人哋話你唔符合標準 謝連忠

 

謝連忠

20220728

今個月初，特區政府安排律政司檢控官員，用視像「出席」聼證會，人權委員會就已經好唔客氣，濕咗特區政府一鑊，當時人哋話到明你唔符合標準，之前已經叫咗你改又唔改。

人哋話你唔符合標準，你就堅持話符合，即是大家準則唔一樣，冇嘢好講喇。叫你「承諾檢討」和「交待如何修訂」，你都冇睬人，即是件事你唔會有下聞，下次都係重覆嗰次場面，態度照舊。

你抑係叫委員會改變觀點，話你符合哂標準，特區政府一係認真考慮，退出《公民權利和政治權利國際公約》。當面濕你嗰個副主席，係人權學權威，你抑係揾個勁過佢嘅拗贏佢，或者揾人頂咗佢個位，叫佢返鄉下專心教書。國際嘢玩唔嚟，可以去玩大灣區，你分分鐘大哂，拉拉扯扯係好無謂，你日日走出嚟鬧人、用歌唱好香港，又話要畫埋條腸，有鬼用？

當時新聞係噉報：
//委員會副主席布爾坎（Christopher Bulkan）指出，製作兒童繪本及叫喊「光復香港」口號等屬「無害行為」（innocuous act），亦是合法行使言論自由權利，卻被港府以煽動罪控告。他提醒煽動罪不應用作打壓異己，民主社會下人們應有權批評政府，要求港府承諾檢討已檢控的煽動罪案件，並交代如何修訂煽動罪，以符合《公民權利和政治權利國際公約》。//

RTHK今日報道：

聯合國人權事務委員會表示，對廣泛詮釋及任意引用相關法例的不良後果，感到擔憂，又指香港國安法在2020年實施後，據報超過200人基於危及國家安全被捕，當中包括12名兒童。聯合國人權事務委員會認為，香港國安法條文並不清晰，難以判定構成罪行的行為，使學者、記者及其他人士，行使言論自由時容易遭起訴。

聯合國人權事務委員會憂慮香港人權狀況惡化，認為特區政府應該落實具體措施，廢除現時的香港國安法，以及停指引用相關法例。