講起剛過身的蔡瀾，他推介的眾多食肆中至愛必定要數他叫「天下第一」的杭州菜館天香樓

 

商城雜記 Business Tales of Hong Kong

20250701
  · 

講起剛過身的蔡瀾，他推介的眾多食肆中至愛必定要數他叫「天下第一」的杭州菜館天香樓，他行動不便後仍專登去柯士甸路巳開業逾半世紀，以龍井蝦仁，醬蘿蔔及蟹粉撈麵等名菜出名的老店（右上圖上）拍片，天香樓的歷史又可追朔到百年前的杭州，而目前在中港台三地的天香樓只共用寶號但唔同老闆。

元祖的天香樓是1927年在杭州由蘇州人陸冷年創立，名稱源自唐代詩人宋之問的「桂子月中落，天香雲外飄」，在29年的西湖博覽會揚名，後在30年代由紹興人孟永泰接手發展到上海亦有分店，50年孟氏來港在佐敦吳淞街140號重開天香樓，深受南來的江浙人士歡迎亦引入陽澄湖大閘蟹開港人食大閘蟹風氣之先，左下圖為60年天香樓的廣告，當時除杭州名菜外仲有北京填鴨及熊掌，教化鷄應即叫化鷄或較多人叫的乞兒雞。孟氏在67年過身前將賣給11歲便跟隨他的徒弟韓桐椿（1922-2011，左上圖下和本在天香樓當服務員的太太倪桂珍合照），73年搬到現址開業至今裝修亦五十年不變，昔日名人食客除蔡san外亦包括其他三位「才子」，他的舊老細邵六叔及畫家黃永玉（作館內《天香圖》）等，目前由韓的千金韓美娜（Menna，左上圖上，招牌由張大千題字）主持。

杭州的天香樓在80年代由國內單位重開（右上圖左下為其一分店），同時有台灣觀光教父之稱的嚴長壽決定將他打理的台北亞都飯店內嘅湘菜館改做自己家鄉的杭州菜，自己和是台南人的廚師楊光宗（右上圖右下）等來港向韓氏夫婦取經後在85年創立台灣亞都麗緻天香樓，祖籍寧波是韓氏大弟子的香港天香樓主廚李亞平（1947-2025）亦曾任台灣天香樓顧問。韓桐椿在88年從家鄉杭州請來曾為毛周鄧等國家領導人下廚的國家一級廚師吳國良加盟香港天香樓，吳氏効力十多年後在05年和曾在國內當兵的兒子吳瑞康在灣仔另立杭州酒家，右下圖為吳家三代和食客金庸合照，杭州酒家的招牌亦得查大俠題字。

唔上網都醒唔係起原來香港今日係假期

 

Goodbye HK, Hello UK

202050701 

唔上網都醒唔係起原來香港今日係假期，出於好奇心揾下，見到兩個關於香港嘅新聞，首先就係呢個品特獨特嘅花花燈牌，另一個就係《Bloomberg》關於新世界跑到條數報導。

本來應該係好消息，不過《Bloomberg》就講到好似劇集裡面啲醫生咁，「病人急救成功，但未脫離危險期」。

報導形容新世界對於香港啲銀行大到不能倒，响香港樓市四年跌三成，寫字樓空置率創新高嘅時候，新世界還唔到錢無論對公司本身、銀行甚至香港樓市都好似床板夾XX咁，簡單啲講就係如果唔幫佢將到期875億貸款延期嘅話，沉嘅就唔止係新世界，成個樓市連埋啲銀行都要陪葬。所以就出現呢個香港史上最大宗企業再融資。

Bloomberg形容銀行肯拖唔係因為覺得新世界穩建，而係驚佢爆煲拖累整個市場，就好似恆大咁引爆樓市。因為新世界擁有接近四千億資產，大概等如香港全年GDP嘅一成，報導引述S&P Global Ratings嘅估計，如果新世界爆煲嘅話，樓市可能會即時跌多7%。

"That and other metrics make New World twice as systemically important to Hong Kong as China Evergrande Group was to mainland China, before Evegrande’s default in late 2021 added fuel to a property downturn that is still not fully over."

報導話今次係最大嗰幾個債主中銀、渣打、滙豐牽頭，初頭啲細行例如澳門嘅BNU、香港嘅集友想縮，但因為計過太大鑊，加上HKMA打電話「關心」，所以响peer pressure之下，連大陸同日本嘅債主最終都同意，成功將今年同下年到期嘅 634億數延後三年，遠期嗰241億照舊但要加抵押。

雖然大數暫時搞掂，但新世界下一步仲要跑多20億美金，同時，為咗符合要求，要加速變賣資產。

其實報導重點反而係响後半部，《Bloomberg》話香港樓市唔會因為新世界急救成功就可以即刻止血，因為負資產家庭人數去到二十年新高，銀行 loan-to-deposit ratio跌到接近金融海嘯水平，即係銀行有錢都唔敢借比人買樓，加上中型發展商加埋至少仲有千七億債務，只係新世界夠大醫生爭住救，唔等如其他救得到或者救得返，而且銀行响商業地產壞帳率已經升到佢地自己都驚。

報導結尾，引述咗中原家族辦公室主管嗰句：「依家我地仲未見到隧道出口。」

“It is still unclear when we will see the end of the tunnel.”

睇完呢個報導，然後再望下啟德呢堆咁有「特色」嘅紙紮燈飾，唔...生人都真係好多地獄。