【黑鏡線索】
台灣即將選總統，同好多朋友一樣，從未試過，好似今次咁關心。
台灣即將選總統，同好多朋友一樣，從未試過，好似今次咁關心。
細個時，對台灣嘅印象，係有個叫李登輝嘅政客。大人話佢係奸嘅，一因為台獨，二因為親日。咁即係踩中晒所有大中華膠嘅底線，當然係十惡不赦。
點解話佢親日？佢識講日文，又有個日本名叫岩里政男，話自己係日本人多過中國人，咁即係漢奸啦好明顯。後來先明，咁佢喺大日本帝國治下台灣出世同長大，接受日語教育，咁好正常喎，有如好多香港人喺大英帝國屬土香港出世同長大，接受英語教育，改James、Carrie等等英文名一樣，對英國感情大過對中國，一樣咁自然。
點解話佢親日？佢識講日文，又有個日本名叫岩里政男，話自己係日本人多過中國人，咁即係漢奸啦好明顯。後來先明，咁佢喺大日本帝國治下台灣出世同長大，接受日語教育，咁好正常喎，有如好多香港人喺大英帝國屬土香港出世同長大，接受英語教育，改James、Carrie等等英文名一樣，對英國感情大過對中國，一樣咁自然。
李登輝卧薪嘗膽
台獨點解係衰？又真係冇人解釋過，我都冇問，大概因為聽起上嚟，統一好似勁啲，分裂好似好負面。讀高中嘅時候，有個台灣同學，佢屋企喺台中，話自己唔鍾意國民黨，我哋班香港同學就幫佢起個花名，叫「台獨」。那些年，叫人哋台獨係我哋諗得到最taboo嘅稱呼。
令大人咬牙切齒嘅，係李登輝原來係卧底（當時未有「無間道」），潛伏喺國民黨，扮晒嘢，點知上咗台就搞事，搞分裂。
而家睇返，同一件事，可以叫卧薪嘗膽。一個本土人可以做到殖民政權副總統，而蔣經國又竟然去得咁快，俾李登輝上到位。到呢度可以講係運氣，但正常人，未坐穩，就早已經萬箭穿心而落台，如果保得住條命嘅話。但佢竟然捱得過黨內外來人勢力嘅對抗，仲要一步一步，改革推動國會選舉，市長選舉，最終到總統選舉，就一定係能力遠超運氣。
令大人咬牙切齒嘅，係李登輝原來係卧底（當時未有「無間道」），潛伏喺國民黨，扮晒嘢，點知上咗台就搞事，搞分裂。
而家睇返，同一件事，可以叫卧薪嘗膽。一個本土人可以做到殖民政權副總統，而蔣經國又竟然去得咁快，俾李登輝上到位。到呢度可以講係運氣，但正常人，未坐穩，就早已經萬箭穿心而落台，如果保得住條命嘅話。但佢竟然捱得過黨內外來人勢力嘅對抗，仲要一步一步，改革推動國會選舉，市長選舉，最終到總統選舉，就一定係能力遠超運氣。
命運共同圈啟示
台灣成為華人主導社會，歷史上，第一個同唯一一個建立嘅民主制度，李登輝嘅裏應，喺建制裏面顛覆建制，屬於曠世級奇功。近來越來越多朋友，揀去移居台灣，有人欣賞嗰邊社會嘅多元包容，有人鍾意當地小朋友教育有好多另類選擇，有人睇中對岸節奏同物價可以令人真正生活，大家共通嘅，係渴望呼吸一下自由嘅空氣。
但就算去到幾年前，自己對台灣，都唔係咁關心，只係當國際新聞，完全冇理解到，香港同台灣，其實係同一個命運共同圈嘅成員。以前睇《悲情城市》，係當聽古仔。今年睇《返校》，先睇到近在咫尺嘅觸目驚心。當見到台灣朋友過去幾個月聲援時代革命，心中只有講唔盡嘅慚愧。
而我終明白，點解當年我哋叫嗰位同學做「台獨」，佢不但冇嬲，嘴角仲好似有三分自傲嘅笑容。
祝台灣朋友，有一個順利嘅總統選舉。
但就算去到幾年前，自己對台灣，都唔係咁關心，只係當國際新聞，完全冇理解到，香港同台灣，其實係同一個命運共同圈嘅成員。以前睇《悲情城市》，係當聽古仔。今年睇《返校》，先睇到近在咫尺嘅觸目驚心。當見到台灣朋友過去幾個月聲援時代革命，心中只有講唔盡嘅慚愧。
而我終明白，點解當年我哋叫嗰位同學做「台獨」，佢不但冇嬲，嘴角仲好似有三分自傲嘅笑容。
祝台灣朋友，有一個順利嘅總統選舉。
撰文：宋漢生
fb : sunghsblog
fb : sunghsblog
沒有留言:
發佈留言