卡通片的主角總是喜歡找東西，找著找著，就成了一場冒險，《海底奇兵》亦如是。第一集是幫助馬倫找回Mo仔，今集改以無記性的多莉找回父母為主題，再次展開千里尋親之旅。同樣的，電影還是公路電影的套路，不過劇情方面仍有驚喜，即便是看過預告片，亦想不到很多天馬行空的細節和結局。另外，電影加入了不少出色的配角，喜劇效果更勝第一集，例如大近視的沙沙妹、額頭腫起了一坨的比利，還有偽裝能力一流的阿亨等，相較之下，馬倫和Mo仔本應同樣是主角，卻頓時變得不起眼。
總會有其他的解決方法
多莉有短暫性失憶症，別說是昨天的事，連上一分鐘說過的事，她下一分鐘就忘了。所以，多莉在汪洋大海中，重重關卡下，尋找父母，會是件多麼困難的事。而不出所料，她的確是遇上了許多濕滯事：糊裏糊塗進了隔離區、與朋友失散、總是想不起到目的地的方向⋯⋯
然而，她從不氣餒。此路不通嗎？走其他路吧。死小孩的手擋著路嗎？一口氣向前衝吧。實在不知道應該向左走還是向右走嗎？憑著你僅有的直覺和偏好吧。
確實，世界上有那麼問題等著我們去面對，一下子想不通，就會被絆得死死的。但別急著放棄，因為你沒有聽過嗎，往往是最後一把鑰匙才能打開鎖呢。
有些事 一定要自己獨力完成
多莉一直很依賴朋友的相助，因為自己的無記性，總會搞出很多大頭佛，令她沒辦法相信自己。但是，沒有人可以陪她走完每一段路。例如多莉要游進狹小的水管到深海展覽館時，沒有人可以與她同行，事事幫著她，替她執手尾。
有時候，有些事，一定要自己完成；有些路，必定是一個人走。沒有人可以保證陪你走到最後，相信自己的能力，仰首踏步出去吧。
人生太多的美好 都是計劃不來的
電影中，多莉說服阿亨跟自己回去大海，阿亨不肯：「我還沒有計劃要回到大海！這不是我的計劃！」多莉著急地說：「那我有計劃要遇到你嗎？我有計劃要與父母失散嗎？我有計劃要患上短暫失憶症嗎？」是的，通通都在計劃之外，但事情就這樣發生了。她沒有後悔，亦感激沿途遇上那些美好的事。
最美好的總會在不經意時候出現。所以說，何必要那麼小心翼翼的跟隨自己的計劃呢？學會享受突如其來的插曲和驚喜，發掘生命中種種不經意的美好吧。
題外話，片頭動畫《Piper》很出色，講述一隻小鳥如何克服在海邊沙灘覓食，帶出不要畏懼生活的訊息，勇敢一次，就能看見美好的風景。比起《玩轉腦朋友》的片頭動畫《火山戀曲》，《Piper》令人印象深刻許多。
Joyce Wong
《海底奇兵2》影評（內含劇透）
小編基於對《海底奇兵》嘅喜愛同親切感，知道有續集推出都有所期望，但知道續集通常遜色於首集嘅現象都對呢套續集抱有保留。而入場睇完後，竟然冇令人失望，值回票價。
續集改以多莉尋親為主線，故事發生喺搵返Mo仔一年後，多莉（毛舜荺配音）擔任雷老師嘅助教時突然勾起對失散父母嘅回憶，於是同馬倫（劉青雲配音）、Mo仔展開左尋親之旅，多莉不慎被人類捉入海洋生態保育中心，結果佢同「七爪魚」阿亨（鍾景輝配音）合作，喺保育中心尋親，但受到多莉嘅短暫失憶症影響下，尋親之旅顯得波折重重，而且鬧出唔少笑話，之後……
故事舖排上唔失色，喺多莉嘅尋親路上，佢不時受不同嘅事情影響而勾起佢昔日同父母相處嘅片段，中間嘅插敍為多莉搵返父母舖左唔少引線同線索。而旅程似係一個自我發掘嘅過程多過尋親，因為多莉同阿亨遇上左一連串瘋狂嘅事，使多莉更清楚自己，BB車遊花園、兒童區應付細路仔嬉戲、水管探路，多莉都發揮到自己嘅本領，就連佢搵返父母嗰一刻，都係多莉靠自己成就。亦因此，馬倫同Mo仔嘅歷險情節即使顯得瘋狂，都唔夠多莉嘅情節吸。
呢套戲嘅喜劇效果亦更勝第一集，除左保育中心嘅驚喜歷險，保育中心嘅沙沙妹（阮小儀配音）、比利（吳業坤配音）嘅化學作用都甚有睇頭，兩魚嘈起上黎時嘅對話確有笑料，而佢發揮「宇宙最強千里眼」時都令人大開眼界。而有一場飛車落海嘅高潮戲，竟然奏起Louis Armstrong嘅名曲《What A Wonderful World》，成為一大笑位。若你睇過《荒失失奇兵》，呢首歌用左黎反襯獅子阿力嘅絕望處境，呢套戲就將從危機走出黎嘅歡樂強烈展現左出黎，值得一讚！仲有一個笑位，大家睇呢套戲時應該係想知歌神張學友配邊個，我同大家講，當佢把聲出黎時，你會笑左，當你知道佢配咩時，你可能會「姐」左一聲，感覺有啲伏，但仍然可以笑到你覺得好搞鬼。當然除左搞笑，亦不失需要嘅溫情。
呢套戲表達嘅訊息幾鮮明，除左承傳上集重視家庭溫暖嘅訊息，亦提倡左停止以海洋生物作娛樂工具嘅訊息。喺海洋生態保育中心，人類只求見到動物為人帶黎嘅娛樂，但冇人感受到動物係怕同人類接觸，尤其喺兒童區，細路掂動物嘅一幕，所有海洋生物都左閃右避，訊息顯而易見，可見訊息傳遞上相當易明同突出。
不過，套戲都略有缺點。阿亨喺戲中戲份甚重，可以算喺主角，不過關於佢嘅過去帶有唔少未明因由，例如佢唔鍾意大海嘅原因、渴望長居他方嘅因由、以至失去觸鬚嘅過程都留白左。但係完場出rollar時用左阿亨做背景，唔通有出外傳嘅暗示？
總括而言，《海底奇兵2》係一部具水準而且有內涵嘅動畫電影，既不失第一集嘅元素，亦能夠發揮更上一層樓嘅藝術，以續集而言，亦係水準有板有眼嘅作品。
沒有留言:
發佈留言