【回歸/戀殖】
皇室日用品如事頭婆掛畫，則大多屬英國產品。加冕後女皇掛畫款式逾十款，每次頒令「換畫」，舊一幅都由殖民地保存，輾轉流落民間。港督府的碗碟亦產自英國。「港英品牌」創辦人譚志成（Juston）介紹他手上的喬治六世杯碟套裝，「最近有啲人復刻一批金色邊嘅白色杯，上面寫住HK，有個皇冠喺度。皇冠HK係代表香港政府，但係港督並唔係代表香港，佢係代表英國君主。我手上呢隻杯，下面係Government House，即係港督府。」GRI即Georgius Rex Imperator，喬治五世、六世俱採用此徽記。另一款士多啤梨圖案餐碟，二戰前款式，「係當時英國家庭常見嘅款式，碟上印上港督府字眼，英國出品，係宴客用。每去到一啲比較高級啲嘅嘢，佢哋都會用返英國廠製造。」
日佔前港督府 米字旗天花
Juston還收藏了一套愛德華七世（1901-1910在位）的杯碟，注重花巧細節。「外國回流返港，大約一部iPhone嘅價錢，唔係好貴，爭在你識唔識睇。」方才提及的士多啤梨圖案碟，據知來自前港督府員工。「以前港督府唔似而家咁多限制，每次新港督上任，都會重新佈置，甚至搬埋英國老家嘅傢俬嚟香港；搬得嚟香港，當然亦攞得走！」
談起港督府，Juston不勝欷歔。他收藏了兩幅1890年港督府照片，一張客廳，一張飯廳，格局仍在，但佈置已不同。「港督府主要用嚟接待外賓，客廳好講究，天花板係模仿英國米字旗，牆上掛君主畫像，英國每個殖民地重要建築物都會掛，喺香港已失傳。」港督府建於19世紀中後期，至二戰前已頗殘舊。日佔時期，日軍將港督府大規模改建，英式陳設裏裏外外被改頭換面。和平後，港督楊慕琦盡量還原英式佈置，變成英日夾雜，「而家加埋現代嘅傢俬，就變成一間茶樓喇！」Juston苦笑。
談起港督府，Juston不勝欷歔。他收藏了兩幅1890年港督府照片，一張客廳，一張飯廳，格局仍在，但佈置已不同。「港督府主要用嚟接待外賓，客廳好講究，天花板係模仿英國米字旗，牆上掛君主畫像，英國每個殖民地重要建築物都會掛，喺香港已失傳。」港督府建於19世紀中後期，至二戰前已頗殘舊。日佔時期，日軍將港督府大規模改建，英式陳設裏裏外外被改頭換面。和平後，港督楊慕琦盡量還原英式佈置，變成英日夾雜，「而家加埋現代嘅傢俬，就變成一間茶樓喇！」Juston苦笑。
採訪：吳佩思
攝影：劉永發
攝影：劉永發
真普天同慶 加冕巡遊萬童參與
【回歸/戀殖】
英女皇伊利沙伯二世加冕，殖民地香港則由1953年6月2日至4日舉行巡遊慶典，成立「華人慶祝英女皇加冕會景巡遊籌備委員會」統籌，華民政務司杜德出任主席，委員會當中位位巨頭，包括華商會主席周竣年爵士、羅文錦爵士、何東爵士、周壽臣爵士、中巴創辦人顏成坤等等，列明細則，各需遵守，如自付佈置費，搭建牌樓需特別申請；張燈結綵亦有限制，且因電力供應問題，故大型燈飾設計需先與電燈公司接洽。
加冕委員會成立後，再由各區街坊福利會組成籌備委員會，收集工商團體及坊間意見，港九新界各有各做，與民同樂，也是彼此較勁。先說同樂。Lawrence說：「1953年制水，加冕期間水頭充足，由早到晚無間斷放水八個鐘，普天同慶，報紙都寫『水源充足』。」光是港島巡遊，已有逾16,000名兒童獲安排參與，每人獲糖果西餅、紀念杯、橙水一支及紀念特刊。
至於較勁方面，實則是港九新界鬥財力。加冕巡遊搞足三日，依次為港島、九龍及新界。新界鄉紳父老要威要面子，故投放不少資源搞大龍鳳，包括用真馬報喜，Lawrence補充：「當時有人提議喺港九巡遊安排『飛報馬』帶頭，政府驚出事禁止，但新界就得！元朗舊墟成條馬路任你跑！」
至於較勁方面，實則是港九新界鬥財力。加冕巡遊搞足三日，依次為港島、九龍及新界。新界鄉紳父老要威要面子，故投放不少資源搞大龍鳳，包括用真馬報喜，Lawrence補充：「當時有人提議喺港九巡遊安排『飛報馬』帶頭，政府驚出事禁止，但新界就得！元朗舊墟成條馬路任你跑！」
眾籌助養金龍 鱗片作競投
巡遊除有花車，還有大金龍。龍身長十二丈六呎（逾120呎），鑲了5,500多片龍鱗，金光閃閃。巡遊後，龍鱗拆下來，其中500塊送給嘉賓，5,000塊售予群眾，每塊五元（約一包香煙價錢），還需登記競投。其中一塊成為Lawrence的收藏。為防贗品，包裝上還有防偽特徵，如印章，凹凸壓紋等，手工精緻。
翻看昔日報章，還有一個關於舞金龍的小故事。原本大金龍由街市五行工商總會負責籌措，至慶典前三個月，商會怕無法負擔全數約四萬多元，委員會遂向各社團籌集資金，加上花車太多，需請參加者改為捐款「助養」大金龍。
港島巡遊之花車及會景先在跑馬地集合， 大金龍亦放於馬房宿一宵；至於九龍，大金龍則藏身警察俱樂部。因體形龐大，龍身在室內，龍頭則留在室外。
翻看昔日報章，還有一個關於舞金龍的小故事。原本大金龍由街市五行工商總會負責籌措，至慶典前三個月，商會怕無法負擔全數約四萬多元，委員會遂向各社團籌集資金，加上花車太多，需請參加者改為捐款「助養」大金龍。
港島巡遊之花車及會景先在跑馬地集合， 大金龍亦放於馬房宿一宵；至於九龍，大金龍則藏身警察俱樂部。因體形龐大，龍身在室內，龍頭則留在室外。
採訪：吳佩思
攝影：劉永發
攝影：劉永發
回看港英如何「收買人心」 香港製造的女皇歲月
【回歸/戀殖】
1997年6月28日是星期六。香港最後一個英女皇壽辰假期。為配合主權移交，這年的6月28日及30日都是紅日，市民可連放五天假。很貼心。
港英重收買人心，港共重分化社會。年年7.1，都是上街日。
可是1953年6月2日至4日，港九新界張燈結綵舞龍舞獅；在制水的年代，這三天食水全日供應——因為「事頭婆」加冕。港產加冕紀念品還進軍英國老家，至今硬淨如新。
Made in Hong Kong，真正的土炮。
1997年6月28日是星期六。香港最後一個英女皇壽辰假期。為配合主權移交，這年的6月28日及30日都是紅日，市民可連放五天假。很貼心。
港英重收買人心，港共重分化社會。年年7.1，都是上街日。
可是1953年6月2日至4日，港九新界張燈結綵舞龍舞獅；在制水的年代，這三天食水全日供應——因為「事頭婆」加冕。港產加冕紀念品還進軍英國老家，至今硬淨如新。
Made in Hong Kong，真正的土炮。
「呢個顦口杯，啲人成日嗌佢銻杯，其實佢係鋁杯。英女皇加冕，為咗普天同慶，每間學校嘅小朋友都有一隻鋁杯，男女嘅款都唔同。男仔有個徽章，女仔就多隻匙羹。咁街童又點呢？政府好醒嘅，港九新界都有特定嘅時間免費派。」在香港，研究英女皇伊利沙伯二世的人不少，三十出頭的周浩正（Lawrence）是其中一個，也是「香港收藏家協會」成員之一。
1952年2月6日，英王喬治六世駕崩，長女伊利沙伯公主即日宣佈登基繼位，成為英女皇伊利沙伯二世。翌年6月2日，27歲的伊利沙伯二世在倫敦西敏寺接受加冕。
由6月2日至4日，香港舉行加冕巡遊慶典，政府還成立「華人慶祝英女皇加冕會景巡遊籌備委員會」，港商亦爭相生產加冕紀念品，港府遂設立「香港慶祝女皇加冕紀念品小組委員會」，負責品質檢定及向英國本土和屬地推銷港製紀念品。當時港英政府極重視加冕紀念品，還刊憲頒佈，未經批核，不得擅自進出口加冕紀念品，違者罰款二千元或入獄六個月，生效日期至1953年7月1日。
1952年2月6日，英王喬治六世駕崩，長女伊利沙伯公主即日宣佈登基繼位，成為英女皇伊利沙伯二世。翌年6月2日，27歲的伊利沙伯二世在倫敦西敏寺接受加冕。
由6月2日至4日，香港舉行加冕巡遊慶典，政府還成立「華人慶祝英女皇加冕會景巡遊籌備委員會」，港商亦爭相生產加冕紀念品，港府遂設立「香港慶祝女皇加冕紀念品小組委員會」，負責品質檢定及向英國本土和屬地推銷港製紀念品。當時港英政府極重視加冕紀念品，還刊憲頒佈，未經批核，不得擅自進出口加冕紀念品，違者罰款二千元或入獄六個月，生效日期至1953年7月1日。
女皇加冕 嚴控港製紀念品
Lawrence說：「當年啲人做假，會俾人報寸！做紀念品要攞license，嗰時政府好擔心，因為是英女皇加冕，關乎皇室，擔心濫竽充數會整衰英女皇，佢哋好驚。」
當年第一批運往英國銷售的加冕紀念品，包括繡花枕、枱布、搪瓷、象牙製品、袖口鈕，就連電筒、熱水瓶和塑膠製品都有。其中一款金漆盒，上有兒童九人，玩物五件，表現「九五之尊」之意，外國人愛不釋手。
芸芸Made in Hong Kong加冕紀念品當中，最為人港人熟悉，應是「唯一冷熱水壺廠」——駱駝牌出品的紀念水壺，至今仲用得。Lawrence說：「當時香港同外國公司都會申請生產呢款紀念品，扭開內膽，有駱駝牌標誌，真正嘅Q嘜。全部膽由老師傅吹，而家做唔返。加冕期間仲有九折，畀學校、醫院同民眾訂。」他還收藏了一款馬車玩具，脆膠製，主要售往英國 ，「啲脆膠真係好脆，但係馬車同馬都冇斷腳，車底印住Made in Hong Kong，真係好難得。香港嘢一啲都唔衰！」
「再得意啲好似呢隻碟咁樣，係香港一間叫做昌記嘅瓷器廠製作。呢set碟用嚟做佈置，分大中細、藍白綠三隻色，最大size嘅已經失傳。全部人手上釉，有兩條龍，中文字，有事頭婆個樣，加個皇冠、如意吉祥嘅邊，體現中西文化交流特色。」Lawrence笑言見過一隻同款瓷碟，「甩咗」半個事頭婆，原來當年物資短缺，擁有者忍痛以這裝飾用瓷碟上菜，「舔到隻碟冇晒顏色。」他笑說。
當年第一批運往英國銷售的加冕紀念品，包括繡花枕、枱布、搪瓷、象牙製品、袖口鈕，就連電筒、熱水瓶和塑膠製品都有。其中一款金漆盒，上有兒童九人，玩物五件，表現「九五之尊」之意，外國人愛不釋手。
芸芸Made in Hong Kong加冕紀念品當中，最為人港人熟悉，應是「唯一冷熱水壺廠」——駱駝牌出品的紀念水壺，至今仲用得。Lawrence說：「當時香港同外國公司都會申請生產呢款紀念品，扭開內膽，有駱駝牌標誌，真正嘅Q嘜。全部膽由老師傅吹，而家做唔返。加冕期間仲有九折，畀學校、醫院同民眾訂。」他還收藏了一款馬車玩具，脆膠製，主要售往英國 ，「啲脆膠真係好脆，但係馬車同馬都冇斷腳，車底印住Made in Hong Kong，真係好難得。香港嘢一啲都唔衰！」
「再得意啲好似呢隻碟咁樣，係香港一間叫做昌記嘅瓷器廠製作。呢set碟用嚟做佈置，分大中細、藍白綠三隻色，最大size嘅已經失傳。全部人手上釉，有兩條龍，中文字，有事頭婆個樣，加個皇冠、如意吉祥嘅邊，體現中西文化交流特色。」Lawrence笑言見過一隻同款瓷碟，「甩咗」半個事頭婆，原來當年物資短缺，擁有者忍痛以這裝飾用瓷碟上菜，「舔到隻碟冇晒顏色。」他笑說。
採訪：吳佩思
攝影：劉永發
攝影：劉永發
沒有留言:
發佈留言