有朋友係九龍城寨最後一批居民，大讚《九龍城寨之圍城》場景設計落足心機，還原度極高。
佢就住喺電影名場面之一「老人街」上，不少橫街暗行陪住佢大。
據報斥資3億搭建嘅佈景，睇完，佢只搵到三個與現實不符嘅地方：
2. 城寨入面無一處地方無垃圾同無老鼠曱甴。戲入面嘅污糟，只限於建築類嘅廢料，沙沙石石磚磚瓦瓦，而唔係真正嘅污糟邋遢。
3. 八十年代初嘅城寨外圍，基本上四面都有建築物，例如隔離美東村同安琪幼稚園等，未至於荒野一樣（電影開頭其中一幕）。
這些當然都因為電影感需要。話明電影嘛，同翻譯一樣，最緊要神似。
第一日開畫就唔劇透了。但成套戲126分鐘，認真，冇一分鐘冷場。
林峯、古天樂、洪金寶，劉俊謙，冇得輸夢幻組合，頭十分鐘已經開始爆seed。
加上三不管的頹廢美、人情味，同緊扣城寨結構的動作設計，全片基本上係一場80年代視覺盛宴，一直到片尾名單都仲有嘢睇，汁都撈埋嗰隻惹味。
完場，甚至有人忍唔住拍掌。
而佈景還原度高都只係其中一環。學美術總監麥國強話齋，重塑場面唔難，還原生活細節最難。
例如朋友話，當年真係有人瞓簷篷；而因為慳成本，同一道牆會兩幢樓share用，打穿牆壁跨過去，就係另一幢樓。
「如果睇完套戲覺得啲場景好荒謬，咁我話俾你知，呢啲荒謬嘅場景真實地存在過。」
沒有留言:
發佈留言