【科技在淘汰你同我】Benson Tsang

 

Benson Tsang 在【生活瑣事】相簿中新增了 1 張相片。

20230515

【科技在淘汰你同我】

有一日，在宜家傢俬小食部食緊雪糕，突然間有個年約70歲衣着光鮮的女士行近我，少少尷尬說：「先生，我唔識用嗰部機買嘢食，可唔可以幫幫我？」

我當然樂於協助，為免佢唔使次次搵人幫手，我就話俾佢知部機買嘢「唔係太困難」，我做咗一次俾佢睇，然後叫佢自己試吓做唔做到，女士一步一步跟着做，總算自己成功處理到。

我敢肯定，類似年紀嘅上一輩，面對呢啲「高科技」簡直係另一個世界的事物，一間店舖，連最普通的收銀員職位也被消失，「強迫」顧客「要懂得」使用先買到嘢食，唔識嘅話就要求助或者放棄，這種「生活門檻」，其實已經滲透於生活每一個範疇。

例如茶餐廳要用數碼電話掃QR code落單，雖然仍可以尋求侍應協助，但好多侍應第一時間唔係協助，係已經慣性叫你自己搞掂；又或者現在去政府醫院睇醫生，用嗰個死人HA Go「搶位」，對啲老人家簡直係一種折磨；又或者去大埔「某佛寺」、M+博物館、石硤尾配水庫參觀，全部都要上網book位，我試過去M+博物館問職員，參觀者只能上網先可以book位入場，咁啲老人家想來參觀咁點算？

職員竟然回答：叫老人家搵仔女幫手囉！

我答：唔係個個老人家都有仔女(屌你，20年後我咪變咗冇仔女嘅老人囉）

職員竟然答：咁咪去搵其他人幫手囉…..

DLLM!

有人可能會話，做人梗係要「與時並進」什麼什麼…….我想話，在地球上，其實電腦都只係普及未夠30年，現在看似好普通嘅智能電話，其實都都只係出現咗10幾年，年青一代覺得好簡單嘅嘢，對上一代來說根本唔知呢啲係乜黎！

再過幾十年後，科技繼續演進，現在笑緊老人家嘅人，面對將來的科技可能同現在老人家面對緊嘅嘢一樣。