20251009
滙豐同恒生單刁，有太多人有唔同程度嘅誤會，特別係Threads，有太多我預計唔到嘅問題，決定整合一次科普一下。
1：「我係小存戶，私有化對我存款，或者股票戶口有冇影響？會唔會化為烏有？」
完全冇影響呀！依家係「恒生私有化」，唔係「存款私有化」。恒生只係於「聯交所退市」，唔係退出銀行市場！
恒生個品牌會繼續存在，亦會係獨立持牌銀行，會有自己management，自己分行，自己logo。恒生銀行、恒生指數、恒生大學，冇嘢要改名呀。恒生嘅戶口、產品同埋服務，繼續可以用。另外，之後同滙豐整合，有機會用埋佢其他配套。
2：「今次有冇可能係滙豐撤資第一步？」
今次滙豐準備使1061.56億元去私有化恒生，現兜兜cash呀，撤資就唔會拎成千億去買嘢啦，家陣點計都係投資，唔係撤資。
咁投資去邊呢，根據公佈，滙豐會於「人才和技術」重大投資。我估計，投資落發展AI就一定架啦。
3：「諗住私有化，收埋哂啲數？」
恒生退市，係唔使聯交所披露財報，但係滙豐仲係5號仔，仲係上市公司呀。恒生就算有咩不良貸款，都會反映喺滙豐財報入面啦。
4：「恒生係咪變咗二奶？」
唔明點解會用「二奶」去比喻，佢係滙豐個仔呀。滙豐原本持有恒生63％，如果成功私有化，就會係100％全資擁有。
將個仔帶返屋企之後，佢就可以閂埋房門調校，用返滙豐嘅字眼，就係「實現架構精簡」、「靈活地投資兩個品牌的服務」、「加快科技升級及最具發展潛力的領域」。
5：「拎住恒生啲股票，之後會點架？」
你拎住佢，等股東會通過私有化，就係等一手交出股票，一手收錢套現，每股155元（對上一次掂到呢個價，已經係2019年）。
即是話，你會收到嘅數係「第三期股息+私有化作價155元」（未計券商收你嘅交易費用）。第三期股息銀碼，會聽日公佈。
6：最後，溫提一吓，提吓屋企老人家，又或者「俾人呃嘅高危人士」。如果有日有人打電話俾你：「我係恒生職員呀，你睇新聞話我哋會私有化，所以你銀行啲錢要快啲轉走啦。」呢啲肯L定係騙徒。
呢個詐騙手法係好千年蟲架，但都幾肯定如果佢哋用呢招，一定會有人中。所以大家，一齊為屋企人科普一下，恒生私有化係一回點樣嘅事。
1：「我係小存戶，私有化對我存款，或者股票戶口有冇影響？會唔會化為烏有？」
完全冇影響呀！依家係「恒生私有化」，唔係「存款私有化」。恒生只係於「聯交所退市」，唔係退出銀行市場！
恒生個品牌會繼續存在，亦會係獨立持牌銀行，會有自己management，自己分行，自己logo。恒生銀行、恒生指數、恒生大學，冇嘢要改名呀。恒生嘅戶口、產品同埋服務，繼續可以用。另外，之後同滙豐整合，有機會用埋佢其他配套。
2：「今次有冇可能係滙豐撤資第一步？」
今次滙豐準備使1061.56億元去私有化恒生，現兜兜cash呀，撤資就唔會拎成千億去買嘢啦，家陣點計都係投資，唔係撤資。
咁投資去邊呢，根據公佈，滙豐會於「人才和技術」重大投資。我估計，投資落發展AI就一定架啦。
3：「諗住私有化，收埋哂啲數？」
恒生退市，係唔使聯交所披露財報，但係滙豐仲係5號仔，仲係上市公司呀。恒生就算有咩不良貸款，都會反映喺滙豐財報入面啦。
4：「恒生係咪變咗二奶？」
唔明點解會用「二奶」去比喻，佢係滙豐個仔呀。滙豐原本持有恒生63％，如果成功私有化，就會係100％全資擁有。
將個仔帶返屋企之後，佢就可以閂埋房門調校，用返滙豐嘅字眼，就係「實現架構精簡」、「靈活地投資兩個品牌的服務」、「加快科技升級及最具發展潛力的領域」。
5：「拎住恒生啲股票，之後會點架？」
你拎住佢，等股東會通過私有化，就係等一手交出股票，一手收錢套現，每股155元（對上一次掂到呢個價，已經係2019年）。
即是話，你會收到嘅數係「第三期股息+私有化作價155元」（未計券商收你嘅交易費用）。第三期股息銀碼，會聽日公佈。
6：最後，溫提一吓，提吓屋企老人家，又或者「俾人呃嘅高危人士」。如果有日有人打電話俾你：「我係恒生職員呀，你睇新聞話我哋會私有化，所以你銀行啲錢要快啲轉走啦。」呢啲肯L定係騙徒。
呢個詐騙手法係好千年蟲架，但都幾肯定如果佢哋用呢招，一定會有人中。所以大家，一齊為屋企人科普一下，恒生私有化係一回點樣嘅事。
沒有留言:
發佈留言