「風雲谷」又準確預言，「國歌」事件，由文體局長開始只會一層層向下推，由在外國出賽的「前線」運動員負上「違反國安法」的民族主義罪責。你唔孭，唔通幾十萬月薪和億萬富豪世襲平時做人大政協的什麼體委港協主席來孭？
香港的運動員好似雙層巴士司機，除了開車睇路，還要監察乘客上車付車費入錢箱，兼望住歌車廂內的攝錄機，上層有女乘客被非禮，司機如果沒有馬上停車捉人，即刻變共犯。架巴士如果殘夠失修，半途死火，全車乘客指着司機由「X你乜你咁七冇用㗎」，到「有本事嘅都唔會揸一世巴士」。
即使「亡羊補牢」，成功申請撥款成立一個「國歌辦」，上面唱K開飯，你估輪唔輪到冰球運動員三餐有得加餸？
沒有留言:
發佈留言