毒L觀眾請自備內褲
假如閣下係追逐美、日流行文化嘅七、八十後，你九成已經睇咗《挑戰者一號》。若然剛買咗飛準備入場，我勸你帶定條老底穩陣---因為「老毒物」嘅你可能喺戲院「性高潮」。導演史匹堡喺140分鐘內瘋狂插入七、八、九十年代經典icon，包括《阿基拉》紅色電單車、《回到未來》主角坐駕，《猛鬼街》Freddy、《娃鬼回魂》Chucky、《鐵甲威龍》、《Halo》，就連Hello Kitty都出埋!美國網站IGN專登搵人盤點戲入面嘅icon彩蛋，結果足足數到138粒，而且明顯仲有遺漏。呢餐「毒L自助餐」豐富程度可想而知。(想測試自己功力，可以睇睇IGN條片: http://bit.ly/2q8kvNV)
荷里活同高達最接近距離
「2018年3月30日某一分鐘，荷里活同機動戰士高達喺埋一齊。因為高達，我會記得嗰一分鐘。」呢句係當日睇《挑戰者一號》時我嘅內心VO。睇住隻高達由幾萬呎高空跳落嚟，掹出激光劍，二話不說喺機械哥斯拉心口拖出長長劍痕，我好多毒L friend忍唔住喺戲院叫咗出嚟。咁激動，因為呢幕勾起好多往事，彷如隔世。
《機動戰士高達》，日本神級機械人動畫系列。自1979年第一輯面世以嚟，佢嚴肅嘅戰爭題材、小說級數嘅故事、劃時代嘅機械設計，俘虜無數觀眾心靈，並且開拓出成年觀眾市場。三十幾年前，仲讀緊幼稚園，我第一次喺CCTVB邂逅《高達》，簡直好似「達文西見到電腦」:明知擺喺眼前呢件嘢勁到無倫，但以自己有限智識根本理解唔到，更莫講話用言語形容。當時牙都未出齊嘅我極力嘗試向身邊大人推銷《高達》，一味「好勁架、好深架」，結果換嚟捧腹大笑。從此我明白呢個世界有樣嘢叫代溝。
《高達》唔止係一種代溝，仲係一種文化差異。沉迷機械人動畫嘅老毒物可能有類似經驗:八十年代，眼見日本由《高達》過渡到《Z高達》、《ZZ高達》，點知美國佬先剛剛開始迷上小兒科嘅《變形金剛》，真係心都實埋。我哋呢啲亞太區毒L發夢都想睇《高達》真人電影，無奈大家心裏有數---冇荷里活資金同技術加持，夾硬拍只會失禮街坊。有說三、四十年前，電影公司Lion’s Gate曾經積極策劃高達電影，可惜最終因為版權傾唔掂，放棄。2000年，日本方面又有人不自量力，以雞碎budget開拍高達電影《G-Saviour》，完成品慘不忍睹……
到09年，「爆破痴漢」Michael Bay拍咗A級大片《變形金剛》，而且大收旺場，毒L更加心急如焚---好明顯荷里活CG技術已經非常成熟，只要有錢，拍機動戰士完全冇難度!問題係鬼佬對機械人嘅口味仲停留喺「好人壞人隻抽」，想睇史詩式戰爭高達電影，恐怕要投一、兩次胎。
「點解鬼佬對《高達》會冇feel?」對呢個問題一直好好奇。有外國學者認為，一講到科幻作品嘅機械人，美國人同日本人喜好有一處明顯分別:前者傾向所謂「friendly robots」，即係有意識、自主嘅生命體，而且重點係「對人類友善」。典型例子有《星戰》嘅C3PO、R2-D2，同《變形金剛》嘅柯柏文。可能出於政治上嘅戒心，美國觀眾似乎抗拒將機械人描寫成「戰爭工具」。
另一邊廂，日本動漫嘅機械人往往被設定為「載人軍事機械」。箇中原因，或者要追溯到二次大戰。當年日本戰敗，國民出於民族自尊心，一直希望喺經濟上挽回面子；六、七十年代，日本重工業進軍全球，唔少國民相信機械科技可以為佢哋爭返口氣。呢種諗法甚至滲透到小朋友睇嘅卡通片---1972年，《鐵甲萬能俠》率先以「載人機械人」作招徠，從此牽起幾十年「超級機械人」熱潮。當中「科技就是力量」嘅訊息，呼之欲出。時至今日，日本機械人動漫依然以「巨大載人兵器」作為主流。
因為有咁嘅文化差異，好多高達迷早已對真人版死心。好在「上天有毒L之德」，讓《挑戰者一號》原作者Ernest Cline降臨人間。呢位嚟自德州Austin嘅中坑，係少數美、日流行文化雙修嘅高階geek，佢嘅原著小說直頭係流行文化百科全書。對日本仔嘢，佢唔止識，仲連冷門刁鑽嘅都好熟。隨便舉個例:電影版尾段嗰場大亂鬥，喺原著仲墟冚好幾倍，除咗高達，出場嘅仲包括咸蛋超人、雌性鐵甲萬能俠Minerva X，同日本特攝版《蜘蛛俠》嗰機械人Leopardon。本書嘅概念勁到一個點，電影監製早喺Cline落筆寫之前，已經同佢買咗電影版權。高達同荷里活緣份終於嚟嘞。
可以想像，要拍一部對得起原著嘅改編，淨係買晒所有相關版權筆錢，已經相當甘。仲未計天文數字嘅CG特技。要賭咁大，一定要有咁上下把握。於是有關方面搵咗神檯級導演史匹堡，作為部戲最強嘅籌碼。事實上，要拍呢部史上最大堆頭嘅毒撚戲，亦冇人畀佢更合適。史導自細浸淫恐怖漫畫，同埋4、50年代B級科幻片；佢執導嘅《大白鯊》、《第三類接觸》、《E.T,》、《奪寶奇兵》，影響咗後世無數美、日創作人；史匹堡，根本就係毒界老祖宗。個人認為，亦只有憑佢面子，先有本事搞得掂電影公司老闆，仲有《高達》版權持有者Bandai同Sunrise，將呢個白色武士搬上銀幕。
雖然高達只係喺《挑》片出咗一分鐘左右，但呢個已經係荷里活同高達最近接近嘅距離。我覺得自己就好似《阿飛正傳》嘅蘇麗珍---我可能呢世都冇機會再見旭仔。因為嗰分鐘，我會記得史匹堡。
撰文：阿雞
前《蘋果動新聞》創作總監，文化雜食者，high嘢cheap嘢都啱，淨係冇中間。現為網台Booom主持cult片節目《百老匯電椅中心》，並負責附屬FB群組《百老匯電椅中心:放棄治療部》: broadwayelectricchair@ facebook
《機動戰士高達》，日本神級機械人動畫系列。自1979年第一輯面世以嚟，佢嚴肅嘅戰爭題材、小說級數嘅故事、劃時代嘅機械設計，俘虜無數觀眾心靈，並且開拓出成年觀眾市場。三十幾年前，仲讀緊幼稚園，我第一次喺CCTVB邂逅《高達》，簡直好似「達文西見到電腦」:明知擺喺眼前呢件嘢勁到無倫，但以自己有限智識根本理解唔到，更莫講話用言語形容。當時牙都未出齊嘅我極力嘗試向身邊大人推銷《高達》，一味「好勁架、好深架」，結果換嚟捧腹大笑。從此我明白呢個世界有樣嘢叫代溝。
《高達》唔止係一種代溝，仲係一種文化差異。沉迷機械人動畫嘅老毒物可能有類似經驗:八十年代，眼見日本由《高達》過渡到《Z高達》、《ZZ高達》，點知美國佬先剛剛開始迷上小兒科嘅《變形金剛》，真係心都實埋。我哋呢啲亞太區毒L發夢都想睇《高達》真人電影，無奈大家心裏有數---冇荷里活資金同技術加持，夾硬拍只會失禮街坊。有說三、四十年前，電影公司Lion’s Gate曾經積極策劃高達電影，可惜最終因為版權傾唔掂，放棄。2000年，日本方面又有人不自量力，以雞碎budget開拍高達電影《G-Saviour》，完成品慘不忍睹……
到09年，「爆破痴漢」Michael Bay拍咗A級大片《變形金剛》，而且大收旺場，毒L更加心急如焚---好明顯荷里活CG技術已經非常成熟，只要有錢，拍機動戰士完全冇難度!問題係鬼佬對機械人嘅口味仲停留喺「好人壞人隻抽」，想睇史詩式戰爭高達電影，恐怕要投一、兩次胎。
「點解鬼佬對《高達》會冇feel?」對呢個問題一直好好奇。有外國學者認為，一講到科幻作品嘅機械人，美國人同日本人喜好有一處明顯分別:前者傾向所謂「friendly robots」，即係有意識、自主嘅生命體，而且重點係「對人類友善」。典型例子有《星戰》嘅C3PO、R2-D2，同《變形金剛》嘅柯柏文。可能出於政治上嘅戒心，美國觀眾似乎抗拒將機械人描寫成「戰爭工具」。
另一邊廂，日本動漫嘅機械人往往被設定為「載人軍事機械」。箇中原因，或者要追溯到二次大戰。當年日本戰敗，國民出於民族自尊心，一直希望喺經濟上挽回面子；六、七十年代，日本重工業進軍全球，唔少國民相信機械科技可以為佢哋爭返口氣。呢種諗法甚至滲透到小朋友睇嘅卡通片---1972年，《鐵甲萬能俠》率先以「載人機械人」作招徠，從此牽起幾十年「超級機械人」熱潮。當中「科技就是力量」嘅訊息，呼之欲出。時至今日，日本機械人動漫依然以「巨大載人兵器」作為主流。
因為有咁嘅文化差異，好多高達迷早已對真人版死心。好在「上天有毒L之德」，讓《挑戰者一號》原作者Ernest Cline降臨人間。呢位嚟自德州Austin嘅中坑，係少數美、日流行文化雙修嘅高階geek，佢嘅原著小說直頭係流行文化百科全書。對日本仔嘢，佢唔止識，仲連冷門刁鑽嘅都好熟。隨便舉個例:電影版尾段嗰場大亂鬥，喺原著仲墟冚好幾倍，除咗高達，出場嘅仲包括咸蛋超人、雌性鐵甲萬能俠Minerva X，同日本特攝版《蜘蛛俠》嗰機械人Leopardon。本書嘅概念勁到一個點，電影監製早喺Cline落筆寫之前，已經同佢買咗電影版權。高達同荷里活緣份終於嚟嘞。
可以想像，要拍一部對得起原著嘅改編，淨係買晒所有相關版權筆錢，已經相當甘。仲未計天文數字嘅CG特技。要賭咁大，一定要有咁上下把握。於是有關方面搵咗神檯級導演史匹堡，作為部戲最強嘅籌碼。事實上，要拍呢部史上最大堆頭嘅毒撚戲，亦冇人畀佢更合適。史導自細浸淫恐怖漫畫，同埋4、50年代B級科幻片；佢執導嘅《大白鯊》、《第三類接觸》、《E.T,》、《奪寶奇兵》，影響咗後世無數美、日創作人；史匹堡，根本就係毒界老祖宗。個人認為，亦只有憑佢面子，先有本事搞得掂電影公司老闆，仲有《高達》版權持有者Bandai同Sunrise，將呢個白色武士搬上銀幕。
雖然高達只係喺《挑》片出咗一分鐘左右，但呢個已經係荷里活同高達最近接近嘅距離。我覺得自己就好似《阿飛正傳》嘅蘇麗珍---我可能呢世都冇機會再見旭仔。因為嗰分鐘，我會記得史匹堡。
撰文：阿雞
前《蘋果動新聞》創作總監，文化雜食者，high嘢cheap嘢都啱，淨係冇中間。現為網台Booom主持cult片節目《百老匯電椅中心》，並負責附屬FB群組《百老匯電椅中心:放棄治療部》: broadwayelectricchair@ facebook
沒有留言:
發佈留言