20250408
將開拍黑幫題材新片 日本取景
望退休前與梁朝偉再合作
去年3月盧瀚霆被發現參與杜片的拍攝工作。杜琪峯表示，該片拍攝10天後，停工至今：因為我完全無感覺，唔知點拍落去，唯有等一等。」該片原意是要回應他對當下香港的觀察與感受，但如他所言：「我內心未整頓好。」他亦一如以往，採用沒有劇本的方式拍攝，「個故仔講咩，暫時未講得。」他續說：「我有個粗略概念，但未成熟。第一步，要搞掂自己對香港嘅情緒。我試過好多次，有時想離開香港去諗劇本，但都唔成功。」
他形容這是一部關於「希望」的電影，但也指出：「人一有希望，就會有好多負擔⋯⋯我而家就喺度諗緊呢樣嘢。呢一部關於香港嘅電影，關於香港人。」他期望未來3個月内可以完成拍攝：「真係要完成唔難，但咁樣完成，就唔係我。呢個對我嚟講，係一個好大問題。」
擁抱創作低潮，杜琪峯慨嘆：「而家人生價值、好多事物嘅價值都變晒。你要學識接受，呢個就係點解我拍唔落去嘅原因。」他語重心長地說：「唔止係審查問題。［這電影］係講價值——你生命有咩價值？你追求緊啲咩？嗰啲嘢有咩價值？我可能唔容易被全面審查，我可以拍到戲，咩戲都可以拍。但要問自己，為咗咩而拍？呢個問題永遠喺我心入面。」
難題天天有，杜琪峯還是鼓勵新晉電影人「繼續拍」：「有機會拍，就去拍。」他直言現在難以籌集資金，但要堅持。
他亦正籌備另一部黑幫電影，預計於今年底或明年初開拍，將赴日本北海道取景，雖然該片已被日媒廣泛報道， 將與梁朝偉合作，但杜Sir表示︰「好想搵 #梁朝偉，佢係我最好朋友，但依家未知得唔得；希望可以同佢一齊再拍套電影——喺佢退休前，或者我退休之前。」
此外，他亦在構思另一部於台灣開拍的新片。「想試吓離開香港拍。依家我覺得應該諗吓日本、台灣、菲律賓、馬來西亞、歐洲⋯⋯」講到美國，他笑說：「唔會去，美國太貴。」
雖然有海外拍攝的想法，但他強調：「唔想離開香港。我鍾意香港。過去我有好多機會去海外拍戲，但我了解香港，我愛香港，所以我會繼續喺香港拍戲，雖然有時真係拍唔到。」他續說：「喺外地生活、生存都容易，但你帶唔到你嘅文化去。尤其你係導演，嗰啲嘢唔係咁易帶得走。」
對他念茲在茲的《黑社會3》，杜琪峯坦言：「依家唔係好嘅時機。」他仍希望有朝一日能成事，亦強調「一定要喺香港拍，唔係就無意思。」由他執導的《黑社會》，曾經入圍角逐第58屆康城影展最佳影片的金棕櫚大獎。
談到香港電影近年出口海外的困境，杜琪峯形容為「時代變咗」：「以前可以賣去台灣、馬來西亞、新加坡、泰國，部分去到歐洲、南美，依家呢啲市場無晒。」他認為部分原因是串流平台的流行。
杜琪峯更公開表示支持美國總統特朗普，並認為現在美國太「左膠」，沒有了「美國想法」，又指美國向全球各國徵收關稅「做法合理」。
沒有留言:
發佈留言