20250626
北約"Daddy"
上星期日美帝鐵拳出動之後，Donald Trump爆粗喝鬧以色列同伊朗就出發去海牙，去到北約峰會嗰時，個人光環可以話閃到上天際。之前嗰啲成日扮窮，聽到要俾3% GDP「會費」就牙痛咁聲，拗咗幾年嘅北約會員國，可能因為見識過美帝鐵拳嘅威力，突然間爭住舉手：「我比，唔夠比夠5%」。
咁都未夠，北約秘書長，前荷蘭首相Mark Rutte當眾形容Donald Trump係國際"Daddy"。以下係原版對話，Donald Trump回應記者關於尋日爆粗嘅提問，話以色列同伊朗好似小朋友响學校打交，越打越激烈嘅時候，大人應該比些少時間佢地繼續打發洩出黎，之後反而容易啲制止。
They've had a big fight, like two kids in a school yard. They fight like hell, you can't stop them. Let them fight for about two, three minutes, then it's easier to stop them."
响呢個時候Mark Rutte就笑笑口咁插嘴，「跟住Daddy就要用嚴厲嘅言詞制止」（"then Daddy has to sometimes use strong language."）。聽到有人形容自己係國際"Daddy"，Donald Trump緊係笑到見牙唔見眼。
之後去到個人環節，英國《Sky News》記者追問Donald Trump，「Mark Rutte形容你係Daddy喎，咁會唔會當班北約會員國係細路？」
Donald Trump雖然開心，但都無直接回答（唔通話係咩），但就四萬咁口回應，「佢應該好真心鍾意我，如果唔係真心嘅話，我一定通知你，然後返黎打佢一鑊。不過佢的確好誠心咁講"Daddy. You're my daddy"嘅。」，搞到企响背面嘅Marco Rubio忍唔住笑焗蟹。
"He likes me. I think he likes me. If he doesn't, I'll let you know. I'll come back and I'll hit him hard. He did it very affectionately. ‘Daddy. You're my daddy.’"
之後Donald Trump响記者會仲要晒命，展示北約秘書長Mark Rutte响美軍轟炸伊朗之後寫比佢嘅私人訊息，坦白得黎好肉麻：「你做到咗幾十年黎歷任美國總統都做唔到嘅嘢，歐洲依家真係肯乖乖比錢喇，呢啲功勞全部係你嘅！」
“Donald, you have driven us to a really, really important moment for America and Europe and the world. You will achieved something NO American president in decades could get done. Europe is going to pay in a BIG way, as they should, and it will be your win.”
開完會之後，北約會員同意响2035年前要交5% GDP做保護費，Donald Trump形容今次係美國（同自己）嘅大勝，其實佢最開心應該係令美帝由「國際警察」升級做咗「國際老豆」，以萬拜來朝之勢，令歐洲各國俯首稱臣，比足保護費之餘，仲要講多謝。
不過都係例外嘅，就係西班牙，所以比Donald Trump單獨攞出黎講，形容係"Free Rider"，唯有用關稅鐵拳對付。最後，就係之前係北約會議嘅焦點烏克蘭，今日Zelensky少有地著西裝褸，佢形容Donald Trump對佢嘅態度極好，亦都讚揚烏克蘭打咗場硬仗（“We live in rough times. I had a good meeting with Zelensky. He’s fighting a brave battle. It’s a tough battle.”），話之後會同普J傾下點收科。
鍾唔鍾意Donald Trump也好，今日證明咗呢個世界真係好現實，剩係拳頭大未必最惡，見識埋拳頭威力之後，成個北約真係冇人有膽質疑美帝力量，戰後嘅「美帝」形象真正回歸。
上星期日美帝鐵拳出動之後，Donald Trump爆粗喝鬧以色列同伊朗就出發去海牙，去到北約峰會嗰時，個人光環可以話閃到上天際。之前嗰啲成日扮窮，聽到要俾3% GDP「會費」就牙痛咁聲，拗咗幾年嘅北約會員國，可能因為見識過美帝鐵拳嘅威力，突然間爭住舉手：「我比，唔夠比夠5%」。
咁都未夠，北約秘書長，前荷蘭首相Mark Rutte當眾形容Donald Trump係國際"Daddy"。以下係原版對話，Donald Trump回應記者關於尋日爆粗嘅提問，話以色列同伊朗好似小朋友响學校打交，越打越激烈嘅時候，大人應該比些少時間佢地繼續打發洩出黎，之後反而容易啲制止。
They've had a big fight, like two kids in a school yard. They fight like hell, you can't stop them. Let them fight for about two, three minutes, then it's easier to stop them."
响呢個時候Mark Rutte就笑笑口咁插嘴，「跟住Daddy就要用嚴厲嘅言詞制止」（"then Daddy has to sometimes use strong language."）。聽到有人形容自己係國際"Daddy"，Donald Trump緊係笑到見牙唔見眼。
之後去到個人環節，英國《Sky News》記者追問Donald Trump，「Mark Rutte形容你係Daddy喎，咁會唔會當班北約會員國係細路？」
Donald Trump雖然開心，但都無直接回答（唔通話係咩），但就四萬咁口回應，「佢應該好真心鍾意我，如果唔係真心嘅話，我一定通知你，然後返黎打佢一鑊。不過佢的確好誠心咁講"Daddy. You're my daddy"嘅。」，搞到企响背面嘅Marco Rubio忍唔住笑焗蟹。
"He likes me. I think he likes me. If he doesn't, I'll let you know. I'll come back and I'll hit him hard. He did it very affectionately. ‘Daddy. You're my daddy.’"
之後Donald Trump响記者會仲要晒命，展示北約秘書長Mark Rutte响美軍轟炸伊朗之後寫比佢嘅私人訊息，坦白得黎好肉麻：「你做到咗幾十年黎歷任美國總統都做唔到嘅嘢，歐洲依家真係肯乖乖比錢喇，呢啲功勞全部係你嘅！」
“Donald, you have driven us to a really, really important moment for America and Europe and the world. You will achieved something NO American president in decades could get done. Europe is going to pay in a BIG way, as they should, and it will be your win.”
開完會之後，北約會員同意响2035年前要交5% GDP做保護費，Donald Trump形容今次係美國（同自己）嘅大勝，其實佢最開心應該係令美帝由「國際警察」升級做咗「國際老豆」，以萬拜來朝之勢，令歐洲各國俯首稱臣，比足保護費之餘，仲要講多謝。
不過都係例外嘅，就係西班牙，所以比Donald Trump單獨攞出黎講，形容係"Free Rider"，唯有用關稅鐵拳對付。最後，就係之前係北約會議嘅焦點烏克蘭，今日Zelensky少有地著西裝褸，佢形容Donald Trump對佢嘅態度極好，亦都讚揚烏克蘭打咗場硬仗（“We live in rough times. I had a good meeting with Zelensky. He’s fighting a brave battle. It’s a tough battle.”），話之後會同普J傾下點收科。
鍾唔鍾意Donald Trump也好，今日證明咗呢個世界真係好現實，剩係拳頭大未必最惡，見識埋拳頭威力之後，成個北約真係冇人有膽質疑美帝力量，戰後嘅「美帝」形象真正回歸。
沒有留言:
發佈留言