20230131
訪問︱陳健朗 與其詛咒黑暗 不如點亮燭光
拍周冠威《1人婚禮》「都冇乜好擔心。」
「那是最美好的時代，那是最糟糕的時代；那是智慧的年頭，那是愚昧的年頭；那是信仰的時期，那是懷疑的時期；那是光明的季節，那是黑暗的季節；那是希望的春天，那是失望的冬天……」
狄更斯《雙城記》這幾句話，是否適用於這年頭的香港，後世自有定奪，但對港產片而言，彷彿有這種況味。
在寒夜中破土撒種的，又豈止他們，《1人婚禮》中的男主角陳健朗本身也是導演，憑《 #手捲煙 》在「香港電影導演會2021年度獎項」及「第40屆香港電影金像獎」奪最佳新晉導演。周冠威向《娛壹》表示， #陳健朗 並非原有陣容，但該片找演員有困難。他笑說：「陳健朗係朋友介紹嘅，第一次見佢，我心諗，嘩，乜咁嘅！」
陳健朗真人跟《 #1人婚禮 》中的角色反差比較大，他說：「片中Dickson有派膠或者搞笑嘅狀態，平日嘅我就比較正經，同埋…」在旁的阿冰鬼馬搶答：「平日好有型！」陳健朗笑笑口回應：「OK啦！」
拍 #周冠威 的電影，會擔心嗎？他想一想說：「冇乜特別擔心，都冇乜好擔心，對我嚟講。」
【周冠威好大膽】
他在片中飾演阿冰的男朋友，將女友的夢想變成自己的夢想。他說：「喺現實中，可能我會努力地幫人哋做到佢想做嘅嘢，或者協助佢哋實現，但我唔會完全冇咗自己嘅目標或追求，呢點亦係自愛嘅表現。」
今次跟周冠威及整個團隊一起，在困難重重下成就了一部電影，陳健朗誠懇道：「做啲同自己『遠』啲嘅角色，Kiwi（周冠威）導演好大膽，今次同我一齊癲。」
他首部較多戲份的電影是《那夜凌晨，我坐上了旺角開往大埔的紅van》，之後亦有不少演出，如在ViuTV劇《IT狗》客串紅磡喪彪一角，也令人留下印象。
英華書院的中同好友、《濁水漂流》導演李駿碩較專注在執導方面，陳健朗則享受幕前和幕後，「想做多啲創作，電影一定冇得走，係我搖動唔到嘅信仰。睇返以前啲導演，想好似Spike Jonze咁，MV、廣告、電影都試。幕前就做同自己反差較大嘅角色。」
他喜歡周圍觀察人群，一點一滴都成為創作靈感，笑說：「唔知點解我好『吸』叔叔！」惹起哄堂大笑。
他解釋：「有時去深水埗嗰啲茶餐廳，5、60歲食煙啲叔叔行過就搭住我傾偈，我好鍾意同人傾偈去了解。對我嚟講，接觸唔同人，見大家好實在地生活，呢樣先係人生。」
【「人生唔係咁」】
論名利，可能不及昔日同窗，「我啲中學同學好叻、好成功，白手興家，次次同佢食飯淨係講股票呀、講車呀！我覺得人生唔係咁，唔應該係咁。我冇乜人注目，對我嚟講，有冇知名度、人哋識唔識，有咪bonus，但希望大家每次focus喺我嘅作品，幕前幕後都好。」
有時候，他也思考知名度這回事，「愈多人識嘅時候，希望有啲想法可以畀到人，一份樂觀又好、一種態度又好，好似蜘蛛俠咁，能力愈大，責任愈大。」
回到《1人婚禮》，片中那份態度叫「愛自己」。
一群電影人，努力彼此同行，也是「愛」的表現吧！
古老諺語云：「與其詛咒黑暗，不如點亮燭光。」願大家一點點微弱的燭光，首先照亮自己的身邊人，繼而讓這個城市沒那麼冰冷。
沒有留言:
發佈留言