「個世界hi啫！唔代表你要做hi人嘅！」

 

杜汶澤

20230113

都就落畫啦，無話劇唔劇透喇。廢老特別長氣，容許我讚多兩句！
《窄路微麈》入面有場戲，講女主角做咗啲衰嘢，男主角同佢講：

「個世界hi啫！唔代表你要做hi人嘅！」

當然，大多數香港人都係醒目嘅，覺得既然做壞人都冇報應，咁好把撚咩！大家都好為自己著想，又識保護自己，好少好似戲中男主角咁，浪漫主義、老實、忠誠，一路照顧呢個原本佢眼中唔多好嘅女仔。結果當然係俾人跣到攤攤腰。但係，佢都係繼續過自己嘅生活，默默做自己。
或者你會問，咁佢又得到啲咩？
無。
不過，佢感染到另一個人，慢慢變好……
呢種善良，就係呢部戲好嘅地方，至少睇完過咗兩日，我都會諗，我雖然都只係世間嘅一粒微塵，但係都希望盡我能力，感染多啲人，同呢個冚家剷世界，稍為對冲一下，感覺上個世界會好似無咁hi。
係on9㗎！咁點吖！
曾經有一個男人俾錢我拍戲，佢拖住我隻手話：
「澤～ 杜sir 同我講，票房係一時，電影係一世！俾心機拍一部你自己嘅作品。」
我每次諗起都會喊。
導演加油呀！雖然好多戲都收得好過你，但係你拍咗部好戲，感染到人，已經好足夠。