20230313
今屆奧斯卡幾位得主經歷都好振奮人心，有由細陪住我哋香港人大嘅動作女星奪影后，有人生一度受到不公對待，委屈咗好多年嘅男星拎影帝。仲有人生經歷無數起落，喺半百之年再做演員，仲要一出嚟就拎大獎嘅關繼威。今日最想講係關繼威。
由越南難民，到第一套戲就參演奪寶奇兵同Harrison Ford同史匹保合作，關繼威嘅童年已經比大部分人更傳奇。本身以為有個咁嘅開頭，佢事業一定會好順利。但人生就係咁奇怪，各有際遇，關繼威無如願一路紅落去，反而中間係無乜做演員機會。
但關繼威無放棄過電影啊，唔做幕前就做幕後，幫八爺袁和平做武術指導，參與過荷里活製作；仲幫王家衛嘅2046做副導。當時邊個會估到，關繼威有日會早過梁朝偉拎到奧斯卡。
人生就係咁奇妙，你以為自己人生半百，你童年夢想已經離你好遠。但突然之間，命運畀你一個機會，因為你一直好好準備，就係呢個機會就再改變你人生。如果關繼威一早離開咗電影圈，就唔會喺成龍拒演之後，成為角色嘅人選。如果唔係佢一直熟悉電影製作，無生疏到，憑佢豐富電影知識，佢一做返個角色就得心應手。就好似杜sir班底中，好多幕後高手都可以隨時客串幕前，因為佢哋對電影就係咁熟悉。關繼威嘅遭遇話畀大家知，夢想係唔知幾時會實現，可能喺你人生半百之時突然會出現機會，無人知，講唔埋。但如果你一早放棄，就一定唔會有呢個機會。
追夢過程好令人氣餒，就算你太攰放棄，我都覺得無乜嘢，人生唔一定要追夢。但如果你而家廿幾三十歲，不斷懷疑自己夢想會唔會實現之時，關繼威嘅經歷就話緊畀你聽，廿幾三十歲都仲係人生開頭，有排都未知你之後會點。努力充實同準備好自己，等待機會，對機會來臨之時，你就可以發光發亮。有句老土到爆但又好真實嘅說話，機會係留畀有準備嘅人。關繼威今日台上嗰句：Please keep your dream alive。真係好入心。
呢篇文寫咗一排，正確嚟講係有兩個月，因為係喺關繼威先生拎金球獎之時寫。當時心諗，不如留返關繼威拎奧斯卡之時先出。今日終於出到，恭喜關繼威。
由越南難民，到第一套戲就參演奪寶奇兵同Harrison Ford同史匹保合作，關繼威嘅童年已經比大部分人更傳奇。本身以為有個咁嘅開頭，佢事業一定會好順利。但人生就係咁奇怪，各有際遇，關繼威無如願一路紅落去，反而中間係無乜做演員機會。
但關繼威無放棄過電影啊，唔做幕前就做幕後，幫八爺袁和平做武術指導，參與過荷里活製作；仲幫王家衛嘅2046做副導。當時邊個會估到，關繼威有日會早過梁朝偉拎到奧斯卡。
人生就係咁奇妙，你以為自己人生半百，你童年夢想已經離你好遠。但突然之間，命運畀你一個機會，因為你一直好好準備，就係呢個機會就再改變你人生。如果關繼威一早離開咗電影圈，就唔會喺成龍拒演之後，成為角色嘅人選。如果唔係佢一直熟悉電影製作，無生疏到，憑佢豐富電影知識，佢一做返個角色就得心應手。就好似杜sir班底中，好多幕後高手都可以隨時客串幕前，因為佢哋對電影就係咁熟悉。關繼威嘅遭遇話畀大家知，夢想係唔知幾時會實現，可能喺你人生半百之時突然會出現機會，無人知，講唔埋。但如果你一早放棄，就一定唔會有呢個機會。
追夢過程好令人氣餒，就算你太攰放棄，我都覺得無乜嘢，人生唔一定要追夢。但如果你而家廿幾三十歲，不斷懷疑自己夢想會唔會實現之時，關繼威嘅經歷就話緊畀你聽，廿幾三十歲都仲係人生開頭，有排都未知你之後會點。努力充實同準備好自己，等待機會，對機會來臨之時，你就可以發光發亮。有句老土到爆但又好真實嘅說話，機會係留畀有準備嘅人。關繼威今日台上嗰句：Please keep your dream alive。真係好入心。
呢篇文寫咗一排，正確嚟講係有兩個月，因為係喺關繼威先生拎金球獎之時寫。當時心諗，不如留返關繼威拎奧斯卡之時先出。今日終於出到，恭喜關繼威。
沒有留言:
發佈留言