20230204
專訪︱
《毒舌大狀》看更「陳球」 資深綠葉演員麥子雲
被TVB定型「奸人」 不甘得過且過 02年決意離巢
闊別香港幕前廿年 遇《毒舌》重燃熱血
“我鍾意認真，唔好「行」，付出都希望係認真付出”
賀歲片《#毒舌大狀》，憑住口碑與實力，上畫兩周票房已衝破6,500萬，又一套現象級的港產片，一億票房指日可待。主角、配角無不閃亮耀眼。其中飾演受賄後，在庭上作假口供的看更「陳球」，是資深綠葉演員，現年68歲的 #麥子雲。雖只客串兩場，但闊別香港幕前廿年，他的演出成為《毒舌》另一驚喜。
【被定型 一度意興闌珊】
對於觀眾，麥子雲名字可能未必一時間喚得出，但他一堂粗眉、充滿煞氣的「惡相」，早烙印在觀眾心目中。他被電視台定型「奸足」幾十年，令麥子雲一度意興闌珊。翻查資料，他對上的港劇，已是2001年的《尋秦記》，之後專注幕後，從事舞台製作。事隔多年被《毒舌》導演吳煒倫邀請客串，問子雲叔知否導演為何想起他，子雲叔說︰「我冇問，劇組搵我個女，問我拍唔拍，我得閒咪拍，我唔會刻意去搵，但有心搵到我，我又唔會拒絕。其實早幾前我喺國內都有拍番戲，只係香港觀眾唔知啫。」
導演 #吳煒倫 曾說，麥子雲當年在《大時代》飾演濟哥(劉江 飾)手下，一幕被慳妹(周慧敏 飾)打動，流露的惡漢柔情，令他印象深刻。加上受杜Sir啟發，認同TVB很多資深演員都是瑰寶，故吳煒倫為《毒舌》看更一角物色老戲骨演員，他即想起麥子雲。
【演《毒舌》演得爽 麥︰佢哋認真，唔『行』 】
子雲叔在《毒舌》戲份不多，卻是林涼水為曾潔兒翻案的關鍵人物。在港久違拍攝的他自言演得極爽！
「我呢個角色雖然戲份唔多，大可以搵個特約演員，搵一個平過我，講完幾句對白咪得囉！但呢位導演，我睇住佢拍每一個環節都好認真，點解佢要搵我呢個老演員呢，因為陳球角色要講大話，然後內疚，有好多矛盾嘅mood出嚟，呢啲後生導演事前做咗好多功夫，想點拍好清晰，唔同以前埋位……」
就算離不開演奸角(臨終前陳球才良心發現)，但子雲叔感到不一樣，是團隊的態度，「拍《毒舌》過到癮，因為我鍾意認真，唔好『行』。就算我付出，都希望係認真付出，唔好埋位講幾句對白就話搞掂。」
【抗拒僵化︰唔想A表情、B表情擺落去就得】
他口中「埋位講幾句對白就話搞掂」，大抵估到那個時候。《毒舌》裏︰「法律面前，窮人含L」的法治崩壞、體制不公義的年代，設在2002年。現實中那年也是子雲叔離開TVB的一年。厭倦定型做奸角屬其次，最頂唔順係制度僵化，又無要求，「由我初初入去，對演戲好大興趣，呂良偉、黃日華也好，大家喺訓練班都能遇上任何機會。到後來公司上市，要制度化，變咗模版式，我哋呢啲冇得新嘗試，變咗冇晒學習興趣。模版式即係唔使諗點做，只係將A表情、B表情擺落去就得，哈哈！」得過且過，不是他追求的演藝態度。
【被歸邊】
那時TVB未趨向山頭文化，但子雲叔稱，他這類龍虎武師出身的演員(少年時習武，懂柔道、洪拳、蔡李佛及詠春)，已被歸邊，「嗰陣時我都有問藝員科，點解你哋將我哋歸邊，我哋呢啲武打出身，要做戲又要打嘅角色就搵我哋。咩叫歸邊？我哋斷騷計，拍親都係古裝，我哋呢啲幾日先拍一個騷，但處境劇拍一日就有幾個騷又唔搵我！佢話︰『唔係呀，你都啱啱拍時裝劇呀！』，我話︰『你知唔知我拍一個時裝劇，追景都追咗5日，到最後嗰日仲要喺騎樓跳落嚟，我咁樣先攞一個騷。』咁佢冇聲出，到最後我咪決定走。」
最經典的「一年一騷」合約，子雲叔說︰「未減騷之前我已經走咗，減的話我更加唔使考慮啦！
「一年一個騷，最慘有人肯簽嘛！有啲局住簽，有啲點解肯簽，因為佢掛住TVB個排頭去接騷，咁你倒貼為TVB打工都得，你當宣傳然後喺出面賺番。但如果真係靠拍戲，點樣可以維生。好多人主動爭取，成日上5樓同啲人打招呼，乜乜乜，但我志不在此。」
【機會唔係俾表現好嘅上位】
在TVB打工幾十年，都經歷過大台惜才的年代，「周梁淑怡(任高層)年代，真係有好表現，就馬上俾機會你，仲係不停嘅。而家呢個年代唔係唔啱，但公司制度就係公司制度，見到有啲人做得幾好，點知突然又斷咗(機會)，斷咗又唔知幾時先出現番，出現番又唔係話俾番機會，咁即係點！機會唔係俾表現好嘅上位，於是我哋咪成日見到熟口熟面嗰啲，八點半又係嗰班，九點半又係嗰班，點解令到一個電視台咁快就冇咗一部分年輕觀眾！」
【遺憾未有滿意作品】
問他從影以來，有冇滿意作品，子雲叔即嘆氣，「從影以嚟，冇一個角色我鍾意，係遺撼，冇一個角色演來令我好深刻，就算喺《神鵰俠侶》戲份多啲(飾演武敦儒)，但戲份多啲唔等如喜歡，就算港台搵我做男一，拍單元劇《紙盒藏屍》，都唔係我喜歡。」
【未雨綢繆 唔使揸頸就命】
在TVB日子，子雲叔不用揸頸就命，因為入行時已身兼多瓣，圈外賺到的，遠遠超過TVB份糧，拍戲純滿足興趣。「一入行我已經兩兼，我拍緊戲時喺外面做緊其他工，70年代我已經可以搵15,000蚊一個月，但我簽TVB，係2500蚊一個月。
「我咩都做過，餐廳又做過，工程又做過，Sales又做過，只要搵到錢都做，Sales嗰份係賣保險，70年代我已經賣保險，連炎輝都未入行。」
【電視台最早期Dancer】
最意想不到，是其演藝範疇，除做龍虎武師、演員，亦是電視台最早期的Dancer，是郭富城的師兄。
子雲叔說︰「我入行之前跟黎海寧跳舞(著名編舞家)，即係黎小田個妹。後來佢叫我入麗的為節目《家燕與小田》跳舞，蕭笙叔又搵我拍《浣花洗劍錄》，嗰時我撈住三個台，佳視我就做武打演員，鼎爺(李家鼎)搵我去TVB做龍虎武師，都係冇簽約，同埋其他導演搵我拍六大奇案。後來TVB招募第一批Dancer，佢哋叫我去訓練班上堂，點知上咗一堂，佢哋就話同我直接簽約，唔使再上。我問幾錢個月先，佢話六百蚊一個月，我話︰『你知唔知我而家撈緊百幾蚊一日。』。」
TVB招募第一批Dancer，主力在《歡樂今宵》表演，他續道︰「最後我冇簽做TVB 全職Dancer，因為跳《歡樂今宵》要返5日，等於一個月跳廿日，月薪六百，當時我做替身係雙工……(本文未完)
《毒舌大狀》看更「陳球」 資深綠葉演員麥子雲
被TVB定型「奸人」 不甘得過且過 02年決意離巢
闊別香港幕前廿年 遇《毒舌》重燃熱血
“我鍾意認真，唔好「行」，付出都希望係認真付出”
賀歲片《#毒舌大狀》，憑住口碑與實力，上畫兩周票房已衝破6,500萬，又一套現象級的港產片，一億票房指日可待。主角、配角無不閃亮耀眼。其中飾演受賄後，在庭上作假口供的看更「陳球」，是資深綠葉演員，現年68歲的 #麥子雲。雖只客串兩場，但闊別香港幕前廿年，他的演出成為《毒舌》另一驚喜。
【被定型 一度意興闌珊】
對於觀眾，麥子雲名字可能未必一時間喚得出，但他一堂粗眉、充滿煞氣的「惡相」，早烙印在觀眾心目中。他被電視台定型「奸足」幾十年，令麥子雲一度意興闌珊。翻查資料，他對上的港劇，已是2001年的《尋秦記》，之後專注幕後，從事舞台製作。事隔多年被《毒舌》導演吳煒倫邀請客串，問子雲叔知否導演為何想起他，子雲叔說︰「我冇問，劇組搵我個女，問我拍唔拍，我得閒咪拍，我唔會刻意去搵，但有心搵到我，我又唔會拒絕。其實早幾前我喺國內都有拍番戲，只係香港觀眾唔知啫。」
導演 #吳煒倫 曾說，麥子雲當年在《大時代》飾演濟哥(劉江 飾)手下，一幕被慳妹(周慧敏 飾)打動，流露的惡漢柔情，令他印象深刻。加上受杜Sir啟發，認同TVB很多資深演員都是瑰寶，故吳煒倫為《毒舌》看更一角物色老戲骨演員，他即想起麥子雲。
【演《毒舌》演得爽 麥︰佢哋認真，唔『行』 】
子雲叔在《毒舌》戲份不多，卻是林涼水為曾潔兒翻案的關鍵人物。在港久違拍攝的他自言演得極爽！
「我呢個角色雖然戲份唔多，大可以搵個特約演員，搵一個平過我，講完幾句對白咪得囉！但呢位導演，我睇住佢拍每一個環節都好認真，點解佢要搵我呢個老演員呢，因為陳球角色要講大話，然後內疚，有好多矛盾嘅mood出嚟，呢啲後生導演事前做咗好多功夫，想點拍好清晰，唔同以前埋位……」
就算離不開演奸角(臨終前陳球才良心發現)，但子雲叔感到不一樣，是團隊的態度，「拍《毒舌》過到癮，因為我鍾意認真，唔好『行』。就算我付出，都希望係認真付出，唔好埋位講幾句對白就話搞掂。」
【抗拒僵化︰唔想A表情、B表情擺落去就得】
他口中「埋位講幾句對白就話搞掂」，大抵估到那個時候。《毒舌》裏︰「法律面前，窮人含L」的法治崩壞、體制不公義的年代，設在2002年。現實中那年也是子雲叔離開TVB的一年。厭倦定型做奸角屬其次，最頂唔順係制度僵化，又無要求，「由我初初入去，對演戲好大興趣，呂良偉、黃日華也好，大家喺訓練班都能遇上任何機會。到後來公司上市，要制度化，變咗模版式，我哋呢啲冇得新嘗試，變咗冇晒學習興趣。模版式即係唔使諗點做，只係將A表情、B表情擺落去就得，哈哈！」得過且過，不是他追求的演藝態度。
【被歸邊】
那時TVB未趨向山頭文化，但子雲叔稱，他這類龍虎武師出身的演員(少年時習武，懂柔道、洪拳、蔡李佛及詠春)，已被歸邊，「嗰陣時我都有問藝員科，點解你哋將我哋歸邊，我哋呢啲武打出身，要做戲又要打嘅角色就搵我哋。咩叫歸邊？我哋斷騷計，拍親都係古裝，我哋呢啲幾日先拍一個騷，但處境劇拍一日就有幾個騷又唔搵我！佢話︰『唔係呀，你都啱啱拍時裝劇呀！』，我話︰『你知唔知我拍一個時裝劇，追景都追咗5日，到最後嗰日仲要喺騎樓跳落嚟，我咁樣先攞一個騷。』咁佢冇聲出，到最後我咪決定走。」
最經典的「一年一騷」合約，子雲叔說︰「未減騷之前我已經走咗，減的話我更加唔使考慮啦！
「一年一個騷，最慘有人肯簽嘛！有啲局住簽，有啲點解肯簽，因為佢掛住TVB個排頭去接騷，咁你倒貼為TVB打工都得，你當宣傳然後喺出面賺番。但如果真係靠拍戲，點樣可以維生。好多人主動爭取，成日上5樓同啲人打招呼，乜乜乜，但我志不在此。」
【機會唔係俾表現好嘅上位】
在TVB打工幾十年，都經歷過大台惜才的年代，「周梁淑怡(任高層)年代，真係有好表現，就馬上俾機會你，仲係不停嘅。而家呢個年代唔係唔啱，但公司制度就係公司制度，見到有啲人做得幾好，點知突然又斷咗(機會)，斷咗又唔知幾時先出現番，出現番又唔係話俾番機會，咁即係點！機會唔係俾表現好嘅上位，於是我哋咪成日見到熟口熟面嗰啲，八點半又係嗰班，九點半又係嗰班，點解令到一個電視台咁快就冇咗一部分年輕觀眾！」
【遺憾未有滿意作品】
問他從影以來，有冇滿意作品，子雲叔即嘆氣，「從影以嚟，冇一個角色我鍾意，係遺撼，冇一個角色演來令我好深刻，就算喺《神鵰俠侶》戲份多啲(飾演武敦儒)，但戲份多啲唔等如喜歡，就算港台搵我做男一，拍單元劇《紙盒藏屍》，都唔係我喜歡。」
【未雨綢繆 唔使揸頸就命】
在TVB日子，子雲叔不用揸頸就命，因為入行時已身兼多瓣，圈外賺到的，遠遠超過TVB份糧，拍戲純滿足興趣。「一入行我已經兩兼，我拍緊戲時喺外面做緊其他工，70年代我已經可以搵15,000蚊一個月，但我簽TVB，係2500蚊一個月。
「我咩都做過，餐廳又做過，工程又做過，Sales又做過，只要搵到錢都做，Sales嗰份係賣保險，70年代我已經賣保險，連炎輝都未入行。」
【電視台最早期Dancer】
最意想不到，是其演藝範疇，除做龍虎武師、演員，亦是電視台最早期的Dancer，是郭富城的師兄。
子雲叔說︰「我入行之前跟黎海寧跳舞(著名編舞家)，即係黎小田個妹。後來佢叫我入麗的為節目《家燕與小田》跳舞，蕭笙叔又搵我拍《浣花洗劍錄》，嗰時我撈住三個台，佳視我就做武打演員，鼎爺(李家鼎)搵我去TVB做龍虎武師，都係冇簽約，同埋其他導演搵我拍六大奇案。後來TVB招募第一批Dancer，佢哋叫我去訓練班上堂，點知上咗一堂，佢哋就話同我直接簽約，唔使再上。我問幾錢個月先，佢話六百蚊一個月，我話︰『你知唔知我而家撈緊百幾蚊一日。』。」
TVB招募第一批Dancer，主力在《歡樂今宵》表演，他續道︰「最後我冇簽做TVB 全職Dancer，因為跳《歡樂今宵》要返5日，等於一個月跳廿日，月薪六百，當時我做替身係雙工……(本文未完)
沒有留言:
發佈留言