https://www.facebook.com/photo?fbid=469228108178358&set=a.246817660419405
《IT狗》編審小姐Iris寫下的「機會是留給有信念的人」，很有意思，艱苦前行的人真的少一點意志都崩潰。其實《IT狗》的台前幕後，在這行都艱苦前行，像岑珈其，入行14年，初入行在電影《烈日當空》做男主角，然後拍下港台劇又拍下電影、主角配角客串來來回回上上落落，但他心態好，不管事業高低，還是不忘初衷，「因為一直以來演員都係自己嘅夢想，所以入行到依家都唔會諗太多主角、配角，覺得能夠演出已經好幸福。」
珈其一直以來都極少去內地拍戲，他的確對香港製作情有獨鍾，「我都真係好鍾意香港製作，可能細細個就係睇港產片大，但其實都冇特別諗太多，因為我覺得只要係好劇本，就算係邊度嘅製作都會想去做。」
珈其不算高大靚仔，娛樂圈靚人多，他承認曾介意過自己的外表，「當然有介意過自己外型唔夠好，但好快又知道呢個係改變唔到嘅事實，所以反而會諗點樣做好其他嘢，裝備自己令自己變得更好。」珈其裝備自己之餘，仲係一個非常非常勤力的演員，圈中人提起珈其，都說「呢條友唔使瞓、好搏命」，最緊要有得做同啱做，拼搏的原因是因為他太愛演戲：「我唔敢講自己係好勤力嘅演員，但我覺得呢個係自己嘅夢想，就應該要盡力做好每一個演出，咁先係尊重自己嘅夢想。搵奶粉錢都緊要，但一定係因為熱愛先可以咁努力做。」
前年他跟拍拖5年的圈外女友結婚，囝囝「臻臻」已經1歲。做咗人老公又做咗人老豆，珈其在演出上會比以前較為謹慎。「做咗老公之後係有諗過要小心啲揀劇本，例如太親熱嘅戲都盡量唔會做，因為唔想太太有唔開心。」
沒有留言:
發佈留言