2016年5月28日 星期六

美荷樓四十一冰室 大玩懷舊裝修+Fusion菜(NOW)

美荷樓四十一冰室 大玩懷舊裝修+Fusion菜(NOW)




【新假期】近年提到「本地」、「集體回憶」等字眼,大家都份外愛惜,生怕香港這片美麗土地,有一日會給予「國內勢力」逐步吞蝕。幸好,香港還有不少有心之士為保護香港文化出力。近日,香港青年旅舍總會,將位於美荷樓地下的餐廳進行大翻新,勁玩「老香港」元素,誓要呈現香港「快樂」的集體回憶!
美荷樓 四十一冰室 !推本土FUSION菜
香港中西文化交融,而「四十一冰室」亦沿照香港特色,推出種種中西融合嘅fusion菜,如中式炸豆腐芝士漢堡。而扒餐方面連乳豬都有得「鋸」,甜品亦唔馬虎,街邊小食懷舊夾餅都擺埋上枱,菜式新穎而非翻炒舊時冰室菜式,淨計創意分都搭夠!
豆腐芝士漢堡($88),唔知究竟港式炸豆腐配西式漢堡大家又食唔食得慣?
西班牙傳統焗乳豬配薯條,真係要一試同港式乳豬之別!
懷舊花生醬夾餅配焦糖香蕉($48),街頭小食級數即時upgrade!
除了以上幾種中西fushion菜之外,餐廳都偏向以西菜為主,意粉、焗飯樣樣齊,另亦有其他Café較少有的咸豬手食!
德國咸豬手($118),份量足3磅重,夠哂大份,同2個朋友share食啱啱好!
水牛芝士肉醬意粉,將舊時冰室肉醬意粉升級!
美荷樓「四十一冰室」
地址:九龍深水埗巴域街70號石硤尾邨41座(港鐵深水埗站B2出口)
開放時間:7:00am-12:00pm
在「四十一冰室」的對面,有間「四十一士多」,入面有齊港式懷舊小食、懷舊餐具同其他旅行用品,食飽飽去對面行吓延續懷舊氣息!
以上嘅懷舊小食依家重新hit起,唔駛再吓吓等年宵或商場擺booth喇,呢度有得長期供應。
唔只紅雙喜、公雞牌廚具令人懷念,舊有嘅波子祺、算盤亦令記者想買返個來重回小學時光。
唔少戶外旅行產品都得賣,連早前勁hit嘅冰巾都有得賣!
新餐廳勁玩「老香港」元素
以前去過美荷樓的舊餐廳(呼吸冰室)嘅朋友們,應該都記得冰室以香港趣味文化為賣點,而今次餐廳翻新兼改名,名為「四十一冰室」!「四十一冰室」呢個店名唔係亂咁改㗎,而係因為美荷樓地址活化前為石峽尾村第四十一座,充滿歷史價值!
雖則冰室改頭換面,但同樣繼續大玩「老香港」文化,仲請嚟5位本地藝術家,分別為Brainrental、Don Mak、Miloza米路沙、迪嘉Tik Ka及Underdo Party ,以「分享快樂」為題,透過各有特色之風格畫出香港嘅集體回憶來作冰室牆身設計,包括昔日校園生活、懷舊玩具、卡通漫畫、舊區風光,帶大家一重返那些年!
其中一位本地藝術家Don Mark親自於牆上畫上設計。
Don Mark畫出當年香港舊有風光。
藝術家Underdo Party以搶眼色彩帶大家重返童年時光(牆上有「不准塗鴉」,好句!)。
藝術家米路沙的童趣風格畫出懷舊玩具,大家認得幾多樣?圖片來源:米路沙Facebook專頁。
藝術家Brainrental以細膩畫風畫出各式上學裝備……上面畫嘅,記者都用過哂!
藝術家迪嘉的少女風畫格夠fancy,女孩子必嚟selfie!
講到「老香港」設計,又點少得舊時鋪面必用的舊式鑼閘?

沒有留言:

張貼留言