曾志豪為香港傳媒人，主持電視節目《頭條新聞》、電台節目《瘋Show快活人》，他自言假如要用一種顏色去形容政見，用現今術語來分會是「黃金戰士」，崇尚「和平理性非暴力」簡稱「和理非」。4歲大仔亦因為耳濡目染試過在車上大叫「林鄭下台」，曾志豪當場嚇了一跳，他解釋︰「我話仔你仲有機會面試，我驚你忽然發牙痕。佢又不知意思忽然大叫『林鄭下台』，又不知對面老師乜嘢顏色……」他同時為這一代小朋友悲哀，幾歲人仔接觸的應該是爆旋陀螺，而不是「爆旋催淚彈」、「爆旋橡膠子彈」，亦不應該是玩「海綿彈寶寶」。
一直有出來行的曾志豪，由反高鐵到過百萬人上街，以邊行邊採訪的方式進行，食過催淚彈，到近日腳傷不能走出去，原來感覺很難受︰「當你睇直播，見到出面都是自己香港人受傷、流血，然後你覺得你連一下都做唔到嘅時候，心情原來好難受。反而出咗去，你食咗催淚彈，喊到口水鼻涕流出來，心情反而舒服。」在特首林鄭月娥漠視一百萬人上街的「6.9反修例遊行」，引發6.12包圍立法會當日，曾志豪首次到場︰「我嗰次唔係遊行，係想去睇下。點知去到就發現，個個都如臨大敵。之後大家開始射催淚彈，事前冇諗過咁大件事，今次第一次食催淚彈就喺嗰度。」隨着事態發展，到警察用催淚彈的次數越趨頻密，曾志豪的「gear」亦由單罐的豬嘴防煙面罩，到今時今日的專業型。他的心態亦隨着裝備改變，起了根本的改變，原來「和理非」的左膠，到今日無底線的以暴抗暴︰「我行動上仲係和理非，因為真係冇膽量衝出去。但我心態上已經轉咗好多，無論示威者、抗爭人士用乜嘢手段，有幾大所謂破壞，我都冇底線接受，會好願意去理解同情佢哋。」
「元朗7.21」白衣人無差別襲擊是分水嶺，曾志豪自嘲本是名無可救藥的左膠，雖然經歷6.12射催淚彈，但亦會安慰自己警察雖然過份，但他們只是聽命的磨心。當早期圍警察總部時，對示威者的行為他是看不過眼︰「6月嘅時候佢哋叫口號，我係叫唔出，甚至我會覺得唔適當。嗰時開始用狗糧玩警察，又會鬧佢哋毅進仔，又會話佢哋『黑警』，當時嘅我係左膠到會話『喂，唔好咁啦，點解話人哋係狗，用狗糧玩人啫。警察係衰，但未至於要咁樣，會覺得太過冇修養。」直到7.21之後，曾志豪的底線迅速消失，他甚至覺得食狗糧事小︰「你哋真係黑警嚟，真係離譜。元朗警署落閘嗰一刻，我道德嘅閘就開咗，直情無底線放出嚟。」
那一刻他腦中所有回憶彈了出來，之前覺得示威者過份的地方，一切都變得很合理，他笑說︰「佢哋好有先見之明，鬧得好。」不單自己，很多行家亦沉不住氣，對警察多了很多質問，會問「佢犯咗乜嘢事，點解要拉佢？」又會問「佢做咗乜嘢，你要咁樣對佢？」雖然好多時都換來警察的恐嚇，仍有不少行家出聲，因為事情已經變到好離譜，近乎光怪陸離。假如有朝一日自己的囝囝選擇走上街頭，曾志豪會對兒子說︰「小心啲，真係小心啲，因為我爹哋都係咁同我講。」
那一刻他腦中所有回憶彈了出來，之前覺得示威者過份的地方，一切都變得很合理，他笑說︰「佢哋好有先見之明，鬧得好。」不單自己，很多行家亦沉不住氣，對警察多了很多質問，會問「佢犯咗乜嘢事，點解要拉佢？」又會問「佢做咗乜嘢，你要咁樣對佢？」雖然好多時都換來警察的恐嚇，仍有不少行家出聲，因為事情已經變到好離譜，近乎光怪陸離。假如有朝一日自己的囝囝選擇走上街頭，曾志豪會對兒子說︰「小心啲，真係小心啲，因為我爹哋都係咁同我講。」
曾志豪相信從好的方面想，今次運動令香港人增加歸屬感，他說︰「上次雨傘都未令我有呢種感覺，今次抗爭感覺非常強烈，真是會突然覺得呢個城市我有份。睇到《願榮光歸香港》管弦樂合唱團版本，當中間白煙升起模仿催淚彈，嗰一刻好感動，提醒我個個人都有為呢個城市流眼淚，好慶幸自己有流過眼淚。」自言都41歲人，才第一次發現這份歸屬感，特別是當看到人鏈的時候，簡單一句「香港人加油」，已經很打動人心， 一種很強的身份認同，強過那些所謂國民教育。
採訪︰何永寧
攝影︰林德雄
攝影︰林德雄
沒有留言:
發佈留言