委內瑞拉政治領袖María Corina Machado成為今年諾貝爾和平獎得主

 

Goodbye HK, Hello UK

20251011

委內瑞拉政治領袖María Corina Machado成為今年諾貝爾和平獎得主，雖然令好多Donald Trump嘅支持者失望，白宮發言人批評諾貝爾委員會唔頒比Donald Trump係將政治凌駕和平（"The Nobel Committee proved they place politics over peace."），但唔代表María Corina Machado唔值得攞嘅。

Machado响得獎幾個鐘之後，宣布將和平獎獻比委內瑞拉人民同Donald Trump，點解？

先講María Corina Machado嘅背景

Machado出身中產階級家庭，屋企做鋼業生意，讀工業工程師。90年代尾有咁嘅背景同學歷，其實大可以留响屋企嘅生意幫手，亦好有機會入政府或者大企業做高層。不過佢佢選擇更難更痛苦嘅路，响2002年創立非政府監察選舉組織Sumate，响前委內瑞拉社會主意總統查韋斯，當年準備將委內瑞拉推向獨裁永續當選嘅時候，Sumate就針對選舉舞弊（查韋斯由2002年第一任完結之後就不停連任直到2013年死為止）。

响2004年，Sumate推動全國公投希望罷免查韋斯，結果大家唔難估，Machado同好多有份推動嘅人被控叛國（控告期間審訊中止咗，所以無被判刑）。雖然面對種種壓力，但都無阻Machado响2010年辭去Sumate嘅職務宣布參政，仲而委內瑞拉史上最高得票率當選成為議員，响議會內批評獨裁政府。

從政

到查韋斯死咗之後，由馬杜羅承繼獨裁政權，當年Machado發起全國示威反對，自己亦親身去國際組織講委內瑞拉嘅人權問題，結果佢被馬杜羅褫奪議員資格。亦再次被拘捕同調查，不過呢次就無被控告任何罪。

之後嘅時間，Machado响電台做主持，响2017年再次發起全國示威。2019年另一個反對派領袖Juan Guaido成功當過總統，因為馬杜羅唔承認選舉結果，令委內瑞拉政治進入混亂局面，Juan Guaido之後成立咗臨時政府。

通緝

當臨時政府因為Juan Guaido嘅任期响2024年完之前，宣布參選總統，但即刻被馬杜羅DQ，之後緊係馬杜羅當選永續總統，而Juan Guaido因為被控叛國流亡美國。同時，Machado被指控同Juan Guaido有關要國內匿埋，呢個就係點解Machado响得獎嘅時候都無公開自己嘅位置嘅原因。

同好多抗爭者唔同，Machado爭取嘅唔係改革，而係講到明要奪取獨裁者嘅政權，要改就自己搶黎改，所以佢好清楚自己要留低，同時需要外國，特別係美國嘅支持。因為佢嘅政治理念屬於中間偏右，相信自由經濟，討論查維斯同馬杜羅嗰樣社會主義獨裁，所以佢好認同Donald Trump。

之前Donald Trump出動軍力去委內瑞拉海域裁擊販毒黑幫，雖然好多左翼媒體批評，又話美軍咁樣可能殺害平民，但Machado反而讚揚Donald Trump嘅決定。

將呢個獎獻畀受苦嘅委內瑞拉人民同埋Donald Trump，因為透過制裁削弱馬杜羅政權，Machado唔覺得，亦唔需要美國出兵，但時認為只有Donald Trump可以有能力壓迫馬杜羅同佢談判放下政權，為委內瑞拉帶黎民主。

後話

Machado好識做啦，事實上救到委內瑞拉嘅唔係諾貝爾委員會，的確只有Donald Trump，大家都明白和平獎呢啲嘢對Machado或者委內瑞拉人民黎講，係虛榮黎嘅。如果有得揀，情願送比Donald Trump換美帝鐵拳。