IT狗︱導演睇中皮皮「內向體質」 一拍即合演Never
Lokman演出最有驚喜：拿揑得好準！
ViuTV原創劇《IT狗》第五集，BornHub拉隊到數據港參加《初創有明天》比賽，其他參賽公司都高呼“Make A Better World〞，阿信（凌文龍飾）只是想“Make A Better Tomorrow〞：「香港本來係全世界其中一個最先進嘅城市，但到咗呢一刻，我哋呢個城市好似冇咩再值得我哋去驕傲。」事實可能如此，但香港仍然有很多出色的創作人值得令人驕傲。
《IT狗》拋棄傳統劇集模式，freestyle，推進劇情稍慢，但每集都有主題設定，有點像單元劇，一點點鋪陳支線。編劇們重點未必在製造衝突位或角色成長，而在度gag位，也讓劇情更加Ironic。FB專頁「我做Marketing」（ https://bit.ly/3GEiBuJ ）讚劇集貼地切身、「喺幾集裡面就將我好多職場經歷同感受濃縮，睇嘅時候共鳴感不斷」：「我真係聽過startup pitching入面好多人會講“make a better world〞，我私底下亦同幾個designer戲言，將佢哋比喻為性工作者，而身邊又的確有一兩個沉醉喺過往成功嘅星之子Tony……」
《IT狗》導演簡君晉（Lawrence）回覆《娛壹》指，劇本加前期花了一年時間，加埋開拍，共用咗年半，「其實最初都有諗過出唔出paypayduck產品（劇中BornHub的產品），不過一切話事權都喺ViuTV嗰度，好似Never（皮皮Frankie飾演）話齋，我冇say㗎。」
【導演慧眼識皮皮：一傾就覺得佢好適合演】
《IT狗》請來MIRROR三位演員包括皮皮、隊長Lokman及暖男大表哥Stanley參演，導演謂最初casting時，對MIRROR不算太多認識，「當時見咗都有十個成員，但印象最深刻除咗Stanley，另一個就係Frankie。因為一傾談時候，覺得內向嘅佢好適合演一早寫好嘅Never，而Frankie亦講，佢喺MIRROR算係好少出聲嘅一個。」
星之子Tony由Lokman飾演，曾獲梁祖堯激讚表演平均值最好而且最高的他（《調教你MIRROR》），演出更令導演大感驚喜。「咁多個角色，Lokman係俾我最大驚喜，呢個人物前設，係對住陌生人好自信，對住朋友就係自信與自卑之間；但當單獨一個人嗰陣就好自卑。Lokman將佢喺MIRROR任隊長嗰份自信，恰如其份咁放喺Tony自信時身上，另外兩面，佢亦拿揑得好準確。」
【阿信on膠？導演：堅持到最後而成功就係呢種人】
至於凌文龍，不少網民說其角色「阿信」忠直得過火且真心膠，Lawrence說有聽過：「有外界聲音覺得有冇人真係咁On膠，但我想講，阿信嘅人設係太善良，永遠為人設想、好易信人，或許我哋唔係阿信，但偏偏有啲人唔放棄，可以堅持到最後而成功，往往就係阿信呢種人。」
對於網民指劇集結構鬆散推進慢，他就謂：「我覺得網民嘅睇法都係最真實嘅，我哋都係一直本着想寫唔同嘅嘢，裏面都有好多唔同嘅事，睇吓可唔可以做到呢個效果。有討論我哋都好開心，冇諗過會有咁多討論。」
【《大台理論》為Tony解釋宇宙法則】
至於劇中星之子著作、盛惠三百蚊一本（不包簽名）的《大台理論》，表面上是直線抽擊對家「劇集方程式」，其實內裡還有一份情意結。Lawrence表示：「呢個念頭係想嘗試從傳統中行出唔同嘅事（唔係新事），同埋畢竟大台劇情陪住我哋成長，一講返自己都有共鳴；而家將佢穿插劇中，Tony嘅角色講佢好鍾意大台，當佢有啲嘢解釋唔到，『大台理論』可以幫佢解釋一切。」真係世事都被大台看透了？
之前MIRROR三子在傳媒訪問中預告，他們在劇中均沒有愛情線，導演稱：「監製林淑賢好好，佢話套劇唔一定要有情情塔塔。」至於男Billy（陳湛文飾）跟女Billie（余逸思飾）這對冤家會否跟「大台理論」由冤家變情侶？導演說：「咁要拭目以待。」
#IT狗 #ViuTV #凌文龍 #Lokman #Stanley #Frankie #MIRROR #簡君晉 #娛壹
沒有留言:
發佈留言