20230922
·
·
專訪︱
《那年盛夏我們綻放如花》餘溫
戲劇導師張錦程 臨時上陣客串「校長」
完美示範 同一對白演5種版本
其中有戀慕周Sir版
曾經做到灰 幸遇理念相同陳健朗
“ 佢有赤子之心同熱誠，肯重拾基本功
呢類人我等咗好耐”
------------------------------------------
《#那年盛夏我們綻放如花》播畢，餘溫仍在，唔少網民繼續討論、細味劇裏每個細節。6A班位位新面孔演技綻放，部分甚至表現出色。演員跑出，做戲劇指導的 #張錦程，也被觀眾重新注目。
【臨時上陣唯一要求︰頭髮剪少少好喇】
張錦程在電視營幕久違3年，為這套神劇客串僅2分鐘戲份，足教人心悅誠服。原來客串「校長」是臨時拉夫上陣，角色本另有其人。錦程說︰「原本由劉國昌導演做，但當日劇組時間上拍到over晒，校長嗰場拍唔到需要改期。但改期日子又撞正劉國昌生日，昌哥接唔到。咁啱當日我身在現場八卦，阿朗同監製望住我︰『不如你嚟！』咁咪臨時上陣，演校長我只有一個要求，就係我把頭髮剪少少好喇，哈哈。」
「校長」一集出街後，#監製林淑賢 出post說︰「多謝錦程老師『晉級』校長的特別演出，為同學們作出完美示範。」
【演繹5個校長版本 包括戀慕周Sir】
監製都寫個服字！因當日錦程以同一對白，演了5個截然不同的版本供導演挑選，難怪監製稱是完美示範。
「演咗五個版本，其中一個係校長愛慕周sir(駱振偉)，如果唔係對cut拍，我摸埋佢隻手仔，哈哈。另一個係身份高，但地位低微，即係怕咗員工，不被尊重嘅校長；另一個係完全威嚴。而家出街嗰個，係最base嗰個，假關心兼不負責任嘅校長，有乜事都要你做決定。」
拍攝時，一班「同學」在場外觀摩。加埋「校長」神級功力，想像到最大壓力嗰位，是「周Sir」！錦程妙答︰「咁周Sir咪用到呢啲壓力囉。」戲裏，周Sir一副戰戰兢兢見校長。
【戲劇同路人 錦程︰陳健朗呢類我等咗好耐】
昔日是短髮四眼仔，香港演藝學院碩士生，拿過兩屆舞台劇最佳男主角，在舊東家TVB年代，拍過多套劇集，無論角色寫得如何平傭，他都是被看見的配角。另一深刻，是在《歡樂今宵》扮「祥嫂」扮到出神入化。
近年張錦程愛束著一頭銀絲長髮，永遠闊袍大袖的衣著，藏着一股大師氣場。張錦程撻着一班年輕演員引擎，自己團火則被導演 #陳健朗 猛烈燃燒。
張錦程近年在港產量不多，疫情前還打算放低演藝工作去遊歷世界，藉此沉澱再發掘往後的路。「當時心情灰灰地，因為(行內)由上而下，好多嘢都無歸到本位。」直至去年做舞台劇認識了游學修、劉俊謙，及因共同朋友而連結的陳健朗，張錦程終於遇到對戲劇理念一致的人，他說︰「等咗好耐有呢啲想法嘅人，而家同佢哋傾番都感動。無論個人紅唔紅，係咪都應該做番好啲戲，咁所有嘢都會好。」
正如《那年盛夏》其中成功原因，錦程謂：「演員只係其中一環，個劇每一個崗位都係盡力做好，所以咪一路加分。」演員外，一眾幕後也是靈魂所在。總舵手導演、監製、編劇、美術、音樂、攝影、燈光、服裝、剪片等，追求嘅唔係面嗰「浸」。熱血、認真的團隊精神，建構出一部令人念念不忘佳作。
【第一個反應︰電視尺度拍唔拍到㗎】
之前他甚少開班教戲，朗導找他為《那年盛夏》這類香港新劇種做戲劇指導，錦程第一個反應︰「我問佢︰『電視尺度拍唔拍到㗎！』佢好堅持，覺得既然過往無呢類型，就要試！佢對戲劇好有熱誠，新人朗導願意行出呢一步，我好感動，而家講起我都眼濕濕，因為我等咗好耐，等到有呢啲想法嘅人。」籌備時，陳健朗已定下目標，以國際平台OTT為收貨標準，而非本地製作一向水平。
他眼中的陳健朗，不單擁赤之子心，「有人會攞套戲嚟玩觀眾，但佢係分享。」還是位好老師，在片場用心指導演員，錦程謂︰「阿朗好肯發掘演員真實感同基本嘢，如果做戲無咗交流，就咁砌出嚟係好作狀，呢個底係國際基本標準，開心睇到大家重拾呢樣嘢。」
【唔係喊就等於演技爆發】
「外界常有個誤解，以為喊就係演技大爆發，以為食粒仙丹就即刻識演戲，演員係人生經歷嚟，觀眾都係人，點樣做到令佢哋相信你係真，就係要make sense，make believe。做戲唔係無設計，不過就算有，設計亦不露痕跡，令觀眾以為真實地發生。不過有設計都需要演員match番個角色，而唔係單靠對白，兩者係一個平衡。」他與拍檔Hanks(也是該劇導師)，跟導演同樣追求找到演員真實感受同情感，透過訓練，同學們在拍攝前已種下角色的種子，到正式埋位便如同生活在劇本的世界。
【認同杜Sir金句】
張錦程續道︰「願意發掘演員真實感，過往香港演藝圈好少見，除非藝人或偶像識得自省進步。香港演藝文化就係咁，過往咁多個年代，有幾多真係明白咩係戲劇。我好記得杜Sir(#杜琪峯)喺舞台劇頒獎禮上講咗句︰『呢個世界就係咁樣，老千又多，傻仔仲多』。」他喜見新一代的演藝工作者，不依賴卡士光環做賣埠保證，而是踏實地做好每個細節，回歸質素基本步。
「以前無乜人彰顯呢方面，所以多年前點解我喺香港慢慢淡出，宣傳自己我唔叻，我只識做好自己本份。」
有赤子之心的導演，也有以作品質素為本的監製林淑賢(Debbie)、還有美指張兆康、原創配樂，張錦程發現《那年盛夏》有很多優秀同路人。「Debbie係一個好好嘅監製，佢唔係只顧計數，好耐無見一個咁懂戲劇嘅監製，佢維持得好好，唔會撞到散晒。」
【學生篇】
編劇 #何晞賢 筆下，《那年盛夏》角色人設位位鮮明。事前透過試鏡，朗導按演員本質為角色配對，張錦程與另一導師Hanks亦幫手選角。經過兩三輪過關斬將的casting，到演員圍讀時候，張錦程說某幾個角色人選仍未定案。「所以某幾個角色嘅對白，佢哋都要輪流讀，直至入workshop訓練前先落實晒。」
【「柯狗」張迪文︱口齒伶俐】
戲裏是精英，戲外也是本地新演員精英。因為張迪文演得好，才能把「柯狗」的魔性發揮到極緻。
導師眼中，#張迪文 是全班最口齒伶俐的一個。錦程說︰「佢講嘢係全班最流利，惟一冇懶音嘅一個，由佢飾演一個高材生，已經有說服力。每個人都唔會完全善良，總有陰暗面，阿朗睇到佢曳曳地一面，嘗試將佢呢一面再放大。佢真係演得好好。好耐無聽過演反派演得俾人鬧，咁先好玩。 」
【「羅彥輝」李嘉毅｜質地好正】
被喻為《那年盛夏》戲裏戲外最神秘的演員。劇集播畢，惹關注的 #李嘉毅 沒乘勢入行發展。錦程當日有份為演出零經驗的李嘉毅casting，「覺得佢質地好正，佢好啱阿輝。佢講嘢唔叻、不善詞令同表達，同埋佢係做音樂工作，通常呢類型都傾向喺自己music zone入面，自身條件已經好接近個角色，如果由佢演阿輝係事半功倍。所以當時我都問阿朗搏唔搏，結果搏到。」
【「賴智勇」戴玉麒︱呢個死仔包】
#戴玉麒 曾寫了一段說話給錦程導師，他以戲裏「校長」與「學生」角度出發︰「有一日，校長同我講，佢係我老豆，我當刻下咗出聲，我話︰『咪玩啦校長，你著到校工咁都算，仲走嚟認親認戚？做我老豆？』雖然唔知真定假，不過諗諗下又幾似，呀校長老豆都係個癡線佬…」
張錦程談他亦份外親切，雖簡單幾句，已感覺他對戴玉麒另眼相看。「呢個死仔包，好鍾意同人傾偈。我眼中佢好有天份，可塑性好高嘅一位新演員。」
【「張允行」Marco｜最大進步】
害羞，是Marco( #葉振弘)的icon。也是導師錦程曾擔心的最大障礙。「最初會擔心『允仔』多啲，因為佢超級怕醜，好內歛。試過有啲位因為怕醜，唔夠膽好放咁做，我哋同佢講笑咁講︰『你揀得呢行，就無得怕醜。』其實張錦程初期都好怕醜，惟有練習多啲，譬如要佢講故事，講佢一個戀愛故事畀人聽。」吓，全世都知他是AO！
「所以佢要講到令人相信係真。同時間其他人都要學識問問題，因為呢個過程都係一種思考訓練，係演員必需。佢嘅戲介乎真與假之間，演戲就係要咁，表達嘅情感有啲真有啲假。」劇集播畢，在慶功宴再見Marco，導師最關心仍是那個問題，錦程說︰「嗰日慶功，問佢仲係咪AO，佢話係，我話有冇搞錯！講到演出，佢係進步好大嘅一個，縱然仍有沙石好正常，亦因為有沙石，佢先啱演允仔呢個人。」
【「楊悅盈」Marf｜肯發問】
#Marf(#邱彥筒)的演出，同樣掌聲多，錦程說︰「佢唔怕辛苦，又越做越好，又好肯問問題。呢類演員對行內某啲人而言可能覺得煩，但在可控時間下提出問題係好事，那怕通過討論未必有答案，但至少大家可以反思。佢初頭好驚，因為阿朗要求嘅嘢，未必係佢認知嗰套。不過因為佢唱歌跳舞，對角色起到力量，例如當佢唔知點處理一啲對白情節，就建議佢將對白注入音樂節奏，佢就好快pick up，知道點表達情感。佢好聰明，係一個好有潛質嘅演員。」
Photo by Kit Chan
採、文︰S.Lo
《那年盛夏我們綻放如花》餘溫
戲劇導師張錦程 臨時上陣客串「校長」
完美示範 同一對白演5種版本
其中有戀慕周Sir版
曾經做到灰 幸遇理念相同陳健朗
“ 佢有赤子之心同熱誠，肯重拾基本功
呢類人我等咗好耐”
------------------------------------------
《#那年盛夏我們綻放如花》播畢，餘溫仍在，唔少網民繼續討論、細味劇裏每個細節。6A班位位新面孔演技綻放，部分甚至表現出色。演員跑出，做戲劇指導的 #張錦程，也被觀眾重新注目。
【臨時上陣唯一要求︰頭髮剪少少好喇】
張錦程在電視營幕久違3年，為這套神劇客串僅2分鐘戲份，足教人心悅誠服。原來客串「校長」是臨時拉夫上陣，角色本另有其人。錦程說︰「原本由劉國昌導演做，但當日劇組時間上拍到over晒，校長嗰場拍唔到需要改期。但改期日子又撞正劉國昌生日，昌哥接唔到。咁啱當日我身在現場八卦，阿朗同監製望住我︰『不如你嚟！』咁咪臨時上陣，演校長我只有一個要求，就係我把頭髮剪少少好喇，哈哈。」
「校長」一集出街後，#監製林淑賢 出post說︰「多謝錦程老師『晉級』校長的特別演出，為同學們作出完美示範。」
【演繹5個校長版本 包括戀慕周Sir】
監製都寫個服字！因當日錦程以同一對白，演了5個截然不同的版本供導演挑選，難怪監製稱是完美示範。
「演咗五個版本，其中一個係校長愛慕周sir(駱振偉)，如果唔係對cut拍，我摸埋佢隻手仔，哈哈。另一個係身份高，但地位低微，即係怕咗員工，不被尊重嘅校長；另一個係完全威嚴。而家出街嗰個，係最base嗰個，假關心兼不負責任嘅校長，有乜事都要你做決定。」
拍攝時，一班「同學」在場外觀摩。加埋「校長」神級功力，想像到最大壓力嗰位，是「周Sir」！錦程妙答︰「咁周Sir咪用到呢啲壓力囉。」戲裏，周Sir一副戰戰兢兢見校長。
【戲劇同路人 錦程︰陳健朗呢類我等咗好耐】
昔日是短髮四眼仔，香港演藝學院碩士生，拿過兩屆舞台劇最佳男主角，在舊東家TVB年代，拍過多套劇集，無論角色寫得如何平傭，他都是被看見的配角。另一深刻，是在《歡樂今宵》扮「祥嫂」扮到出神入化。
近年張錦程愛束著一頭銀絲長髮，永遠闊袍大袖的衣著，藏着一股大師氣場。張錦程撻着一班年輕演員引擎，自己團火則被導演 #陳健朗 猛烈燃燒。
張錦程近年在港產量不多，疫情前還打算放低演藝工作去遊歷世界，藉此沉澱再發掘往後的路。「當時心情灰灰地，因為(行內)由上而下，好多嘢都無歸到本位。」直至去年做舞台劇認識了游學修、劉俊謙，及因共同朋友而連結的陳健朗，張錦程終於遇到對戲劇理念一致的人，他說︰「等咗好耐有呢啲想法嘅人，而家同佢哋傾番都感動。無論個人紅唔紅，係咪都應該做番好啲戲，咁所有嘢都會好。」
正如《那年盛夏》其中成功原因，錦程謂：「演員只係其中一環，個劇每一個崗位都係盡力做好，所以咪一路加分。」演員外，一眾幕後也是靈魂所在。總舵手導演、監製、編劇、美術、音樂、攝影、燈光、服裝、剪片等，追求嘅唔係面嗰「浸」。熱血、認真的團隊精神，建構出一部令人念念不忘佳作。
【第一個反應︰電視尺度拍唔拍到㗎】
之前他甚少開班教戲，朗導找他為《那年盛夏》這類香港新劇種做戲劇指導，錦程第一個反應︰「我問佢︰『電視尺度拍唔拍到㗎！』佢好堅持，覺得既然過往無呢類型，就要試！佢對戲劇好有熱誠，新人朗導願意行出呢一步，我好感動，而家講起我都眼濕濕，因為我等咗好耐，等到有呢啲想法嘅人。」籌備時，陳健朗已定下目標，以國際平台OTT為收貨標準，而非本地製作一向水平。
他眼中的陳健朗，不單擁赤之子心，「有人會攞套戲嚟玩觀眾，但佢係分享。」還是位好老師，在片場用心指導演員，錦程謂︰「阿朗好肯發掘演員真實感同基本嘢，如果做戲無咗交流，就咁砌出嚟係好作狀，呢個底係國際基本標準，開心睇到大家重拾呢樣嘢。」
【唔係喊就等於演技爆發】
「外界常有個誤解，以為喊就係演技大爆發，以為食粒仙丹就即刻識演戲，演員係人生經歷嚟，觀眾都係人，點樣做到令佢哋相信你係真，就係要make sense，make believe。做戲唔係無設計，不過就算有，設計亦不露痕跡，令觀眾以為真實地發生。不過有設計都需要演員match番個角色，而唔係單靠對白，兩者係一個平衡。」他與拍檔Hanks(也是該劇導師)，跟導演同樣追求找到演員真實感受同情感，透過訓練，同學們在拍攝前已種下角色的種子，到正式埋位便如同生活在劇本的世界。
【認同杜Sir金句】
張錦程續道︰「願意發掘演員真實感，過往香港演藝圈好少見，除非藝人或偶像識得自省進步。香港演藝文化就係咁，過往咁多個年代，有幾多真係明白咩係戲劇。我好記得杜Sir(#杜琪峯)喺舞台劇頒獎禮上講咗句︰『呢個世界就係咁樣，老千又多，傻仔仲多』。」他喜見新一代的演藝工作者，不依賴卡士光環做賣埠保證，而是踏實地做好每個細節，回歸質素基本步。
「以前無乜人彰顯呢方面，所以多年前點解我喺香港慢慢淡出，宣傳自己我唔叻，我只識做好自己本份。」
有赤子之心的導演，也有以作品質素為本的監製林淑賢(Debbie)、還有美指張兆康、原創配樂，張錦程發現《那年盛夏》有很多優秀同路人。「Debbie係一個好好嘅監製，佢唔係只顧計數，好耐無見一個咁懂戲劇嘅監製，佢維持得好好，唔會撞到散晒。」
【學生篇】
編劇 #何晞賢 筆下，《那年盛夏》角色人設位位鮮明。事前透過試鏡，朗導按演員本質為角色配對，張錦程與另一導師Hanks亦幫手選角。經過兩三輪過關斬將的casting，到演員圍讀時候，張錦程說某幾個角色人選仍未定案。「所以某幾個角色嘅對白，佢哋都要輪流讀，直至入workshop訓練前先落實晒。」
【「柯狗」張迪文︱口齒伶俐】
戲裏是精英，戲外也是本地新演員精英。因為張迪文演得好，才能把「柯狗」的魔性發揮到極緻。
導師眼中，#張迪文 是全班最口齒伶俐的一個。錦程說︰「佢講嘢係全班最流利，惟一冇懶音嘅一個，由佢飾演一個高材生，已經有說服力。每個人都唔會完全善良，總有陰暗面，阿朗睇到佢曳曳地一面，嘗試將佢呢一面再放大。佢真係演得好好。好耐無聽過演反派演得俾人鬧，咁先好玩。 」
【「羅彥輝」李嘉毅｜質地好正】
被喻為《那年盛夏》戲裏戲外最神秘的演員。劇集播畢，惹關注的 #李嘉毅 沒乘勢入行發展。錦程當日有份為演出零經驗的李嘉毅casting，「覺得佢質地好正，佢好啱阿輝。佢講嘢唔叻、不善詞令同表達，同埋佢係做音樂工作，通常呢類型都傾向喺自己music zone入面，自身條件已經好接近個角色，如果由佢演阿輝係事半功倍。所以當時我都問阿朗搏唔搏，結果搏到。」
【「賴智勇」戴玉麒︱呢個死仔包】
#戴玉麒 曾寫了一段說話給錦程導師，他以戲裏「校長」與「學生」角度出發︰「有一日，校長同我講，佢係我老豆，我當刻下咗出聲，我話︰『咪玩啦校長，你著到校工咁都算，仲走嚟認親認戚？做我老豆？』雖然唔知真定假，不過諗諗下又幾似，呀校長老豆都係個癡線佬…」
張錦程談他亦份外親切，雖簡單幾句，已感覺他對戴玉麒另眼相看。「呢個死仔包，好鍾意同人傾偈。我眼中佢好有天份，可塑性好高嘅一位新演員。」
【「張允行」Marco｜最大進步】
害羞，是Marco( #葉振弘)的icon。也是導師錦程曾擔心的最大障礙。「最初會擔心『允仔』多啲，因為佢超級怕醜，好內歛。試過有啲位因為怕醜，唔夠膽好放咁做，我哋同佢講笑咁講︰『你揀得呢行，就無得怕醜。』其實張錦程初期都好怕醜，惟有練習多啲，譬如要佢講故事，講佢一個戀愛故事畀人聽。」吓，全世都知他是AO！
「所以佢要講到令人相信係真。同時間其他人都要學識問問題，因為呢個過程都係一種思考訓練，係演員必需。佢嘅戲介乎真與假之間，演戲就係要咁，表達嘅情感有啲真有啲假。」劇集播畢，在慶功宴再見Marco，導師最關心仍是那個問題，錦程說︰「嗰日慶功，問佢仲係咪AO，佢話係，我話有冇搞錯！講到演出，佢係進步好大嘅一個，縱然仍有沙石好正常，亦因為有沙石，佢先啱演允仔呢個人。」
【「楊悅盈」Marf｜肯發問】
#Marf(#邱彥筒)的演出，同樣掌聲多，錦程說︰「佢唔怕辛苦，又越做越好，又好肯問問題。呢類演員對行內某啲人而言可能覺得煩，但在可控時間下提出問題係好事，那怕通過討論未必有答案，但至少大家可以反思。佢初頭好驚，因為阿朗要求嘅嘢，未必係佢認知嗰套。不過因為佢唱歌跳舞，對角色起到力量，例如當佢唔知點處理一啲對白情節，就建議佢將對白注入音樂節奏，佢就好快pick up，知道點表達情感。佢好聰明，係一個好有潛質嘅演員。」
Photo by Kit Chan
採、文︰S.Lo
沒有留言:
發佈留言