20231208
1：周凱旋每次見傳媒，都總會爆出一啲心底話。今日佢出席forum，對一啲大家都關心嘅話題，佢都講咗佢本人，甚至係李嘉誠嘅睇法。有幾段說話，都係值得細味參透嘅。
2：講股市，近來有幾差，大家有眼見。然後佢被問到，股市咁差，係咪好難喺香港做投資？佢就咁講：
「香港問題有好多原因，唔好只係睇股市弱唔弱，世界都動盪。好似李先生，我哋大家商量就係，金融係腦定係心？科技係心定係腦？兩樣同時跳動，邊樣係主導？但結果我哋共識係，兩樣喺未來十年，都要一齊跳動。試諗吓，有啲地方，金融唔係太有力，科技又唔係很有力，呢個係一個好大嘅hurdle（障礙）。 」
3：嗯，科技來講，香港就唔係好有力，相信呢點大家都同意；至於金融業，香港去到今日，應該都仲算係國際金融中心嘅。
言外之意係，只要喺科技方面發力，加上保得住金融業，香港就可以向前邁進！咁如果兩樣做唔到呢，甚至做埋遺址呢……？嗯，我唔知。
4：喂呀喂呀，邊有咁易做遺址呢？事實上，香港金融業根基都係厚嘅，係近來股市流動性係差啲啦，咁李嘉誠又有咩諗法呢？講到呢度，周凱旋就答得好巧妙：
「Finance之事有高有低有困難，依家討論單日的高低，冇具體意義。最重要係唔好 get stuck。我哋係咪stuck？如果唔係stuck，係transience 過渡期，就冇所謂嘅。 stuck，你就係惡夢剛剛開始。」
嗯，即是話，依家港股點解咁弱？只係過渡期？定係根本就已經stuck住咗，困死咗？咁又係要大家思考吓了。
5：好啦，咁點先可以防止get stuck呢？佢提到呢一個方法，就係諫官：
「所有政府應該考慮將諫官制度化，回顧古代，每日都有諫官上奏：『皇上，呢啲係你應該考慮嘅事』，當然，或者有一半嘅諫官都不得善終，但呢個仍係值得考慮嘅制度，以防被『套牢』」
佢又補充：「自己公司，我嘅同事日日納諫，同我講呢樣唔岩、嗰樣唔岩，我哋考慮一啲投資項目，大家辯論中尋找真理。雖然主持人誇獎我哋成績做得唔錯，但都有好多蠢事，李先生一直講：『成功冇方程式，失敗一定有道理。』」
以下呢句好緊要：「所以我哋盡量減低失敗，我哋公司最多係投資蝕錢，但政策嘅話，社會要付出大嘅代價。」嗯……明呀！
6：周凱旋發言入面，仲有一句好有趣，但比較少人提起：「我相信未來之路，係由Should Have、Could Have、Would Have嘅各種決定舖墊而成。」好玄，係咪？
佢後尾係有解釋嘅，「Would Have係本來可以，但結果做唔到； Should Have係應該，但又錯失了；Could Have則係個人選擇。」
簡單去解讀，總之就係全部都係遺憾，佢之後提醒大家一件事，就係：「未來係由呢三個字堆砌而成，我哋要盡量避免呢三個字，就會開心啲」。至於點解未來都係由呢啲遺憾所堆砌，佢就冇解釋，要大家自行解讀了。
7：Any肥，佢今日都多次提到大家要盡量開心啲，人哋話我哋係「遺址」咩？「唔使悲觀，人哋講咩，同我哋做緊咩，係兩樣唔同嘅事。我哋做返自己嘅事，live happily, live well in Hong Kong」反正就係自己做好自己，自求多福就好了。
2：講股市，近來有幾差，大家有眼見。然後佢被問到，股市咁差，係咪好難喺香港做投資？佢就咁講：
「香港問題有好多原因，唔好只係睇股市弱唔弱，世界都動盪。好似李先生，我哋大家商量就係，金融係腦定係心？科技係心定係腦？兩樣同時跳動，邊樣係主導？但結果我哋共識係，兩樣喺未來十年，都要一齊跳動。試諗吓，有啲地方，金融唔係太有力，科技又唔係很有力，呢個係一個好大嘅hurdle（障礙）。 」
3：嗯，科技來講，香港就唔係好有力，相信呢點大家都同意；至於金融業，香港去到今日，應該都仲算係國際金融中心嘅。
言外之意係，只要喺科技方面發力，加上保得住金融業，香港就可以向前邁進！咁如果兩樣做唔到呢，甚至做埋遺址呢……？嗯，我唔知。
4：喂呀喂呀，邊有咁易做遺址呢？事實上，香港金融業根基都係厚嘅，係近來股市流動性係差啲啦，咁李嘉誠又有咩諗法呢？講到呢度，周凱旋就答得好巧妙：
「Finance之事有高有低有困難，依家討論單日的高低，冇具體意義。最重要係唔好 get stuck。我哋係咪stuck？如果唔係stuck，係transience 過渡期，就冇所謂嘅。 stuck，你就係惡夢剛剛開始。」
嗯，即是話，依家港股點解咁弱？只係過渡期？定係根本就已經stuck住咗，困死咗？咁又係要大家思考吓了。
5：好啦，咁點先可以防止get stuck呢？佢提到呢一個方法，就係諫官：
「所有政府應該考慮將諫官制度化，回顧古代，每日都有諫官上奏：『皇上，呢啲係你應該考慮嘅事』，當然，或者有一半嘅諫官都不得善終，但呢個仍係值得考慮嘅制度，以防被『套牢』」
佢又補充：「自己公司，我嘅同事日日納諫，同我講呢樣唔岩、嗰樣唔岩，我哋考慮一啲投資項目，大家辯論中尋找真理。雖然主持人誇獎我哋成績做得唔錯，但都有好多蠢事，李先生一直講：『成功冇方程式，失敗一定有道理。』」
以下呢句好緊要：「所以我哋盡量減低失敗，我哋公司最多係投資蝕錢，但政策嘅話，社會要付出大嘅代價。」嗯……明呀！
6：周凱旋發言入面，仲有一句好有趣，但比較少人提起：「我相信未來之路，係由Should Have、Could Have、Would Have嘅各種決定舖墊而成。」好玄，係咪？
佢後尾係有解釋嘅，「Would Have係本來可以，但結果做唔到； Should Have係應該，但又錯失了；Could Have則係個人選擇。」
簡單去解讀，總之就係全部都係遺憾，佢之後提醒大家一件事，就係：「未來係由呢三個字堆砌而成，我哋要盡量避免呢三個字，就會開心啲」。至於點解未來都係由呢啲遺憾所堆砌，佢就冇解釋，要大家自行解讀了。
7：Any肥，佢今日都多次提到大家要盡量開心啲，人哋話我哋係「遺址」咩？「唔使悲觀，人哋講咩，同我哋做緊咩，係兩樣唔同嘅事。我哋做返自己嘅事，live happily, live well in Hong Kong」反正就係自己做好自己，自求多福就好了。
沒有留言:
發佈留言