2017年11月2日星期四

跟著薯條去旅行(立場新聞)

跟著薯條去旅行(立場新聞)

話說And The Friet有咁多款薯條,又點會只係試兩款就走人呢?今次就去左位於原宿嘅分店,試下其他款嘅薯條先!
今次薯毛毛就揀左Chili Spicy Tomato同埋北海道紫薯黎試下,一開出黎就覺得Chili Spicy Tomato幾搶眼,都係用返原裝比利時薯條去炸,食落唔算好辣,基本上都Keep到水準。不過,北海道紫薯係超正!呢隻真係絕對唔可以錯過!食落真係夠鬆軟,仲要食得出係用左唔同嘅油去炸,個口感真係好唔同,如果大家有機會去試,呢隻同埋上一集講北海道個隻薯仔絕對係首選呀!
至於醬汁黎講,今次就揀左黑松露蛋黃醬同埋芝士醬。不過,個人覺得黑松露個味道唔算好強烈,而芝士醬就只係一般,略為可惜左啲。
評分:
薯條Size🍟:粗薯條
價錢💰:¥820(大約係港紙$57左右,追加多一個醬要¥120,連Set叫埋檸檬梳打再加¥250,埋單大約¥1200)
賣相📷:4/5(Box Set裝住依舊靚仔,一開出黎Chili Spicy Tomato幾搶眼,紫薯望落唔太覺得特別。)
薯條質素🌟:4.5/5(北海道個隻紫薯真係超正!絕對唔可以錯過!用牛脂去炸果然係唔同啲!至於Chili Spciy Tomato係用返原裝薯條關係,不過不失啦。)
醬汁/調味🍯:4/5(黑松露蛋黃醬唔錯,但黑松露味唔算好強烈,芝士醬就一般左啲。)
性價比💸:4/5(¥1200食到哂全部野,算係咁啦!)
總分💯:17/20
選擇性質:Take Away,附近有企位俾大家企係度食
唔講唔覺,原來係東京都寫左六間舖頭嘅薯條,即使仲有唔少地方想去,薯毛毛都要出發去下一個地方啦!究竟下一站去邊呢?話說薯毛毛去日本個陣,And The Friet就係名古屋開分店,所以,下一站會帶大家去名古屋,睇下仲有咩薯條食先!兩星期後見!拜拜!
小食店:「アンド ザ フリット」フレンチフライ専門店
地址:東京都渋谷区神宮前1-11-6 ラフォーレ原宿2F



沒有留言:

發佈留言