【到底《#白雪公主》... 發生乜嘢事？
】
1. 首先要戴頭盔，近年好多人見迪士尼政治正確或魔改真人版都狂插，真心我覺得《小魚仙》唔錯、《花木蘭》都接受到，唯一頂唔順係《小飛象》，《白雪公主》網民一致未睇先插，會唔會自己都接受到？導演係Marc Webb喎，點知... 嘩屌...
2. Rachel Zegler當然係致命傷，但成套戲劇本無論點睇都不堪入目，將個耳熟能詳故事魔改——其實一早已有好多作品魔改，無論惡搞定認真都有佢味道，但改到不倫不類、可以話亂嚟，劇情鬆散到唔連戲，好難想像佢重拍過幾多手
3. 成個故事超越政治正確，簡直煩膠廢話連篇。一味空講，講到個地步唔止白雪公主一早已好想佢死，直頭係班小矮人同個王子（二打六）都想快啲被收皮
4. 政治正確唔係問題、講女性自強都唔係問題（《阿拉丁》已有好好示範），要講都自然少少，全部流於口講、本質都係傳統簡單公主思維（唔係貶意），睇完都唔明佢有咩成長
5. 七個小矮人用全CG拍極詭異，直頭係心寒果隻，小朋友唔會睇到有陰影？
6. 迪士尼公主片歌舞一向唔差，呢套斷斷續續、畫面缺乏美感，視覺特技完全冇華麗悅目效果（如《美女與野獸》），強行堆砌七彩繽紛畫面但執行唔到
7. 拍公主片冇公主感，除咗Rachel Zegler本人，問題係成件事好似廉價cosplay咁，就連其他角色服飾都唔係迪士尼應有standard
8. 好少會對個演員憎到睇佢唔順眼，Rachel Zegler由《西城故事》到呢套都係西口西面，加埋極生硬演技，你個人有咩性格都好，請唔好帶到去電影世界
9. Gal Gadot喺套咁嘅戲都交唔到戲，感覺快快趣趣等收工，結局場「大反轉」個WTF樣應係從心而發
** 警告：下文可能含有少量劇情透露，但其實透完都唔影響觀賞「投入度」 **
.
.
.
10. 後半段魔改到以為係另一套已經夠難睇嘅《白雪公主：魔幻復仇記》，睇佢個勢，成班友正準備大打一場——雖然一班路人都不如嘅二打六，冇勇冇謀打乜？直頭係期待仲有咩迪士尼式順理成章設計？丫屌，點知可以咁樣完！
11. 迪士尼作品一向好少有教壞細路感覺，呢套由頭到尾講到心口一個勇字向前衝、唔駛計劃行事衝動咩都得，以為有啲咩轉折，點知個智障真係咁就解決班人，喂成班腦殘嚟？
12. 結局對「白雪」嘅致敬，如果解釋成班友癡咗線、結局係幻想出嚟，最後果場係精神病院跳舞，咁件事係通嘅
13. 故事要講到舊戲新演、角色好有獨立思維、劇本好有創意咁，但這邊廂（企圖）改到人性化，果頭皇后繼續無厘頭執著美態、白雪公主繼續一見鍾情式發姣，一邊認真一邊hea爆童話演繹，兩個style幾矛盾
14. 諗都冇諗過，套戲去到中段已有恥笑成份、結局場solo睇到觀眾笑曬，反而係套戲嘅賣點？
15. 好諷刺，成套戲最好睇，係班Creepy小矮人果場歌舞
《白雪公主》觀後感全文可看留言連結。
我話《小魚仙》好睇俾人屌到上天、話《獅子王：木法沙》唔好睇都俾人睇到上天，期待呢套會俾人點屌法，但真心拍到咁係值得朝聖，應該會廣被討論同有大量me圖出現
《白雪公主》相關商品現已上架，請到留言連結選購。
我知你又屌我，做乜唔鍾意都要賣，咁我唔鍾意姐，可能你鍾意呢？
】1. 首先要戴頭盔，近年好多人見迪士尼政治正確或魔改真人版都狂插，真心我覺得《小魚仙》唔錯、《花木蘭》都接受到，唯一頂唔順係《小飛象》，《白雪公主》網民一致未睇先插，會唔會自己都接受到？導演係Marc Webb喎，點知... 嘩屌...
2. Rachel Zegler當然係致命傷，但成套戲劇本無論點睇都不堪入目，將個耳熟能詳故事魔改——其實一早已有好多作品魔改，無論惡搞定認真都有佢味道，但改到不倫不類、可以話亂嚟，劇情鬆散到唔連戲，好難想像佢重拍過幾多手
3. 成個故事超越政治正確，簡直煩膠廢話連篇。一味空講，講到個地步唔止白雪公主一早已好想佢死，直頭係班小矮人同個王子（二打六）都想快啲被收皮
4. 政治正確唔係問題、講女性自強都唔係問題（《阿拉丁》已有好好示範），要講都自然少少，全部流於口講、本質都係傳統簡單公主思維（唔係貶意），睇完都唔明佢有咩成長
5. 七個小矮人用全CG拍極詭異，直頭係心寒果隻，小朋友唔會睇到有陰影？
6. 迪士尼公主片歌舞一向唔差，呢套斷斷續續、畫面缺乏美感，視覺特技完全冇華麗悅目效果（如《美女與野獸》），強行堆砌七彩繽紛畫面但執行唔到
7. 拍公主片冇公主感，除咗Rachel Zegler本人，問題係成件事好似廉價cosplay咁，就連其他角色服飾都唔係迪士尼應有standard
8. 好少會對個演員憎到睇佢唔順眼，Rachel Zegler由《西城故事》到呢套都係西口西面，加埋極生硬演技，你個人有咩性格都好，請唔好帶到去電影世界
9. Gal Gadot喺套咁嘅戲都交唔到戲，感覺快快趣趣等收工，結局場「大反轉」個WTF樣應係從心而發
** 警告：下文可能含有少量劇情透露，但其實透完都唔影響觀賞「投入度」 **
.
.
.
10. 後半段魔改到以為係另一套已經夠難睇嘅《白雪公主：魔幻復仇記》，睇佢個勢，成班友正準備大打一場——雖然一班路人都不如嘅二打六，冇勇冇謀打乜？直頭係期待仲有咩迪士尼式順理成章設計？丫屌，點知可以咁樣完！
11. 迪士尼作品一向好少有教壞細路感覺，呢套由頭到尾講到心口一個勇字向前衝、唔駛計劃行事衝動咩都得，以為有啲咩轉折，點知個智障真係咁就解決班人，喂成班腦殘嚟？
12. 結局對「白雪」嘅致敬，如果解釋成班友癡咗線、結局係幻想出嚟，最後果場係精神病院跳舞，咁件事係通嘅
13. 故事要講到舊戲新演、角色好有獨立思維、劇本好有創意咁，但這邊廂（企圖）改到人性化，果頭皇后繼續無厘頭執著美態、白雪公主繼續一見鍾情式發姣，一邊認真一邊hea爆童話演繹，兩個style幾矛盾
14. 諗都冇諗過，套戲去到中段已有恥笑成份、結局場solo睇到觀眾笑曬，反而係套戲嘅賣點？
15. 好諷刺，成套戲最好睇，係班Creepy小矮人果場歌舞
《白雪公主》觀後感全文可看留言連結。
我話《小魚仙》好睇俾人屌到上天、話《獅子王：木法沙》唔好睇都俾人睇到上天，期待呢套會俾人點屌法，但真心拍到咁係值得朝聖，應該會廣被討論同有大量me圖出現
《白雪公主》相關商品現已上架，請到留言連結選購。
我知你又屌我，做乜唔鍾意都要賣，咁我唔鍾意姐，可能你鍾意呢？
沒有留言:
發佈留言