20240524
【到底《芙莉歐莎：末日先鋒傳說》可以有幾好睇？】
#到底可以有幾好睇系列
1. 個人覺得最神係個故事！當今乜都走去拍前傳，好多只係賣情懷玩彩蛋，Miller伯伯係好認真去同你講故事、之前發生咩事，幾乎可以同上集第一個鏡頭、第一幕無縫連接呢嘢會唔會太癲
2. 故事好努力去擴充個世界觀，上集有出現嘅嘢呢集都有交代，連睇落唔關事嘅大茄都有涉獵，並唔係單單求其安排女主角走上復仇之路就算
3. 作為一個人物前傳故事，唔止睇到Furiosa嘅成長，當中又經歷咗咩先有咁性格，最終點樣走上女英雌之路，成件事好流暢，都處處呼應返上集細節
4. 上集咁神枱地步，其實今集一味係咁飛車觀眾都收貨，但Miller伯伯仲好認真去剖析上次故事發生前嘅世界、各家各派又發生咩事，估你唔到仲連戰略都有埋，幾乎係編年史咁講故事，分分鐘可以拍多堆外傳
5. 唔知佢點計對白，Anya Taylor-Joy雖然話唔多，感覺都多對白過30句，無可否認成套戲係用上最少對白都講到故事，就咁開場嘅追逐戰鏡頭同剪接已好犀利，乾淨利落講完個背景
6. 因為多咗文戲，動作場面係冇上次咁密集同大型，反而更集中更刺激，15分鐘運油車大戰啲動作特技佢諗得出已癲，仲要拍得出，亦知道點樣可以刺激觀眾，好多個唔知CG定嚟真鏡頭極刺激，完全無負拍咗78日！
7. 冇上集咁多地型戰同漫長飛車，今次虛構嘅世界觀都充分利用到到唔同場景設計，後半段一場戲，將飛車追逐結合複雜槍戰，創出比上集甚至原作三部曲，更突破嘅動作場面
8. 對比上集嘅爽感，今次或者未叫「爽」，但每次都係多重危機同時發生，一波未平一波又起，同時角色又各自有複雜原因要抉擇，張力一樣好勁
9. Anya Taylor-Joy無疑交出另一張演藝生涯成績表，單用眼神都做到主角心路歷程，演佢童年小妹妹都好好戲，仲要兩位超似樣！Anya Taylor-Joy仲愈演形神愈似Charles Theron，唔係純粹模仿去演，而係令你信服三位演員都係同一個人
10. 對比之下，今集當然都正，個人都係偏向鍾意上集，今集多咗CG，冇上集咁有實感，而後段都長咗少少。Miller伯伯係識用影像講故事，但一到真係出現文戲，佢就點都差少少，同埋女主角嘅報仇之路，感覺有少少bug位
後記：大家唔好成日話我睇優先場一定收咗錢、一定有最好優待，次次IMAX坐個咁嘅位，你問我直頭係最差嘅位，唔係為咗睇套戲等到咁夜，拎到飛真係想走。如果我收咗錢的話，攞苦嚟辛，最後情願坐去第三行中間都唔坐咁嘅位。成日覺得呢幾個位連演員正常樣都睇唔到，根本唔應該整出嚟賣...
#芙莉歐莎末日先鋒傳說
《芙莉歐莎：末日先鋒傳說》觀後感全文可看留言連結。
《芙莉歐莎：末日先鋒傳說》日本電影海報單張現已上架，請即於留言連結選購！
#到底可以有幾好睇系列
1. 個人覺得最神係個故事！當今乜都走去拍前傳，好多只係賣情懷玩彩蛋，Miller伯伯係好認真去同你講故事、之前發生咩事，幾乎可以同上集第一個鏡頭、第一幕無縫連接呢嘢會唔會太癲
2. 故事好努力去擴充個世界觀，上集有出現嘅嘢呢集都有交代，連睇落唔關事嘅大茄都有涉獵，並唔係單單求其安排女主角走上復仇之路就算
3. 作為一個人物前傳故事，唔止睇到Furiosa嘅成長，當中又經歷咗咩先有咁性格，最終點樣走上女英雌之路，成件事好流暢，都處處呼應返上集細節
4. 上集咁神枱地步，其實今集一味係咁飛車觀眾都收貨，但Miller伯伯仲好認真去剖析上次故事發生前嘅世界、各家各派又發生咩事，估你唔到仲連戰略都有埋，幾乎係編年史咁講故事，分分鐘可以拍多堆外傳
5. 唔知佢點計對白，Anya Taylor-Joy雖然話唔多，感覺都多對白過30句，無可否認成套戲係用上最少對白都講到故事，就咁開場嘅追逐戰鏡頭同剪接已好犀利，乾淨利落講完個背景
6. 因為多咗文戲，動作場面係冇上次咁密集同大型，反而更集中更刺激，15分鐘運油車大戰啲動作特技佢諗得出已癲，仲要拍得出，亦知道點樣可以刺激觀眾，好多個唔知CG定嚟真鏡頭極刺激，完全無負拍咗78日！
7. 冇上集咁多地型戰同漫長飛車，今次虛構嘅世界觀都充分利用到到唔同場景設計，後半段一場戲，將飛車追逐結合複雜槍戰，創出比上集甚至原作三部曲，更突破嘅動作場面
8. 對比上集嘅爽感，今次或者未叫「爽」，但每次都係多重危機同時發生，一波未平一波又起，同時角色又各自有複雜原因要抉擇，張力一樣好勁
9. Anya Taylor-Joy無疑交出另一張演藝生涯成績表，單用眼神都做到主角心路歷程，演佢童年小妹妹都好好戲，仲要兩位超似樣！Anya Taylor-Joy仲愈演形神愈似Charles Theron，唔係純粹模仿去演，而係令你信服三位演員都係同一個人
10. 對比之下，今集當然都正，個人都係偏向鍾意上集，今集多咗CG，冇上集咁有實感，而後段都長咗少少。Miller伯伯係識用影像講故事，但一到真係出現文戲，佢就點都差少少，同埋女主角嘅報仇之路，感覺有少少bug位
後記：大家唔好成日話我睇優先場一定收咗錢、一定有最好優待，次次IMAX坐個咁嘅位，你問我直頭係最差嘅位，唔係為咗睇套戲等到咁夜，拎到飛真係想走。如果我收咗錢的話，攞苦嚟辛，最後情願坐去第三行中間都唔坐咁嘅位。成日覺得呢幾個位連演員正常樣都睇唔到，根本唔應該整出嚟賣...
#芙莉歐莎末日先鋒傳說
《芙莉歐莎：末日先鋒傳說》觀後感全文可看留言連結。
《芙莉歐莎：末日先鋒傳說》日本電影海報單張現已上架，請即於留言連結選購！
沒有留言:
發佈留言