20230905
【訪問 #方以文問兩句】
【編審、原作者 #何晞賢】
【《那年盛夏我們綻放如花》相對原著改動逾一半】【#張迪文 演柯狗超乎預期】
《那年盛夏我們綻放如花》踏入第二星期，播埋今晚嘅第6集，終於都唔使再怕人哋劇透我喇，因為原作家兼劇集編審 何晞賢 話第6集之後，大部份都係新劇情！（但都唔好同我講原著嘅內容plstyvm）
何晞賢：「去到第6集之後，開始大部份都係新劇情。當初改編嗰陣係專登想用返一個大約一樣嘅game rules，加啲新角色落去，想睇下會run咗一個咩故事出嚟，改動嘅篇幅我自己感覺係超過50%。睇最近網上comment，有人覺得前5集已經完全同小說唔同，但係我自己主觀感受前5集係比較接近原著嘅，只係啲事件重新排序，某啲位會搵出嚟放大。係加咗石曉陽（#張毓軒 飾）呢個新角色，其他原著有嘅角色腎仔（George #歐鎮灝 飾）、阿盈（Marf #邱彥筒 飾）、柯志恆（張迪文 飾）、Jessica（#王丹妮 飾）有調整過啲性格。而好多小說入面無乜著墨嘅人物，劇入面多咗啲篇幅去描述或者build up下，然後再整死佢，例如區家純（#許月湘 飾）。至於個背景或者世界觀有咩分別，呢個真係要等大家自己睇
」
負責編劇編審嘅何晞賢，最初知道《#已讀不回死全家》會被拍成劇嗰時開心又期待：「寫小說嗰陣裏面啲人同地點我自己好有畫面，但係後尾慢慢調整返個心態，變做想睇下牙朗（導演 #陳健朗）同埋其他人會點樣一齊將成件事拍出嚟。原著裏面啲內容，有唔少都因為各種原因，無可能拍到或者呈現到出嚟，包括咗一啲好核心嘅情節。點樣喺唔破壞成個故事嘅情況之下改咗呢啲核心，應該係其中一個最難嘅位。一啲小說入面嘅場口，要變做劇本就要取捨。例如牙朗都有提出想加啲動作場面，可能係打交、少少追趕之類。因為小說大部份情景都係一班主角坐埋一齊討論。另外，啲角色唔可以講粗口都增加咗編劇難度。劇本我諗前後加埋大概搞咗四、五個月完成，firm完cast同埋去到現場會再有少少微調。」
喺選角方面，何晞賢大部份casting時間都有去，一齊傾吓邊個演員做邊個角色：「咁當然最後係導演決定而呢個cast的確係好match佢哋各自個角色嘅。腎仔同阿盈接近我想像中嗰個人物，但因為劇本寫嗰陣已經微調咗呢兩個人物，所以好難同原著比較，同埋個個都盛讚George 靚仔，我費事咁唔知醜成日重申話佢似何晞賢」（按：okay，呢度又重申多次）
「同原著相似度最高嘅，如果只可以揀一個，會係Marco #葉振弘，因為佢本人性格甚至乎外型都幾接近我心目中嘅允仔。最唔似但超乎預期嘅，我諗真係『柯狗』，因為小說嗰陣呢個角色營造得有啲失敗，嗰陣好多人都話 #柯志恆 臨尾變白痴，但係我自己睇返我嘅描寫，佢由頭到尾都無真係聰明過我帶唔到自己想畀嗰個feel落個人物度，所以劇本改呢個角色嗰陣想真係變返佢係一個聰明嘅仆街，而Jayden（張迪文）完全deliver到嗰種邪氣。我依家係擔心後面我設計俾柯狗嗰啲情節meet唔到大家預期因為Jayden一出場已經畀咗個極之有效嘅first impression。」
身為編劇編審嘅何晞賢，大部份時間都有跟場，間唔中仲會幫吓美術手，例如某啲場景某啲角色寫嘅notes，美術同事會問返佢裏面嘅內容，佢會喺自己notebook度寫完再俾佢哋抄做道具。「後期到整CG嗰陣，就同CG手足夾，俾埋啲電話mon上面嘅message內容佢哋，因為劇本唔會連呢啲細節都有埋，到佢哋整嗰陣我要同佢哋夾逐條寫返出嚟，大家都好心機整理返晒成個『已讀不回死全家』group chat、角色嘅private chat裏面啲內容。所以見到網上討論有人cap埋呢啲位出嚟研究，真心覺得幾撚興奮無諗過真係會有人留意到。」真相只有一個，我其實都有freeze個畫面搵吓有冇蛛絲馬跡，但搵唔到……
【編審、原作者 #何晞賢】
【《那年盛夏我們綻放如花》相對原著改動逾一半】【#張迪文 演柯狗超乎預期】
《那年盛夏我們綻放如花》踏入第二星期，播埋今晚嘅第6集，終於都唔使再怕人哋劇透我喇，因為原作家兼劇集編審 何晞賢 話第6集之後，大部份都係新劇情！（但都唔好同我講原著嘅內容plstyvm）
何晞賢：「去到第6集之後，開始大部份都係新劇情。當初改編嗰陣係專登想用返一個大約一樣嘅game rules，加啲新角色落去，想睇下會run咗一個咩故事出嚟，改動嘅篇幅我自己感覺係超過50%。睇最近網上comment，有人覺得前5集已經完全同小說唔同，但係我自己主觀感受前5集係比較接近原著嘅，只係啲事件重新排序，某啲位會搵出嚟放大。係加咗石曉陽（#張毓軒 飾）呢個新角色，其他原著有嘅角色腎仔（George #歐鎮灝 飾）、阿盈（Marf #邱彥筒 飾）、柯志恆（張迪文 飾）、Jessica（#王丹妮 飾）有調整過啲性格。而好多小說入面無乜著墨嘅人物，劇入面多咗啲篇幅去描述或者build up下，然後再整死佢，例如區家純（#許月湘 飾）。至於個背景或者世界觀有咩分別，呢個真係要等大家自己睇
」負責編劇編審嘅何晞賢，最初知道《#已讀不回死全家》會被拍成劇嗰時開心又期待：「寫小說嗰陣裏面啲人同地點我自己好有畫面，但係後尾慢慢調整返個心態，變做想睇下牙朗（導演 #陳健朗）同埋其他人會點樣一齊將成件事拍出嚟。原著裏面啲內容，有唔少都因為各種原因，無可能拍到或者呈現到出嚟，包括咗一啲好核心嘅情節。點樣喺唔破壞成個故事嘅情況之下改咗呢啲核心，應該係其中一個最難嘅位。一啲小說入面嘅場口，要變做劇本就要取捨。例如牙朗都有提出想加啲動作場面，可能係打交、少少追趕之類。因為小說大部份情景都係一班主角坐埋一齊討論。另外，啲角色唔可以講粗口都增加咗編劇難度。劇本我諗前後加埋大概搞咗四、五個月完成，firm完cast同埋去到現場會再有少少微調。」
喺選角方面，何晞賢大部份casting時間都有去，一齊傾吓邊個演員做邊個角色：「咁當然最後係導演決定
而呢個cast的確係好match佢哋各自個角色嘅。腎仔同阿盈接近我想像中嗰個人物，但因為劇本寫嗰陣已經微調咗呢兩個人物，所以好難同原著比較，同埋個個都盛讚George 靚仔，我費事咁唔知醜成日重申話佢似何晞賢」（按：okay，呢度又重申多次）「同原著相似度最高嘅，如果只可以揀一個，會係Marco #葉振弘，因為佢本人性格甚至乎外型都幾接近我心目中嘅允仔。最唔似但超乎預期嘅，我諗真係『柯狗』，因為小說嗰陣呢個角色營造得有啲失敗，嗰陣好多人都話 #柯志恆 臨尾變白痴，但係我自己睇返我嘅描寫，佢由頭到尾都無真係聰明過
我帶唔到自己想畀嗰個feel落個人物度，所以劇本改呢個角色嗰陣想真係變返佢係一個聰明嘅仆街，而Jayden（張迪文）完全deliver到嗰種邪氣。我依家係擔心後面我設計俾柯狗嗰啲情節meet唔到大家預期因為Jayden一出場已經畀咗個極之有效嘅first impression。」 身為編劇編審嘅何晞賢，大部份時間都有跟場，間唔中仲會幫吓美術手，例如某啲場景某啲角色寫嘅notes，美術同事會問返佢裏面嘅內容，佢會喺自己notebook度寫完再俾佢哋抄做道具。「後期到整CG嗰陣，就同CG手足夾，俾埋啲電話mon上面嘅message內容佢哋，因為劇本唔會連呢啲細節都有埋，到佢哋整嗰陣我要同佢哋夾逐條寫返出嚟，大家都好心機整理返晒成個『已讀不回死全家』group chat、角色嘅private chat裏面啲內容。所以見到網上討論有人cap埋呢啲位出嚟研究，真心覺得幾撚興奮無諗過真係會有人留意到。」真相只有一個，我其實都有freeze個畫面搵吓有冇蛛絲馬跡，但搵唔到……
沒有留言:
發佈留言