20240406·
終於睇咗 #12怪盜
真心覺得佢唔算爛片，佢只不過是「兒童向」（觀影門檻：小學生）或「粉絲向」（因為有好多inside joke），總好過嗰啲假扮正常劇情片嘅荒謬故仔，例如上年嘅《斷網》等。btw Makerville應該推出IMAX 3D版《12怪盜》，鏡仔喺超大屏幕飛出嚟，鏡粉應該興奮10倍。
認真講，《12怪盜》唔係一齣「正常」嘅電影，因為佢skip哂「人物角色塑造」呢一部份，但有趣嘅係，對香港觀眾或鏡粉嚟講，都唔算係咩大問題，因為鏡仔喺戲入面只不過係做返現實中（鎂光燈下）嘅自己，所以你可以當套戲係「ViuTV綜藝節目」，接近零演技要求。另一個講法是，「角色塑造？」由2018年開始塑造到今日啦！
劇情方面，真係有故事架！網民鬧套戲無故事係唔公道，只不過個故事太簡單、無細節、無交代背景而已，所以我覺得《12怪盜》個劇本兒童向，適合5歲或以上人士觀看。正如《天線得得B》一樣，你都唔會鬧佢是「爛片」，人哋無預你要用腦睇。
動作打鬥場面方面，鏡仔好似無用替身，打得好認真，拍得流暢，幾有驚喜。
笑位方面，原來海報寫住「鏡式幽默」即係inside joke咁解，好多對白、細節都係同鏡仔電影以外嘅節目或活動有關。電影有大量自嘲，幾有驚喜，喺一開頭笑12子唔團結；又多次笑姜濤肥；甚至有一幕Alton串姜濤「你條命一早生得咁好」有弦外之音；仲有一幕係ERROR想取代MIRROR都係影射緊現實。而其他笑位都頗低B，比鄭中基《龍咁威》更低B，不過都笑得出嘅。
補充3點：
（1）奸角叫Johnny，唔知係咪想影射日本男團工廠Johnny's事務所？隱喻要打低日本男團？
（2）估唔到原來有 #林明禎 客串，如果佢戲份增加10倍，齣戲會平衡好多。
（3）今年初嘅《盜月者》真心好睇，大家以後唔好一見到套戲有鏡仔做，就唔去睇。
真心覺得佢唔算爛片，佢只不過是「兒童向」（觀影門檻：小學生）或「粉絲向」（因為有好多inside joke），總好過嗰啲假扮正常劇情片嘅荒謬故仔，例如上年嘅《斷網》等。btw Makerville應該推出IMAX 3D版《12怪盜》，鏡仔喺超大屏幕飛出嚟，鏡粉應該興奮10倍。
認真講，《12怪盜》唔係一齣「正常」嘅電影，因為佢skip哂「人物角色塑造」呢一部份，但有趣嘅係，對香港觀眾或鏡粉嚟講，都唔算係咩大問題，因為鏡仔喺戲入面只不過係做返現實中（鎂光燈下）嘅自己，所以你可以當套戲係「ViuTV綜藝節目」，接近零演技要求。另一個講法是，「角色塑造？」由2018年開始塑造到今日啦！
劇情方面，真係有故事架！網民鬧套戲無故事係唔公道，只不過個故事太簡單、無細節、無交代背景而已，所以我覺得《12怪盜》個劇本兒童向，適合5歲或以上人士觀看。正如《天線得得B》一樣，你都唔會鬧佢是「爛片」，人哋無預你要用腦睇。
動作打鬥場面方面，鏡仔好似無用替身，打得好認真，拍得流暢，幾有驚喜。
笑位方面，原來海報寫住「鏡式幽默」即係inside joke咁解，好多對白、細節都係同鏡仔電影以外嘅節目或活動有關。電影有大量自嘲，幾有驚喜，喺一開頭笑12子唔團結；又多次笑姜濤肥；甚至有一幕Alton串姜濤「你條命一早生得咁好」有弦外之音；仲有一幕係ERROR想取代MIRROR都係影射緊現實。而其他笑位都頗低B，比鄭中基《龍咁威》更低B，不過都笑得出嘅。
補充3點：
（1）奸角叫Johnny，唔知係咪想影射日本男團工廠Johnny's事務所？隱喻要打低日本男團？
（2）估唔到原來有 #林明禎 客串，如果佢戲份增加10倍，齣戲會平衡好多。
（3）今年初嘅《盜月者》真心好睇，大家以後唔好一見到套戲有鏡仔做，就唔去睇。
沒有留言:
發佈留言