翻版就唔理三仔四仔全部掃晒返去但又唔做檢控。呢個手段係不斷消耗你，掃晒D貨又量你唔會投訴話要返，係工記當年打擊翻版零售店嘅一樣手段（其實都好有效）。咁掃貨就必定拉埋人，開頭做售貨員嘅多數係社團中人，工記拉人就開始請替死鬼，因為勾擔保最少都幾千，拉得幾次『成本』就好重，咁就造就咗一班老同有謀生（食白粉）嘅職業，好景商場個環境就變得更地獄。
聽講老同嘅一日人工5百，拉咗就比多3舊唔包勾擔保費用啦…老同係唔怕勾擔保，工記都無可能個個掟入臭格48小時上庭，因為做都做唔切，好多都一百幾十甚至自簽就走得。工記掃蕩開頭係一個月一次，整整下就一個星期，再嚟就三幾日，之後就壓縮到一日一次。不過賣色情VCD又確實係好好賺，拉完唔夠十分鐘就再開過。最好笑係D麻甩遇到掃場，索性企門口，等掃完再買過。但最後工記又索性長駐候教，一日拉你三五七次，等D檔口無晒收入，最後就係用經濟手段整死風光一時嘅好景商場。其實賣色情VCD除咗好景之外，仲有幾個細場，記得好似係官塘廣場、旺角先達、荃灣力生廣場…當然仲有信和，全部都同一命運。
PS：本來想講半咸淡水版權嘅『日劇』，但想起好景商場咁威威，無理由唔記一筆！
沒有留言:
發佈留言