寄了一整個春天
HKAFF 首映
如果你鍾意《我談的那場戀愛》 果種虛擬嘅關係描寫，或者《長夜盡頭的微光》嘅互相取暖，又或者係《金都》女性嘅自主選擇，咁你會鍾意《寄了一整個春天》。
賣二手底褲呢個題材唔係個個都睇得鍾意（至少我隔離果個睇到 O 曬嘴），但係《寄了》 係講到少女情懷與情慾流動，而唔會走咗去剝削果邊。
教會女校嘅抑壓，同女學生放學後嘗試「溝仔」同賣二手底褲嘅對比，加上少女對愛情嘅幻想，閨蜜之間嘅友誼張力。
主題唔係啲咩新嘢，但拼湊埋一齊感覺新鮮（除結局有少少 over 外）。
故事層次同節奏恰到好處，除編導外，陳果（監製）應該有落手執執。
Marf 喺屋企 roleplay 交收果場，同埋少女懷春跳舞果場，不得了，唔係一味將感情擺喺塊面度，而係見到佢由心交戲出嚟，第一次拍電影嚟講，收貨有餘。
Sheena ，恰如其分的女配角，中段嘅矛盾同衝突，有火花但唔係變咗 bitchy (其實可以 bitchy 啲），睇得肉緊亦唔會太出戲。
好難唔將《寄了》同埋《我談的那場戀愛》 並排一齊睇，女性對愛情嘅幻想，係咪無論年紀都會係相類同？
另外，點樣將一啲「唔見得光」嘅嘢拍成畫面，《我談》有白先生同埋瓊姐，《寄了》則有栢天男，始終都係電影畫面，所以都係要拍得「唯美」多啲㗎喇。
無論係我談的那場戀愛，或者係寄了一整個春天，都係今年首部劇情片計劃嘅 bar 推高咗好多。
推薦入場，如果你係Marf 嘅粉絲更加唔好錯過。
睇完之後，你會發現 Marf係抵佢紅嘅
沒有留言:
發佈留言