我天生大愛包容，至今仍與腦殘藍保持最低限度的溝通。昨天有位腦殘藍對我說：「曱甴真係殘忍，走去燒阿叔，你做乜唔鬧佢哋呀？」我衝口而出：「咦，你今日做乜咁關心人類？燒聖誕樹就話譴責啫，燒人又關你事？」
腦殘藍一聽，馬上扯火咆哮：「邊個話我關心聖誕樹呀？我一向都鬧啲暴徒打人㗎啦！」我微笑說：「冷靜啲，之前唔知原來你都關心人命，係我誤解咗你，我錯，sorry囉。不過你既然講開人命，容許我多口問句：你撐警，係咪代表你熱切希望自己生cancer、老婆流產、仔女生出嚟又畸形呢？」
呢個moment，腦殘藍忍不住爆粗了：「×你，乜你把口咁×毒？」我首先譴責了他講粗口，繼而微笑着解釋：「搞清楚事實先：唔係我把口毒，而係啲催淚彈毒。你知唔知咩係鄰-氯代苯亞甲基丙二腈？」腦殘藍一臉茫然：「乜丙話？」
我說：「其實呢個係CS催淚毒氣嘅學名嚟嘅，原來你真係唔識㗎喎。催淚彈喺高溫揮發嘅時候，會產生致癌毒物，叫二噁英類化合物。越戰時期，美軍喺叢林入面噴咗大量含有二噁英嘅『橙劑』，目的係令樹葉跌晒落嚟，等越軍冇得匿。當時美國政府都唔承認有致癌物，不過後來好多喺受污染地區出世嘅BB，都係畸形，而放毒嘅美軍亦自作自受：佢哋退役之後，好多都生cancer、有心臟病，老婆流產同埋BB有缺陷嘅機率都比正常情況高30%。
「𠵱家香港警察，喺18區無差別咁放呢啲made in China嘅催淚彈，釋出大量二噁英，有冇諗過會危害市民健康呢？啲殘餘毒物分解唔到，仲會污染環境，咁你支持警察，同支持自己生cancer有咩分別呢？警謊話佢哋『止暴制亂』，我睇唔到，淨係睇到佢哋日日『製毒』。我係你呢，就寧願關心吓屋企人健康囉，仲同我講啲街頭毆鬥？」
腦殘藍說：「警察放毒，佢自己唔怕死咩？」我說：「佢哋份糧包咗㗎啦，唔係又點會咁高人工呀？莫非你覺得係因為佢哋文武雙全，美貌與智慧並重？」說完我也笑了。
沒有留言:
發佈留言