20220520
【奇異女俠玩救宇宙：DC同Marvel係咪應該好好反省？（83/100）】
《奇異女俠玩救宇宙》（下稱《女俠》）係一部以多元宇宙外衣包裝儒家文化裡面嘅家庭觀念嘅超現實電影作品。故事以一個普通美國華裔家庭嘅一件日常生活瑣碎小事為基礎，然後無限上崗上線至拯救多元宇宙。
電影嘅剪接非常特出，剪接師好似take咗嘢咁，以近乎爵士即興演奏嘅方式將不同場景連接埋一齊。我都好耐冇睇過咁freestyle嘅剪接，如無意外剪接師可以為來年各大電影頒獎典禮嘅最佳剪接獎寫定感謝辭都得（今次會唔會又又又比我講中呢？）。
雖然電影係獨立電影公司嘅作品，但佢嘅計算比好多商場大片更準確。係兩個鐘頭裡面，有大量美國B級片嘅奇幻及惡俗幻想設計（令電影有陣陣Cult片味），有迎合美國自由派及左翼嘴型嘅題材（所以奧斯卡提名一定有！），有頗為認真嘅科幻構想，有拿捏得恰到好處嘅melodrama（親情捆綁及世代隔膜），有timing安排得非常好嘅轉折（觀眾睇到尾段嘅默劇部份就會明我講乜），仲有鬼佬睇咗好多年但唔知點解仲未睇厭嘅成龍式武打場面。兩個鐘裡面幾乎乜都齊，才料豐富到不得了。
電影嘅超現實及奇幻部份令人拍案叫絕，科幻部份唔嗱西又易明，言情部份有力且打動到觀眾（註），武打及動作部份雖似成龍但亦算展示得唔錯。無論從邊一方面去睇，《女俠》都肯定係今年至執筆呢一刻為止最有娛樂性嘅荷里活電影作品。
電影唔係完全冇缺點。佢最大嘅問題，係演員經常係三種言語之間轉來轉去，觀眾可能有時會係解讀台詞意思時感到無所適從。另外飾演楊紫瓊個女嘅女演員個樣好趕客，經常令我出戲。呢個角色你嚟香港搵，大把好選擇啦！最後，電影愈接近結尾，表達手法就愈呈現重覆，亦係另一不足之處。
《女俠》係美國著名獨立電影製作公司A24嘅新作，製作預算大約2千5百萬美元。對A24嚟講，《女俠》算係低成本製作。電影同《奇異博士2：失控多元宇宙》一樣都係講多元宇宙，但《奇異博士2：失控多元宇宙》嘅製作預算係2億美元（《新蝙蝠俠》都係2億），前者足足係後者嘅10倍！
人哋獨立電影公司以低你9倍嘅成本講同你一樣嘅主題，居然拍得好睇過你幾倍，Marvel（連埋DC）係咪有需要反省一下點解自己賺咁多錢但啲出品愈嚟愈垃圾呢？
當然冇咁嘅需要啦！當你知道只要自己係片尾加幾隻彩蛋，同時係電影畫框一啲唔起眼嘅地方，刻意加入一啲可以同其他電影故事連結一齊嘅物件，觀眾下次都係會照比錢買飛入場嘅話，你會咁笨實花時間作自我反省？
DC及Marvel個啲工廠生產線啤出嚟嘅嘢，大家明知唔會好得去邊，但都照樣比兩舊水港紙買飛入場支持。我當然唔會有能力令大家醒覺到呢種消費行為當中所包含嘅癮君子意味啦，我只希望大家能夠抽出少少金錢，買飛入場支持一下好似《女俠》呢類係主流院線上映，但被主流觀眾忽略嘅好電影。
《奇異女俠玩救宇宙》（下稱《女俠》）係一部以多元宇宙外衣包裝儒家文化裡面嘅家庭觀念嘅超現實電影作品。故事以一個普通美國華裔家庭嘅一件日常生活瑣碎小事為基礎，然後無限上崗上線至拯救多元宇宙。
電影嘅剪接非常特出，剪接師好似take咗嘢咁，以近乎爵士即興演奏嘅方式將不同場景連接埋一齊。我都好耐冇睇過咁freestyle嘅剪接，如無意外剪接師可以為來年各大電影頒獎典禮嘅最佳剪接獎寫定感謝辭都得（今次會唔會又又又比我講中呢？）。
雖然電影係獨立電影公司嘅作品，但佢嘅計算比好多商場大片更準確。係兩個鐘頭裡面，有大量美國B級片嘅奇幻及惡俗幻想設計（令電影有陣陣Cult片味），有迎合美國自由派及左翼嘴型嘅題材（所以奧斯卡提名一定有！），有頗為認真嘅科幻構想，有拿捏得恰到好處嘅melodrama（親情捆綁及世代隔膜），有timing安排得非常好嘅轉折（觀眾睇到尾段嘅默劇部份就會明我講乜），仲有鬼佬睇咗好多年但唔知點解仲未睇厭嘅成龍式武打場面。兩個鐘裡面幾乎乜都齊，才料豐富到不得了。
電影嘅超現實及奇幻部份令人拍案叫絕，科幻部份唔嗱西又易明，言情部份有力且打動到觀眾（註），武打及動作部份雖似成龍但亦算展示得唔錯。無論從邊一方面去睇，《女俠》都肯定係今年至執筆呢一刻為止最有娛樂性嘅荷里活電影作品。
電影唔係完全冇缺點。佢最大嘅問題，係演員經常係三種言語之間轉來轉去，觀眾可能有時會係解讀台詞意思時感到無所適從。另外飾演楊紫瓊個女嘅女演員個樣好趕客，經常令我出戲。呢個角色你嚟香港搵，大把好選擇啦！最後，電影愈接近結尾，表達手法就愈呈現重覆，亦係另一不足之處。
《女俠》係美國著名獨立電影製作公司A24嘅新作，製作預算大約2千5百萬美元。對A24嚟講，《女俠》算係低成本製作。電影同《奇異博士2：失控多元宇宙》一樣都係講多元宇宙，但《奇異博士2：失控多元宇宙》嘅製作預算係2億美元（《新蝙蝠俠》都係2億），前者足足係後者嘅10倍！
人哋獨立電影公司以低你9倍嘅成本講同你一樣嘅主題，居然拍得好睇過你幾倍，Marvel（連埋DC）係咪有需要反省一下點解自己賺咁多錢但啲出品愈嚟愈垃圾呢？
當然冇咁嘅需要啦！當你知道只要自己係片尾加幾隻彩蛋，同時係電影畫框一啲唔起眼嘅地方，刻意加入一啲可以同其他電影故事連結一齊嘅物件，觀眾下次都係會照比錢買飛入場嘅話，你會咁笨實花時間作自我反省？
DC及Marvel個啲工廠生產線啤出嚟嘅嘢，大家明知唔會好得去邊，但都照樣比兩舊水港紙買飛入場支持。我當然唔會有能力令大家醒覺到呢種消費行為當中所包含嘅癮君子意味啦，我只希望大家能夠抽出少少金錢，買飛入場支持一下好似《女俠》呢類係主流院線上映，但被主流觀眾忽略嘅好電影。
沒有留言:
發佈留言