香港搞成咁，點辦啫？廣州朋友問好，兼傳來網上與友的對話：「網上瘋傳啲暴徒今日由港島搞到過海去九龍，香港人發晒癲，要光復廣東道，打大陸遊客，尋日已經進佔屯門公園，追打新移民婦女……死咯，你唔好落香港先啦，呢幾個禮拜！」
叫我解釋一下。點樣解釋呀？
本來想一五一十講解反送中事件；我見的始沒。回頭一想，大家係好朋友就算啦，身處環境不同，意識形態與耳朵朝向那一方亦不同。每個地方都有獨特偏向的羊群心理，要講不如避重就輕，無謂傷感情。真係要講，清楚那些朋友深明大義，關心真正嘅世界、真正嘅中國、真正嘅香港才講，不然嘥氣。
「係呀、係呀，呢排真係唔好嚟香港，亂到呢……國內同胞習慣氣氛平和，安靜，冇事……一啲事都冇。在武警、軍警甚至出動解放軍治理下，炮製太平盛世，你地真係好好彩，無甚機會體驗社會動亂；千祈唔好落嚟，留喺國內消費，香港啲咁嘅二線城市就算把啦，去北京，去上海，去就嚟或者已經超越小小特區嘅深圳更好，再不然就去東京、曼谷、巴黎、米蘭，將佢地通通買起，千祈咪益班二等國民特區人，冇咗國內同胞來港消費，香港經濟即冧，咁牙擦；睇吓佢地點仆街。」
香港人心中憤怒一會事，對事不對人，不相信他們會瞄準大陸人，圍打來港旅客。就算光復屯門公園一役又如何？如果真的粗暴打大媽，大媽們次天還夠膽立即出動再次霸佔公園，繼續鬼殺咁嘈，歌聲震天？繼續隔着衣服向港燦阿伯賣淫，搞亂社會風氣，漠視香港文明秩序？
「喂呀，你都真係咪嚟香港住呀，呢排；港島之後係屯門公園，屯門公園之後係尖沙咀仲係隨隨便便都 23萬人逼爆早已淪為同胞你地嘅購物殖民地段，然後拆水貨龍頭地位嘅上水。落嚟香港做乜鬼啫？唔被打，嚇一餐，或者畀啲暴徒又西又撚問候就無謂啦……雖然，喺廣州，超巿收銀啲阿嬸晨早同人打招呼，一開口都係血淋淋嘅X你老母；不過囉喎，落到嚟香港，除非教育程度、文明程度低，西、撚、X不會隨便在空氣中浮蕩，不過又怕你地唔習慣冇咗粗口養份嘅環境啫！」
沒有留言:
發佈留言