【《#職業特工隊：#死亡清算上集》短評幾句】
晞。觀影記事15週年《奧本海默》IMAX包場現已開售，期待到時見到你！詳情請睇：https://bit.ly/15thtravelerwithmovie1. 睇完激動程度不下於《壯志凌雲：獨行俠》！即使長達接近三個鐘完全冇冷場，直頭唔覺得有咁長！
3. 動作場面以外，今集製造緊張嘅功力都好好，阿布扎比跟蹤同反跟蹤、幾場談判同諗計戲張力十足
4. 雖然都離唔開俾人出賣、孤立無援嘅套路，但對手已經去到AI級別，成件事有更多新意，都有估你唔到反轉，當然都有少bug但接受到（佢老婆《鷹眼追擊》玩過，應有經驗喎 
）
）5. 新舊角色前呼後應都做得到個戲味，唔係《狂野時速10》夾硬搵個舊人出嚟講，真係有劇情需要，果一下仲有少少感動（當然你要睇咗第一、五、六集）
6. Hayley Atwell從來唔覺得佢正，睇完呢套有少少鍾意咗佢
7. 唔知邊啲係封城前後拍，定後期補拍？威尼斯拍到連背景都冇乜人，畫面好靚！唔知原本威尼斯果段仲可以講乜？
8. 羅馬同一個位俾人同一方法整爛兩次（我有冇睇錯），搵唐老大定IMF埋單好
9. 有劣評話套嘢故弄玄虛，解釋不清，其實留意返人哋已講明係上集，cliffhanger位cut上下集我覺得好正喎，當年rabbit foot冇解釋過都係咁啦。當然玩到咁大，都驚係咪真係拍多集解到。與其話係解釋不清，不如話上半部拋太多懸念，令套戲元素過度豐富，如果下集搞唔掂，就真係解唔到喇
10. 今夏幾乎逢片必仆，希望呢套有好成績！如果呢套都仆，荷里活真係玩完……
後記：成日諗如果問should you choose to accept，答no會點？估唔到佢今次都自嘲返
《職業特工隊：死亡清算上集》日本電影海報現已上架，請點擊圖片或留言連結選購！
沒有留言:
發佈留言