20250414
一巴兩巴咁打醒晒
星期六英國上演咗套現實版嘅緊張政治劇情片，朝早Scunthorpe煉鋼廠嘅本地員工奮力阻止中資高級職員進入控制室，唔比佢地關閉高爐。到下晝國會召開緊急會議，跨政黨極速通過立法接管煉鋼廠。
幾十年嘅全球化自由市場夢終於被一巴巴打醒咗。
60年代工黨首相Harold Wilson將英國煉鋼業British Steel國有化，但去到信奉自由市長經濟嘅戴卓爾上台，就大規模將國有企業包括British Steel私有化。之後British Steel响倫敦上市，亦同荷蘭集團Hoogovens合併，到咗2000年代輾轉賣咗印度嘅Tata集團。
事實上，因為全球化，英國鋼材慢慢被歐洲同中國取代，所以Tata就開始關閉British Steel嘅煉鋼廠，去到依家，英國可以煉到原生鋼嘅廠就只有Scunthorpe呢一間，主要客源就只有本地嘅鐵路同軍工業（不過大部份都係依賴入口）。就係因為响生意上覺得蝕硬無得做，2020年Boris Johnson時代，英國政府批准Tata集團將英國最後一個可以原生鋼（Virgin Steel）嘅Scunthorpe煉鋼廠賣比中資Jingye（敬業鋼構）集團。
其實鋼業沒落，除咗因為全球化呢個毒癮，另一個原因係英國政界多年黎天真嘅零碳政策，令到英國嘅工業能源成本响廿年間，成為全世界最貴嘅國家，比法國貴三成有多，同美國比更貴七成。
相信唔洗再點深入解釋，响國家層面，有啲嘢係唔可以完全依賴入口，其實當年Tata賣British Steel已經有唔少評論講過呢個題目，去到今日英國無論左中右嘅政客終於被Donald Trump營造嘅時勢同殘酷嘅現實打醒咗。
Jingye去到近期就埋怨經營成本太高（加埋Donald Trump加關稅呢個籍口），雖然英國政府提出資助或者補貼部份原料，但Jingye都堅持Scunthorpe收爐拉閘。問題就係呢度，要知道煉原生鋼嘅爐唔係話閂就閂，無論响技術或者成本上，一但收爐意味永遠都開唔返。响下議院開會前，就有人疑似想入控制室（閂爐），結果被鋼鐵工人阻止，警察之後確認有咁嘅爭拗，不過當場解決咗。
呢個時候，又係因為Donald Trump，成個英國政界終於被人一巴巴打醒咗。大家都知Donald Trump加關稅嘅理由，係話比西方社會知過去幾十年靠中國供應鏈，雖然錢賺得多，但戰略資產唔可以再賭落去。亦因為Donald Trump上台，西方盟友要加國防開支自保，英國作為最親近嘅老友就更加清楚。
無咗唯一原生鋼嘅Scunthorpe煉鋼廠，意味所有軍工業基建，以後連一粒精鋼鑼絲都要靠入口。Donald Trump 2.0時代，貿易係武器，資源係籌碼，英國仲想信全球化自由市場？信錯一次，鋼爐都無埋典算？
跨黨緊急立法當然有各自嘅理由，左翼係保鋼鐵工人嘅飯碗，右翼係保國家其中一個最後嘅戰略資源，工黨政府表面就話保民生經濟，但有啲嘢其實已經講到好白，通過嘅《Steel Industry (Special Measures) Bill》就係受權政府插手，任何人無得到政府同意斷Scunthorpe煉鋼廠嘅生產就係刑事罪，更有消息話政府必要時會調派皇家海軍護出入原材料去煉鋼廠，防止資源轉移。
點解？保守黨嘅議員Sir Iain Duncan Smith話中國係有計劃想斬英國鋼鐵業，逼英國返轉頭買中國鋼。而前工黨國防大臣，上議院議員Lord Reid of Cardowan就覺得响國際競爭環境下，關閉Scunthorpe煉鋼廠對中國鋼業有利，質疑當年點解批准出售。
現任商務大臣Jonathan Reynolds，今日接受電視訪問被問到仲信唔信中資投資基建，佢兜咗一輪大圈話溝通好重要乜乜物物之後，「私人黎講我唔再信」，然後話"wouldn't bring a Chinese company into our steel sector"。
Donald Trump一巴，中資另一巴，打到醒晒。
立法之後，英國政府有權接管Scunthorpe煉鋼廠，政府暫時嘅立場係睇下仲有無集團想買，不過國會最左（Green Party）同最右（Reform UK）都係要將間廠國有化。
星期六英國上演咗套現實版嘅緊張政治劇情片，朝早Scunthorpe煉鋼廠嘅本地員工奮力阻止中資高級職員進入控制室，唔比佢地關閉高爐。到下晝國會召開緊急會議，跨政黨極速通過立法接管煉鋼廠。
幾十年嘅全球化自由市場夢終於被一巴巴打醒咗。
60年代工黨首相Harold Wilson將英國煉鋼業British Steel國有化，但去到信奉自由市長經濟嘅戴卓爾上台，就大規模將國有企業包括British Steel私有化。之後British Steel响倫敦上市，亦同荷蘭集團Hoogovens合併，到咗2000年代輾轉賣咗印度嘅Tata集團。
事實上，因為全球化，英國鋼材慢慢被歐洲同中國取代，所以Tata就開始關閉British Steel嘅煉鋼廠，去到依家，英國可以煉到原生鋼嘅廠就只有Scunthorpe呢一間，主要客源就只有本地嘅鐵路同軍工業（不過大部份都係依賴入口）。就係因為响生意上覺得蝕硬無得做，2020年Boris Johnson時代，英國政府批准Tata集團將英國最後一個可以原生鋼（Virgin Steel）嘅Scunthorpe煉鋼廠賣比中資Jingye（敬業鋼構）集團。
其實鋼業沒落，除咗因為全球化呢個毒癮，另一個原因係英國政界多年黎天真嘅零碳政策，令到英國嘅工業能源成本响廿年間，成為全世界最貴嘅國家，比法國貴三成有多，同美國比更貴七成。
相信唔洗再點深入解釋，响國家層面，有啲嘢係唔可以完全依賴入口，其實當年Tata賣British Steel已經有唔少評論講過呢個題目，去到今日英國無論左中右嘅政客終於被Donald Trump營造嘅時勢同殘酷嘅現實打醒咗。
Jingye去到近期就埋怨經營成本太高（加埋Donald Trump加關稅呢個籍口），雖然英國政府提出資助或者補貼部份原料，但Jingye都堅持Scunthorpe收爐拉閘。問題就係呢度，要知道煉原生鋼嘅爐唔係話閂就閂，無論响技術或者成本上，一但收爐意味永遠都開唔返。响下議院開會前，就有人疑似想入控制室（閂爐），結果被鋼鐵工人阻止，警察之後確認有咁嘅爭拗，不過當場解決咗。
呢個時候，又係因為Donald Trump，成個英國政界終於被人一巴巴打醒咗。大家都知Donald Trump加關稅嘅理由，係話比西方社會知過去幾十年靠中國供應鏈，雖然錢賺得多，但戰略資產唔可以再賭落去。亦因為Donald Trump上台，西方盟友要加國防開支自保，英國作為最親近嘅老友就更加清楚。
無咗唯一原生鋼嘅Scunthorpe煉鋼廠，意味所有軍工業基建，以後連一粒精鋼鑼絲都要靠入口。Donald Trump 2.0時代，貿易係武器，資源係籌碼，英國仲想信全球化自由市場？信錯一次，鋼爐都無埋典算？
跨黨緊急立法當然有各自嘅理由，左翼係保鋼鐵工人嘅飯碗，右翼係保國家其中一個最後嘅戰略資源，工黨政府表面就話保民生經濟，但有啲嘢其實已經講到好白，通過嘅《Steel Industry (Special Measures) Bill》就係受權政府插手，任何人無得到政府同意斷Scunthorpe煉鋼廠嘅生產就係刑事罪，更有消息話政府必要時會調派皇家海軍護出入原材料去煉鋼廠，防止資源轉移。
點解？保守黨嘅議員Sir Iain Duncan Smith話中國係有計劃想斬英國鋼鐵業，逼英國返轉頭買中國鋼。而前工黨國防大臣，上議院議員Lord Reid of Cardowan就覺得响國際競爭環境下，關閉Scunthorpe煉鋼廠對中國鋼業有利，質疑當年點解批准出售。
現任商務大臣Jonathan Reynolds，今日接受電視訪問被問到仲信唔信中資投資基建，佢兜咗一輪大圈話溝通好重要乜乜物物之後，「私人黎講我唔再信」，然後話"wouldn't bring a Chinese company into our steel sector"。
Donald Trump一巴，中資另一巴，打到醒晒。
立法之後，英國政府有權接管Scunthorpe煉鋼廠，政府暫時嘅立場係睇下仲有無集團想買，不過國會最左（Green Party）同最右（Reform UK）都係要將間廠國有化。
沒有留言:
發佈留言