花牌是香港獨有的傳統手藝，近日更逐漸受外國文化界重視。
【on.cc東網專訊】每逢傳統節日，街上總會見到形形色色的傳統大型花牌，倚着竹棚坐落路旁，吸引着路人的眼球。這項香港獨有的傳統手藝，日漸受外國文化界所重視，有花牌製作公司繼前年到美國作展覽後，下月亦將應邀到法國，於當地協助搭建花牌。雖然花牌成功衝出香港，惟該店老闆慨嘆，行內一直缺乏年輕人入行，擔心傳統技藝終難逃失傳命運。
「年頭做新年年宵嘅花牌，之後3月左右天后誕、4至5月係慈善機構就職旺季，到農曆7月盂蘭節，之後10.1，到年尾係婚嫁高峰期，1年最少整400個花牌。」人稱基哥的蔡榮基，是榮基花牌的老闆，亦是花牌店的第二代傳人。作為傳統行業的老闆，基哥40歲已算得上相當年輕，「其實我做咗呢行都有24年，小學得閒就會幫爸爸手，中三畢業後就全職整花牌。」
花牌屬傳統技藝，但要追得上時代的步伐，亦要不斷改進。基哥接手後，經歷了行業的低潮期，部分老店被淘汰，現時全港只餘下約5間花牌公司，當中僅3間有能力做較大型的花牌。為保持競爭力，他不斷改進花牌質量，如花牌上的書法，由手寫於紙上改成電腦印在banner布上、銻花代摺紙花、鎢絲燈泡轉用LED燈泡等。雖然成本因而增加，惟他的產品卻受客人歡迎，更不時接到來自內地的訂單。
除受到香港及內地客人歡迎外，基哥更邁向國際。2014年6月，他獲一個國際民俗節邀請，到美國華盛頓搭建大型花牌，宣揚這種香港獨有文化，「個花牌足足有130呎乘50呎咁大，本身美國啲工程師都唔畀我哋起，驚唔夠穩陣大風會吹冧，不過當佢哋見到個製成品時，都向我哋直豎手指公。」
經過美國之行後，更多外國人認識到花牌，亦對花牌產生興趣。早前他就接到來自法國波爾多的邀請，要求他於香港製作花牌後，親身到當地協助組裝，「對方暫時唔想透露花牌嘅詳情，不過最重要係可以向更多人推廣花牌文化。」
成功衝出香港，在香港的保育之聲亦愈來愈大，不時有學生邀約基哥訪問，以傳統花牌作研習報告題材。惟與其他傳統技藝一樣，無年輕人願意入行，令行業不知不覺走到黃昏，「做呢行好辛苦，好天曬落雨淋，試過有後生仔做咗幾日，就嫌辛苦唔做。始終人工唔高，橫掂都係咁辛苦，寧願做地盤。」
至於有否想過要下一代接手家族生意？他亦坦言不會，「我自己都做到成身傷，唔想仔女學似我咁辛苦，將來就算失傳都無辦法，希望趁依家盡自己努力，推廣畀多啲人識。」
「年頭做新年年宵嘅花牌，之後3月左右天后誕、4至5月係慈善機構就職旺季，到農曆7月盂蘭節，之後10.1，到年尾係婚嫁高峰期，1年最少整400個花牌。」人稱基哥的蔡榮基，是榮基花牌的老闆，亦是花牌店的第二代傳人。作為傳統行業的老闆，基哥40歲已算得上相當年輕，「其實我做咗呢行都有24年，小學得閒就會幫爸爸手，中三畢業後就全職整花牌。」
花牌屬傳統技藝，但要追得上時代的步伐，亦要不斷改進。基哥接手後，經歷了行業的低潮期，部分老店被淘汰，現時全港只餘下約5間花牌公司，當中僅3間有能力做較大型的花牌。為保持競爭力，他不斷改進花牌質量，如花牌上的書法，由手寫於紙上改成電腦印在banner布上、銻花代摺紙花、鎢絲燈泡轉用LED燈泡等。雖然成本因而增加，惟他的產品卻受客人歡迎，更不時接到來自內地的訂單。
除受到香港及內地客人歡迎外，基哥更邁向國際。2014年6月，他獲一個國際民俗節邀請，到美國華盛頓搭建大型花牌，宣揚這種香港獨有文化，「個花牌足足有130呎乘50呎咁大，本身美國啲工程師都唔畀我哋起，驚唔夠穩陣大風會吹冧，不過當佢哋見到個製成品時，都向我哋直豎手指公。」
經過美國之行後，更多外國人認識到花牌，亦對花牌產生興趣。早前他就接到來自法國波爾多的邀請，要求他於香港製作花牌後，親身到當地協助組裝，「對方暫時唔想透露花牌嘅詳情，不過最重要係可以向更多人推廣花牌文化。」
成功衝出香港，在香港的保育之聲亦愈來愈大，不時有學生邀約基哥訪問，以傳統花牌作研習報告題材。惟與其他傳統技藝一樣，無年輕人願意入行，令行業不知不覺走到黃昏，「做呢行好辛苦，好天曬落雨淋，試過有後生仔做咗幾日，就嫌辛苦唔做。始終人工唔高，橫掂都係咁辛苦，寧願做地盤。」
至於有否想過要下一代接手家族生意？他亦坦言不會，「我自己都做到成身傷，唔想仔女學似我咁辛苦，將來就算失傳都無辦法，希望趁依家盡自己努力，推廣畀多啲人識。」
沒有留言:
發佈留言