一直以為車公是位文人，原來是武將，覺得合晒合年年都有班人幫我們求籤、搶頭柱香，又趁年頭四出奔走拜勻這神那神保平安，但今日22世紀，有沒有想過，你們拜的神其實是怎樣的呢？以下幾位漫畫插畫人，畫過你睇！
邱福龍：「我出武俠書，畫車公啱晒啦！」
車公，又名車大元帥，相傳南宋末年護駕宋帝昺南下避難。守在西貢時不幸病逝。鄉民把農曆大年初二定為車公誕。「我本來想畫黃大仙，以前個個都叫我黃大仙嘛。但發現黃大仙個造型好普通，好似民間傳奇啲古裝人咁。車公呢，我初時以為佢係溫文嘅神仙，我未去過，連佢是否在沙田都唔肯定(笑)。查資料發現佢係個持劍的武將，好似好多人都唔知，我仲感覺衪像關公。咁要快趣交稿嘛，我出武俠書咁就啱晒啦！其實我覺得每個神都係同一人嚟嘅。你明唔明呀？總之你善心，就會有個神照....關顧你㗎啦！」
謝曬皮：「車公好忙，要用MacBook先搞得掂。」
「畫車公因為我住沙田住得近囉！以前年年都被媽媽帶去車公廟拜神。車公有求必應嘛，如果車公喺現代，佢都要用電腦科技去處理咁多請求同願望。最少都要有部MacBook啦。大家都知佢好靈，記得佢點大發神威，用麒麟撞葉劉淑儀。希望車公保佑咩？希望佢可以繼續適時召喚麒麟，幫我哋撞開唔好嘅人/嘢啦！其實雖然以前覺得新年拜來拜去好麻煩，但而家覺得呢啲華夏文化好重要。覺得呢啲係香港人嘅傳統，值得尊重同保留。」曹志豪：「天后，我係完全唔敢亂畫的(笑)！」
歷史考證，媽祖生於宋太祖HYPERLINK"https://zh.wikipedia.org/wiki/%E5%BB%BA%E9%9A%86"
建隆元年，在海上遇風浪時，因飛身入海拯救父兄而罹難。從此漁民出海前，或遇風浪，求媽祖保祐都能平安度過甚至看過媽祖顯靈，成為東亞沿海地區的海神。「一講神明，就諗起天后。可能職業關係，我見到任何事，或者看到舊建築，個腦都好易出現故事與映像，如看完劇本，閉上眼，啲故事人物就喺腦裏走來走去有晒畫面。但唔知點解，一次台灣朋友帶我去新竹的一個天后宮(媽祖廟)，入到呢個廟，腦袋就好平靜，諗到少少畫面又突然平靜落來。這個感覺對我而言好新鮮。我其實好尊敬每一個神，覺得佢哋背後都有好多故事。你(記者)叫我為啲神加創意，但基於那個敬意，我係完全唔敢亂加的(笑)。天后像身上每件信物可能都有象徵意義，我會搵好多天后像，歸納來畫裏面的東西出來，最正統的方法去畫，同時畫出平靜的感覺。」
Pen So：「覺得佢好有自己一套，獨立思考。」
濟公生於南宋，法號道濟。在杭州靈隱寺出家時不愛打坐又不戒酒肉，但醫術精湛，常救助百姓，被封為濟公活佛。傳說還是降龍羅漢轉世。「選擇濟公是因為他是一個與眾不同的神，濟公是不會理會規則，例如身為佛家人會食肉飲酒，我認為濟公是擁有獨立思考的神。一個這麼脫俗的神很少有，他也很開心，是各方面都頗有趣的神。我都好想可以好似佢咁活得疏肝。(笑)雖然我都唔知邊度有濟公廟，但希望佢保祐大家來年健健康康。而現代版的造型是保留他本身的特徴加以現代化，例如濟公常戴的佛帽改為cap帽，扇就變成電風扇，他經常帶在身的酒葫蘆改成西洋酒樽。」
爵爵&貓叔：「我哋台灣人逢年初九都會去拜玉帝，九龍太子係佢嘅護法。」
玉皇大帝，全稱玉皇大天尊玄穹高上帝，簡稱玉帝或天公，是道教中地位最高的神之一。而九龍太子，即是《封神榜》裏腳踏風火輪的「哪吒」，是玉帝座前的保鏢。「我哋台灣人逢年初九都會去拜玉帝，而九龍太子係佢座前嘅護法。貓叔自己都好鍾意玉皇，咁佢身上梗係有好多貓埋身。(笑)我自己就覺得九龍太子好有型，有九條龍纏在身邊好型。(果啲唔似龍喎！)哈哈，係我獨有嘅龍。希望佢哋可以保祐來年台灣同香港都平平安安。希望個天唔好再玩我哋了，我哋已經成日有啲好灰嘅事要煩，可否讓我們休息一下。」
記者：陳慧敏
攝影：王國輝
滿天神佛似邊個 華仔似財神因為係阿叔？(蘋果日報)
中國傳統神話多多，滿天神佛，不知道大家懂得多少？記者在維園年宵訪問了20位街坊，最多人說得出的有財神及觀音，各得4票，如來佛祖及孫悟空緊隨其後，得3票，讓大家狂想一下，神會是甚麼模樣？
楊先生：「好像阿叔的模樣，劉德華啦，甄子丹咁樣。」（高質阿叔）
李太：「就像是電視中的造型，觀音似蓋鳴暉，關公是狄龍。」
李小朋友：「財神只會幫好人，是肥嘟嘟，很矮的，就像曾志偉。」
何先生：「觀音應該幾靚(哈)。」
霍先生：「觀音眼瞇瞇，嘴在笑。」
蒲先生：「觀音菩薩似家燕媽媽。」
阮小姐：「孫悟空是張衛健來的。」
其實，這次是想介紹一位神，祂叫「廁神」，猜猜他是誰？
梁小姐：「去廁所那些廁所呀？應該是位男人，有很大粒癦。」
李小姐：「可能是動物，似是狼。」（狂想中）
梁先生：「是馬桶的模樣。」
陳先生：「是老人家，行動不便的，比較遲鈍及慢吞吞的。」
李小姐：「保佑人暢通無阻。」
君君小朋友：「幫忙洗廁所的。」
妤妤小朋友：「如果有人賴尿，會幫忙清潔。」
開估啦！廁神其實是位女人，叫紫姑，是位漂亮善良的侍妾，大婆十分妒忌，所以在廁所中殺了他，後人憐憫她的慘遇，就將她供奉為廁神，以後每逢正月十五都會迎紫姑，可占卜婚姻大事，保佑愛情幸福啊！
記者：鍾溥敏
攝影：許先煜
2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily
李太：「就像是電視中的造型，觀音似蓋鳴暉，關公是狄龍。」
李小朋友：「財神只會幫好人，是肥嘟嘟，很矮的，就像曾志偉。」
何先生：「觀音應該幾靚(哈)。」
霍先生：「觀音眼瞇瞇，嘴在笑。」
蒲先生：「觀音菩薩似家燕媽媽。」
阮小姐：「孫悟空是張衛健來的。」
其實，這次是想介紹一位神，祂叫「廁神」，猜猜他是誰？
梁小姐：「去廁所那些廁所呀？應該是位男人，有很大粒癦。」
李小姐：「可能是動物，似是狼。」（狂想中）
梁先生：「是馬桶的模樣。」
陳先生：「是老人家，行動不便的，比較遲鈍及慢吞吞的。」
李小姐：「保佑人暢通無阻。」
君君小朋友：「幫忙洗廁所的。」
妤妤小朋友：「如果有人賴尿，會幫忙清潔。」
開估啦！廁神其實是位女人，叫紫姑，是位漂亮善良的侍妾，大婆十分妒忌，所以在廁所中殺了他，後人憐憫她的慘遇，就將她供奉為廁神，以後每逢正月十五都會迎紫姑，可占卜婚姻大事，保佑愛情幸福啊！
記者：鍾溥敏
攝影：許先煜
2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily
沒有留言:
發佈留言