20260131
真．驅魔人
神職人員驅魔並唔係恐怖片先有嘅橋段，原來現實中英國聖公會每個教區都係一組神職人員專門負責「除靈」，Dr Jason Bray除咗係威爾斯Cardiff嘅Llandaff大教堂院長Dr Jason Bray，更係當區嘅救贖牧師（deliverance minister，即係電影中教會中嘅「驅魔人」）。佢接受訪問講自己對鬼呢樣嘅睇法同驅魔嘅經歷，出自佢把口就唔到大家唔信。
其實都幾好笑，佢叫大家唔好覺得佢份工好似電影咁，衝入鬼屋會大嗌聖經同灑聖水，相反，佢形容多數嘅情況同水電師父上門檢查差唔多，响預約好嘅時間上門，然後同住客講：「你好，我係Jason約好黎睇下你間屋，介唔介意我入黎四圍睇下邊度出咗問題。」
Dr Jason Bray話外界對聖公會處理超自然事件有好多誤解，其實每個每個教區都有團隊好似佢咁，證明教會對呢樣嘢嘅態度比大眾嘅想象開放，而佢自己嘅教區，每年大概要處理12、3單個案。
至於佢點解被委任做呢類工作，同佢自己第一次「見到」嘅經歷有關。27年前，當Jsaon仲係新晉牧師嘅時候，佢、太太同初生BB住响威爾斯一小屋。當年佢同老婆總係覺得BB床嘅位置特別凍，之後就漫延到成間房。有一晚佢去廁所嘅時候，忽然感覺到門外面有啲嘢，而佢腦裡面出現咗個好清晰嘅形象，係一個同佢差唔多高嘅男人，戴住個好似面具嘅東西，好有敵意咁隔住度門望住佢。
Jsaon驚到即刻衝出廁所，老婆仲問佢係咪見鬼，佢當時答，「我見唔到，但感覺好似見咗。」（“Well, I haven’t seen one, but I might as well have.”）。之後佢打比教區牧師，牧師去到佢屋企用拉丁文祈禱同灑聖水，好似念念有詞咁講咗啲嘢就離開，從此屋企嘅氣氛就唔同晒，朋友就以為佢地裝修到間屋溫暖咗。
幾日後，佢同教堂管事講返，管事話當年呢間屋起嘅時候，發現地下有個羅馬時代嘅古墓，不過可能無特別歷史價值，啲人乜都無做就直接响上面起屋。就係呢個經歷，就令Jason明白有啲嘢係無辦法驗證，但又真係會發生。
之後佢因為協助過幾單教區內嘅疑似超自然事件，所以主教叫佢去讀英國聖公會嘅驅魔訓練課程（原來有啲咁嘢）。Jason認為大部份負責呢類工作嘅人，都係因為自身經歷或者曾經幫手處理過。
對於鬼嘅存在，Jason同佢話教會嘅立場一樣態度開放，但唔一定會用「鬼」去形容，佢會話係「地方記憶」（“place memory”）或者「靈體騷擾」（"poltergeist"），同時佢話會調查過先會確認，因為好多時係啲人自己嘅幻想，以佢嘅經驗「靈體騷擾」就多數都係人為或自然巧合。
無論如何，佢的確遇過一啲解釋唔到事件，例如有間屋會有羅馬士兵操過，亦有家人成日見到有個人响樓梯跌落黎跌斷頸瞓响度，而佢處理過一單，屋主沖涼嘅時候，有個已故親人成日响浴簾後面出現。
關於鬼上身要驅魔呢回事，Jason就話通常都唔係真係鬼上身，例如被鬼壓有時係身體出現問題例如被鬼壓，亦有啲情況係精神分裂所以佢地同醫生合作。不過佢都有講有咩跡象證明真係鬼上身。
Jason話如果有個人同時有齊三個跡象，就多數都係，超自然力量，超自然知識，講無學過嘅語言。呢啲情況就要由主教出動，用特別祈禱做大驅魔。而佢本人就未遇過，Jason話佢處理嗰啲通常會兩個人一組，事先响電話傾完先會上門。佢會用聖水灑响牆上，祈求神嘅旨意存在入屋，之後同事主一齊唸主禱文，搞掂，收工。
有時的確唔係解唔解釋得到，或者信唔信，但Jason見得夠多，我覺得大家應該好似佢咁，用開放嘅態度接受世上的確可能有啲解釋唔到，叫乜都好，姑且叫鬼嘅東西存在。而佢嘅工作亦唔係電影中咁神化，不過係令人心安理得，用宗教角度去擺脫困擾。
正如佢所講，唔講鬼，世間已經有好多邪惡，但佢相信人嘅善心必勝。
"There is a lot of evil in our world, but I fully believe that good will triumph eventually."
神職人員驅魔並唔係恐怖片先有嘅橋段，原來現實中英國聖公會每個教區都係一組神職人員專門負責「除靈」，Dr Jason Bray除咗係威爾斯Cardiff嘅Llandaff大教堂院長Dr Jason Bray，更係當區嘅救贖牧師（deliverance minister，即係電影中教會中嘅「驅魔人」）。佢接受訪問講自己對鬼呢樣嘅睇法同驅魔嘅經歷，出自佢把口就唔到大家唔信。
其實都幾好笑，佢叫大家唔好覺得佢份工好似電影咁，衝入鬼屋會大嗌聖經同灑聖水，相反，佢形容多數嘅情況同水電師父上門檢查差唔多，响預約好嘅時間上門，然後同住客講：「你好，我係Jason約好黎睇下你間屋，介唔介意我入黎四圍睇下邊度出咗問題。」
Dr Jason Bray話外界對聖公會處理超自然事件有好多誤解，其實每個每個教區都有團隊好似佢咁，證明教會對呢樣嘢嘅態度比大眾嘅想象開放，而佢自己嘅教區，每年大概要處理12、3單個案。
至於佢點解被委任做呢類工作，同佢自己第一次「見到」嘅經歷有關。27年前，當Jsaon仲係新晉牧師嘅時候，佢、太太同初生BB住响威爾斯一小屋。當年佢同老婆總係覺得BB床嘅位置特別凍，之後就漫延到成間房。有一晚佢去廁所嘅時候，忽然感覺到門外面有啲嘢，而佢腦裡面出現咗個好清晰嘅形象，係一個同佢差唔多高嘅男人，戴住個好似面具嘅東西，好有敵意咁隔住度門望住佢。
Jsaon驚到即刻衝出廁所，老婆仲問佢係咪見鬼，佢當時答，「我見唔到，但感覺好似見咗。」（“Well, I haven’t seen one, but I might as well have.”）。之後佢打比教區牧師，牧師去到佢屋企用拉丁文祈禱同灑聖水，好似念念有詞咁講咗啲嘢就離開，從此屋企嘅氣氛就唔同晒，朋友就以為佢地裝修到間屋溫暖咗。
幾日後，佢同教堂管事講返，管事話當年呢間屋起嘅時候，發現地下有個羅馬時代嘅古墓，不過可能無特別歷史價值，啲人乜都無做就直接响上面起屋。就係呢個經歷，就令Jason明白有啲嘢係無辦法驗證，但又真係會發生。
之後佢因為協助過幾單教區內嘅疑似超自然事件，所以主教叫佢去讀英國聖公會嘅驅魔訓練課程（原來有啲咁嘢）。Jason認為大部份負責呢類工作嘅人，都係因為自身經歷或者曾經幫手處理過。
對於鬼嘅存在，Jason同佢話教會嘅立場一樣態度開放，但唔一定會用「鬼」去形容，佢會話係「地方記憶」（“place memory”）或者「靈體騷擾」（"poltergeist"），同時佢話會調查過先會確認，因為好多時係啲人自己嘅幻想，以佢嘅經驗「靈體騷擾」就多數都係人為或自然巧合。
無論如何，佢的確遇過一啲解釋唔到事件，例如有間屋會有羅馬士兵操過，亦有家人成日見到有個人响樓梯跌落黎跌斷頸瞓响度，而佢處理過一單，屋主沖涼嘅時候，有個已故親人成日响浴簾後面出現。
關於鬼上身要驅魔呢回事，Jason就話通常都唔係真係鬼上身，例如被鬼壓有時係身體出現問題例如被鬼壓，亦有啲情況係精神分裂所以佢地同醫生合作。不過佢都有講有咩跡象證明真係鬼上身。
Jason話如果有個人同時有齊三個跡象，就多數都係，超自然力量，超自然知識，講無學過嘅語言。呢啲情況就要由主教出動，用特別祈禱做大驅魔。而佢本人就未遇過，Jason話佢處理嗰啲通常會兩個人一組，事先响電話傾完先會上門。佢會用聖水灑响牆上，祈求神嘅旨意存在入屋，之後同事主一齊唸主禱文，搞掂，收工。
有時的確唔係解唔解釋得到，或者信唔信，但Jason見得夠多，我覺得大家應該好似佢咁，用開放嘅態度接受世上的確可能有啲解釋唔到，叫乜都好，姑且叫鬼嘅東西存在。而佢嘅工作亦唔係電影中咁神化，不過係令人心安理得，用宗教角度去擺脫困擾。
正如佢所講，唔講鬼，世間已經有好多邪惡，但佢相信人嘅善心必勝。
"There is a lot of evil in our world, but I fully believe that good will triumph eventually."
沒有留言:
發佈留言