20230916·
訪問︱
《那年盛夏我們綻放如花》終結
賴智勇的生還
戴玉麒︰被選擇留低，仲要裝作若無其事，其實有種無力感
演員兼職廚師
劇集出街 繼續到串燒店上班
曾報名《造星1》 最後放棄面試
被喻為2023年神劇的《#那年盛夏我們綻放如花》昨晚大結局。過去三個星期，給香港觀眾真正「夜繽紛」、每集播畢必成熱烈討論、一班新面孔演員更因此被關注；除男女主角歐鎮灝、Marf有好表現，戲裏的精英「柯狗」( #張迪文 飾)，也是本地新演員的精英。飾演班中被無視的 #賴智勇，演員 #戴玉麒(Yukki)終被看見。
戴玉麒對「賴智勇」的生還，比看着好友石仔爆頭死的一幕，更感沉重，「因為被選擇留低，仲要裝作若無其事，我對嗰刻嘅『賴智勇』，感受到一種無力感。」
【曾擔心角色惹討厭】
起初他擔心同學眼中的死kai佬「白卡勇」，會否令人看得生厭，「怕佢跳出嚟阻住劇情發展，因為推進位唔喺賴智勇身上。但喺一個荒謬嘅世界，賴智勇確有佢嘅功能性，前段睇佢似閒角，但原來為後段做咗好多舖排。」
編劇何晞賢(真名何肇康)，筆下的賴智勇是如此︰「賴智勇係個無乜特別嘅人。但係佢好怕俾人無視-----咁既然無人想做戇鳩仔，就由佢嚟。大家好容易接受呢個『人設』，令到佢不至於變成佈景板，但係賴智勇依然覺得，自己欠缺咗啲一直尋找緊嘅嘢。佢無諗過大纜都扯唔埋嘅石曉陽，呢啲時候竟然會搵佢幫手。」、「好諷刺嘅係：賴智勇最想得到嘅羈絆，佢花咗五年中學生涯都搵唔到，反而係一場死亡遊戲帶咗俾佢--」
當日戴玉麒經過三輪試鏡先過關，被揀了演「賴智勇」，知道導演 #陳健朗 都會按演員個人特質，與角色配對。戴玉麒自覺casting階段的個人狀況，確實跟「賴智勇」有點相似，他說︰「當時都係呢個狀態嘅人，唔係好識表達想講嘅嘢、好想得到別人認同、肯定，疑惑究竟做人係咪需要面面俱圓…」
【按導演吩咐為角色寫日記】
戴玉麒花時間探索，讓這個看似只有傻下傻下的學生添上色彩。戲中6A班學生要做生涯規劃，現實中每位「同學」演員，都要按導演吩咐，開拍前為角色寫日記，有助演員投入角色世界。
【開拍前至親離世】
戴玉麒設定表面嬉皮笑臉，愛出爛IQ題的阿勇，其實內心並不快樂，「佢好少將唔開心同憤怒一面表達，其實佢同好多笑匠一樣，背後都隱藏好多唔開心嘅嘢。如孤獨、不被重視等等，鍾意搞笑嘅人，往往就係要用力掩飾佢嘅反差。」開拍《那年盛夏》前，戴玉麒遇上父親離世。離別的滋味，他收在「百子櫃」裏，因每一個生活體驗、經歷都成為演員養份。
【Lokman教佢跳舞】
當演員前，他醉心街舞。Popping、Locking、霹靂舞，跟Error的Dee (何啟華)、及MIRROR的Alton在街場早已認識。他參加過無數比賽，又是業餘dancers。他謂︰「我人生第一堂上嘅Locking ，教我嘅導師就係Lokman(楊樂文)。」
【Tiger是同班同學】
以為自己朝Dancers方向進發，卻又心血來潮，想報讀電影。於是到浸會大學的電影課程進修，同班同學有Tiger(邱傲然)，執教是學生尊敬的智叔(廖啟智)。2018年，戴玉麒畢業前一年，他獲安排參與一部劇的試鏡，當時落選了，但導演對他的表現留下深印象。一年後再聯絡戴玉麒為另一部作品試鏡，終被成功取錄，他第一部作品是香港電台劇集《萬輻瑪利亞》裏的阿薰。
【報名《造星I》後放棄】
與《造星》的Dee、Alton、Lokman、Tiger早有淵緣，戴玉麒其實也有報名參加《全民造星》，「其實《造星I》我有報名，但最後無去面試，因為畢業前我有兼職幕後，當時我要去外地工作。」
【賴智勇缺乏戴玉麒的勇】
他說人生不斷在分叉路上做選擇，曾經簽過經理人公司，近年「勇」字當頭，決定做獨立演員，「我要相信自己選擇，同埋唔會後悔。唔想好似以前咁，成日怕選擇錯誤，以至太多考量。所以做咗一個勇敢選擇，轉做獨立演員，睇下可以走得幾遠，想發掘更多可能性。」他曾有「賴智勇」的疑惑，但「賴智勇」沒有他的勇氣。
【劇播出 照返串燒店上班】
勇還勇，做獨立演員預咗條路唔易行，雖然戴玉麒斷斷續續都有演出機會，但不至足夠糊口，所以他一邊拍戲，一邊做part time，在一間專做日式雞肉串燒店任廚師。劇集播出時，他仍每日到串燒店上班，客人沒有認出，但大廚晚晚追劇捧場。「串燒店有位50幾歲嘅師傅，佢日日返店就同我講前一晚劇情，好開心佢有睇。至於老闆都好好，每當我有戲開，都俾我請假去拍嘢，只要我時間許可，就會返串燒店幫手。」
【特約演員爆頭都唔揸流攤】
無獨有偶，與他成為「#石勇CP」的 #Shin張毓軒，前身也是廚師，任職西廚。呢段「魚蛋燒賣」友情，戲外講食一樣啱key。對於二人無心插柳變CP，戴謂︰「好開心，無預期嘅反應。劇中佢係我100%信任嘅戰友，希望之後同佢有更多合作。」昨晚開完結局live，慶功宴上，「石勇CP」還來個合唱。
難得遇上一個好劇本，台前幕後都付上100%心血，戴說，更難得連特約演員拍爆頭戲，都唔會揸流攤，「第一個爆頭係一位特約演員，即是何晞賢同陳佩珊喺班房外傾偈，突然有位同學喺班房門口爆頭嗰個，仲有第一集其他爆頭同學， 縱使佢哋無故事線，但仍然用心了解劇情，演得落力無揸流攤。」各人都為作品奮鬥。
晚上他在社交平台寫道︰「經歷迷茫，失去信心。慢慢重建，找回自己，找到賴智勇。他會繼續努力下去！加油呀！最後謝謝大家喜歡勇仔。」，「何晞賢」George留言︰「我愛你，白卡勇！」，「Crystal」郭東彩說︰「勇，我們和平相處。」
採、文︰S.Lo
#娛壹
《那年盛夏我們綻放如花》終結
賴智勇的生還
戴玉麒︰被選擇留低，仲要裝作若無其事，其實有種無力感
演員兼職廚師
劇集出街 繼續到串燒店上班
曾報名《造星1》 最後放棄面試
被喻為2023年神劇的《#那年盛夏我們綻放如花》昨晚大結局。過去三個星期，給香港觀眾真正「夜繽紛」、每集播畢必成熱烈討論、一班新面孔演員更因此被關注；除男女主角歐鎮灝、Marf有好表現，戲裏的精英「柯狗」( #張迪文 飾)，也是本地新演員的精英。飾演班中被無視的 #賴智勇，演員 #戴玉麒(Yukki)終被看見。
戴玉麒對「賴智勇」的生還，比看着好友石仔爆頭死的一幕，更感沉重，「因為被選擇留低，仲要裝作若無其事，我對嗰刻嘅『賴智勇』，感受到一種無力感。」
【曾擔心角色惹討厭】
起初他擔心同學眼中的死kai佬「白卡勇」，會否令人看得生厭，「怕佢跳出嚟阻住劇情發展，因為推進位唔喺賴智勇身上。但喺一個荒謬嘅世界，賴智勇確有佢嘅功能性，前段睇佢似閒角，但原來為後段做咗好多舖排。」
編劇何晞賢(真名何肇康)，筆下的賴智勇是如此︰「賴智勇係個無乜特別嘅人。但係佢好怕俾人無視-----咁既然無人想做戇鳩仔，就由佢嚟。大家好容易接受呢個『人設』，令到佢不至於變成佈景板，但係賴智勇依然覺得，自己欠缺咗啲一直尋找緊嘅嘢。佢無諗過大纜都扯唔埋嘅石曉陽，呢啲時候竟然會搵佢幫手。」、「好諷刺嘅係：賴智勇最想得到嘅羈絆，佢花咗五年中學生涯都搵唔到，反而係一場死亡遊戲帶咗俾佢--」
當日戴玉麒經過三輪試鏡先過關，被揀了演「賴智勇」，知道導演 #陳健朗 都會按演員個人特質，與角色配對。戴玉麒自覺casting階段的個人狀況，確實跟「賴智勇」有點相似，他說︰「當時都係呢個狀態嘅人，唔係好識表達想講嘅嘢、好想得到別人認同、肯定，疑惑究竟做人係咪需要面面俱圓…」
【按導演吩咐為角色寫日記】
戴玉麒花時間探索，讓這個看似只有傻下傻下的學生添上色彩。戲中6A班學生要做生涯規劃，現實中每位「同學」演員，都要按導演吩咐，開拍前為角色寫日記，有助演員投入角色世界。
【開拍前至親離世】
戴玉麒設定表面嬉皮笑臉，愛出爛IQ題的阿勇，其實內心並不快樂，「佢好少將唔開心同憤怒一面表達，其實佢同好多笑匠一樣，背後都隱藏好多唔開心嘅嘢。如孤獨、不被重視等等，鍾意搞笑嘅人，往往就係要用力掩飾佢嘅反差。」開拍《那年盛夏》前，戴玉麒遇上父親離世。離別的滋味，他收在「百子櫃」裏，因每一個生活體驗、經歷都成為演員養份。
【Lokman教佢跳舞】
當演員前，他醉心街舞。Popping、Locking、霹靂舞，跟Error的Dee (何啟華)、及MIRROR的Alton在街場早已認識。他參加過無數比賽，又是業餘dancers。他謂︰「我人生第一堂上嘅Locking ，教我嘅導師就係Lokman(楊樂文)。」
【Tiger是同班同學】
以為自己朝Dancers方向進發，卻又心血來潮，想報讀電影。於是到浸會大學的電影課程進修，同班同學有Tiger(邱傲然)，執教是學生尊敬的智叔(廖啟智)。2018年，戴玉麒畢業前一年，他獲安排參與一部劇的試鏡，當時落選了，但導演對他的表現留下深印象。一年後再聯絡戴玉麒為另一部作品試鏡，終被成功取錄，他第一部作品是香港電台劇集《萬輻瑪利亞》裏的阿薰。
【報名《造星I》後放棄】
與《造星》的Dee、Alton、Lokman、Tiger早有淵緣，戴玉麒其實也有報名參加《全民造星》，「其實《造星I》我有報名，但最後無去面試，因為畢業前我有兼職幕後，當時我要去外地工作。」
【賴智勇缺乏戴玉麒的勇】
他說人生不斷在分叉路上做選擇，曾經簽過經理人公司，近年「勇」字當頭，決定做獨立演員，「我要相信自己選擇，同埋唔會後悔。唔想好似以前咁，成日怕選擇錯誤，以至太多考量。所以做咗一個勇敢選擇，轉做獨立演員，睇下可以走得幾遠，想發掘更多可能性。」他曾有「賴智勇」的疑惑，但「賴智勇」沒有他的勇氣。
【劇播出 照返串燒店上班】
勇還勇，做獨立演員預咗條路唔易行，雖然戴玉麒斷斷續續都有演出機會，但不至足夠糊口，所以他一邊拍戲，一邊做part time，在一間專做日式雞肉串燒店任廚師。劇集播出時，他仍每日到串燒店上班，客人沒有認出，但大廚晚晚追劇捧場。「串燒店有位50幾歲嘅師傅，佢日日返店就同我講前一晚劇情，好開心佢有睇。至於老闆都好好，每當我有戲開，都俾我請假去拍嘢，只要我時間許可，就會返串燒店幫手。」
【特約演員爆頭都唔揸流攤】
無獨有偶，與他成為「#石勇CP」的 #Shin張毓軒，前身也是廚師，任職西廚。呢段「魚蛋燒賣」友情，戲外講食一樣啱key。對於二人無心插柳變CP，戴謂︰「好開心，無預期嘅反應。劇中佢係我100%信任嘅戰友，希望之後同佢有更多合作。」昨晚開完結局live，慶功宴上，「石勇CP」還來個合唱。
難得遇上一個好劇本，台前幕後都付上100%心血，戴說，更難得連特約演員拍爆頭戲，都唔會揸流攤，「第一個爆頭係一位特約演員，即是何晞賢同陳佩珊喺班房外傾偈，突然有位同學喺班房門口爆頭嗰個，仲有第一集其他爆頭同學， 縱使佢哋無故事線，但仍然用心了解劇情，演得落力無揸流攤。」各人都為作品奮鬥。
晚上他在社交平台寫道︰「經歷迷茫，失去信心。慢慢重建，找回自己，找到賴智勇。他會繼續努力下去！加油呀！最後謝謝大家喜歡勇仔。」，「何晞賢」George留言︰「我愛你，白卡勇！」，「Crystal」郭東彩說︰「勇，我們和平相處。」
採、文︰S.Lo
#娛壹
沒有留言:
發佈留言