20250330
足球係為誰而踢？
寫在《足球女將》最終戰前
禮拜日港超有場前列大戰理文對大埔，但可能更多球迷關心嘅係另一場波—螢花女足最終戰。從網民喺viutv面書專頁投訴點解最終戰冇直播，強烈要求搞直播嘅反應就可知一二。
《足球女將》嘅紅係肉眼可見。其一係小弟前兩日返工時偶遇啱啱7點晨操完嘅馬詠茹，影咗張相post上threads，喺得到本尊回應之下，嗰post有超過千6個like同8萬幾views。其二係見到贊助節目球衣嘅J字運動品牌嘅網站，發現佢哋著嚟練波嗰件普通白色波衫，細、中、大，同加大碼都賣晒，認真誇張。
可能好多人最初睇《足球女將》，只係想睇下呢班女仔會做到啲咩出嚟，繼而笑下佢哋姐手姐腳，又或者鬧下佢哋又係為咗博出位。完晒呢15集之後，可能仲有人係保持呢種諗法，但更多人係畀呢班女仔嘅用心同落力所感動，繼而由恥笑轉化成支持。而小弟睇呢個節目時，覺得更重要係佢喺香港呢個大環境下，確立咗女性喺足球係有位置，並非只係花瓶。
喺香港，一般人會覺得女性參與所有足球活動都係被動。女性會踢波唔會係因為佢想踢，而係佢要達成某啲目標先會踢；女性入場睇波唔會係因為佢想睇，而係陪另一半睇或者另一半落場；女性做足球節目唔會係因為佢識波有見解，而係佢靚女、身材好，又開得玩笑可以做花瓶，氹得大家開心。主流視角中，一般女性係唔會主動去參與足球活動，喺足球世界女性嘅位置就係附屬，就係陪人哋而做。
《足球女將》入面有啲女性可能踢埋場波就呢世都唔會再踢波，但相信大家都會喺節目感受到有啲人真係鍾意咗呢項運動，想擺更多心機落去。女性踢波，係因為佢哋想踢，佢哋鍾意踢，就同男性一樣，踢波係為咗自己。呢種觀念嘅扭轉係重要，當我哋去問本地波點樣開發女球迷市場時，我哋應該要清楚女性係有自主性去參與足球活動，佢哋會喜歡足球，足球既係佢哋為咗自己踢；同時佢哋都可以係球迷，足球都可以為咗佢哋而踢。最後，希望螢花最終戰可以踢得好好睇睇，Ice加油，Kathy仔加油！
寫在《足球女將》最終戰前
禮拜日港超有場前列大戰理文對大埔，但可能更多球迷關心嘅係另一場波—螢花女足最終戰。從網民喺viutv面書專頁投訴點解最終戰冇直播，強烈要求搞直播嘅反應就可知一二。
《足球女將》嘅紅係肉眼可見。其一係小弟前兩日返工時偶遇啱啱7點晨操完嘅馬詠茹，影咗張相post上threads，喺得到本尊回應之下，嗰post有超過千6個like同8萬幾views。其二係見到贊助節目球衣嘅J字運動品牌嘅網站，發現佢哋著嚟練波嗰件普通白色波衫，細、中、大，同加大碼都賣晒，認真誇張。
可能好多人最初睇《足球女將》，只係想睇下呢班女仔會做到啲咩出嚟，繼而笑下佢哋姐手姐腳，又或者鬧下佢哋又係為咗博出位。完晒呢15集之後，可能仲有人係保持呢種諗法，但更多人係畀呢班女仔嘅用心同落力所感動，繼而由恥笑轉化成支持。而小弟睇呢個節目時，覺得更重要係佢喺香港呢個大環境下，確立咗女性喺足球係有位置，並非只係花瓶。
喺香港，一般人會覺得女性參與所有足球活動都係被動。女性會踢波唔會係因為佢想踢，而係佢要達成某啲目標先會踢；女性入場睇波唔會係因為佢想睇，而係陪另一半睇或者另一半落場；女性做足球節目唔會係因為佢識波有見解，而係佢靚女、身材好，又開得玩笑可以做花瓶，氹得大家開心。主流視角中，一般女性係唔會主動去參與足球活動，喺足球世界女性嘅位置就係附屬，就係陪人哋而做。
《足球女將》入面有啲女性可能踢埋場波就呢世都唔會再踢波，但相信大家都會喺節目感受到有啲人真係鍾意咗呢項運動，想擺更多心機落去。女性踢波，係因為佢哋想踢，佢哋鍾意踢，就同男性一樣，踢波係為咗自己。呢種觀念嘅扭轉係重要，當我哋去問本地波點樣開發女球迷市場時，我哋應該要清楚女性係有自主性去參與足球活動，佢哋會喜歡足球，足球既係佢哋為咗自己踢；同時佢哋都可以係球迷，足球都可以為咗佢哋而踢。最後，希望螢花最終戰可以踢得好好睇睇，Ice加油，Kathy仔加油！
沒有留言:
發佈留言