20250414
·
·
【三命：好在仲有陣佬除（78/100）】
*** 劇透開始 ***
《三命》嘅宿命主題係銀河映像嘅慣常主題，杜SIR同佢班徒子徒孫都係講緊呢個主題。劇中三條命因角色選擇改變而引伸出不同嘅而故事進程。儘管過程不同，但角色最終都回歸寂靜，返回令自己最開心嘅回憶堆，或回到自己嘅漫畫世界，笑住完結自己嘅人生旅程。
*** 劇透完結 ***
人生係一個過程，過程就好似劃一條線。你係一點開始落筆，你可以選擇向任何一個方向劃，可以選擇條線劃幾粗，選擇用邊種顏色。無論係點樣嘅一條直線，都起碼比只有一點好（一出世就離世）。因此，你條命點苦都好，起碼後天仲有改變嘅機會（由你去決定條線劃成點），有啲命係冇後天呢回事（只有一點）。
《三命》同時亦有杜SIR成日講「種善因得善果」嘅佛理。劇中不論係黑社會，公務員定係港式漫畫家，三個駱澤信都做過錯誤或自私嘅決定。好在，佢哋三位都做咗善良嘅決定，種下善因，到最後都獲得善報。
做錯事同做壞事係截然不同嘅事情，但好多人都將兩者混淆。我哋好多時其實唔係做緊虧心事，只係做錯決定。由於人係好難避免所有決定都正確，所以我哋其實好難避免自己完全唔犯錯，但做唔做虧心事，則由你自己決定。係自己能夠掌控嘅情況下，你仍然選擇做虧心事，咁種惡因就必得惡果。杜SIR深信呢種因緣果報論，我本人亦一樣。
*** 劇透開始 ***
由故事開始到最後埋尾，《三命》都係走緊宿命論故事常見嘅「套路」，所以劇集對我嚟講其實驚喜欠奉。而且當劇集進入陳國邦時段，演員年齡同不同角色嘅相應年齡就出現明顯矛盾，呢種矛盾係即時令我出戲。有一幕戲係陳國邦同阿Dee同場，兩個角色嘅年齡相近，但演員年齡卻相差二十幾年，陳國邦足夠做Dee哥老豆！
除此以外，編劇以風箏作為象徵嘅敘事工具係執行上略嫌牽強，特別係尾段香港進入千嬉年代嘅時候。 此外，劇集後三分一出現太多婆媽劇常見嘅元素（車禍，角色憤然出家，角色大咗肚然後又冇埋個仔，婚外情，老人癡呆等等），同前半段精練嘅故事大相庭徑，變成婆媽劇。劇集去到最後三分一期間，有一刻我係形住蕭正楠會突然出場，並對陳國邦講，周秀娜個肚其實係我搞大！
坦白講，最後三分一我係睇到冇乜心機，純粹覺得唔睇都睇咗咁多，就不如好頭好尾，睇到結局咁解。
*** 劇透完結 ***
雖然《三命》不論係劇本或主題上都欠缺驚喜，但佢採用銀河映像常見嘅敘事手法呢一點，就值得加返少少分。《三命》裡面嘅男女角色嘅對白都簡單直接，冇婆媽反應，男性角色一句起兩句止（此乃銀河「佬除」！），唔少場景都選擇以畫面而非台詞交待劇情。我一向係呢種乾淨敘事風格嘅支持者，呢個亦係我平日鍾意睇美劇及韓劇嘅其中一個原因。
整體上《三命》不過不失，但我特別要提一下前半段黑社會嘅章節。銀河映像係香港黑社會故事嘅專家，幾十年嚟只有佢哋拍得出個陣港式江湖味及「佬除」。好可惜，係國家法及廿三條立法，加上香港政府執行富有中國香港特式嘅電影檢查制度（《哪吒2》一日過檢，你明我明大家都明）之後，我唔知有仲搵唔搵到投資者投資開拍港式黑社會故事。
生於亂世，點都要有少少希望揸手，否則冇動力捱落去，所以我希望有朝一日，會係ViuTV或串流平台睇到富有銀河映像味道嘅港式犯罪劇。
（78/100）
*** 劇透開始 ***
《三命》嘅宿命主題係銀河映像嘅慣常主題，杜SIR同佢班徒子徒孫都係講緊呢個主題。劇中三條命因角色選擇改變而引伸出不同嘅而故事進程。儘管過程不同，但角色最終都回歸寂靜，返回令自己最開心嘅回憶堆，或回到自己嘅漫畫世界，笑住完結自己嘅人生旅程。
*** 劇透完結 ***
人生係一個過程，過程就好似劃一條線。你係一點開始落筆，你可以選擇向任何一個方向劃，可以選擇條線劃幾粗，選擇用邊種顏色。無論係點樣嘅一條直線，都起碼比只有一點好（一出世就離世）。因此，你條命點苦都好，起碼後天仲有改變嘅機會（由你去決定條線劃成點），有啲命係冇後天呢回事（只有一點）。
《三命》同時亦有杜SIR成日講「種善因得善果」嘅佛理。劇中不論係黑社會，公務員定係港式漫畫家，三個駱澤信都做過錯誤或自私嘅決定。好在，佢哋三位都做咗善良嘅決定，種下善因，到最後都獲得善報。
做錯事同做壞事係截然不同嘅事情，但好多人都將兩者混淆。我哋好多時其實唔係做緊虧心事，只係做錯決定。由於人係好難避免所有決定都正確，所以我哋其實好難避免自己完全唔犯錯，但做唔做虧心事，則由你自己決定。係自己能夠掌控嘅情況下，你仍然選擇做虧心事，咁種惡因就必得惡果。杜SIR深信呢種因緣果報論，我本人亦一樣。
*** 劇透開始 ***
由故事開始到最後埋尾，《三命》都係走緊宿命論故事常見嘅「套路」，所以劇集對我嚟講其實驚喜欠奉。而且當劇集進入陳國邦時段，演員年齡同不同角色嘅相應年齡就出現明顯矛盾，呢種矛盾係即時令我出戲。有一幕戲係陳國邦同阿Dee同場，兩個角色嘅年齡相近，但演員年齡卻相差二十幾年，陳國邦足夠做Dee哥老豆！
除此以外，編劇以風箏作為象徵嘅敘事工具係執行上略嫌牽強，特別係尾段香港進入千嬉年代嘅時候。 此外，劇集後三分一出現太多婆媽劇常見嘅元素（車禍，角色憤然出家，角色大咗肚然後又冇埋個仔，婚外情，老人癡呆等等），同前半段精練嘅故事大相庭徑，變成婆媽劇。劇集去到最後三分一期間，有一刻我係形住蕭正楠會突然出場，並對陳國邦講，周秀娜個肚其實係我搞大！
坦白講，最後三分一我係睇到冇乜心機，純粹覺得唔睇都睇咗咁多，就不如好頭好尾，睇到結局咁解。
*** 劇透完結 ***
雖然《三命》不論係劇本或主題上都欠缺驚喜，但佢採用銀河映像常見嘅敘事手法呢一點，就值得加返少少分。《三命》裡面嘅男女角色嘅對白都簡單直接，冇婆媽反應，男性角色一句起兩句止（此乃銀河「佬除」！），唔少場景都選擇以畫面而非台詞交待劇情。我一向係呢種乾淨敘事風格嘅支持者，呢個亦係我平日鍾意睇美劇及韓劇嘅其中一個原因。
整體上《三命》不過不失，但我特別要提一下前半段黑社會嘅章節。銀河映像係香港黑社會故事嘅專家，幾十年嚟只有佢哋拍得出個陣港式江湖味及「佬除」。好可惜，係國家法及廿三條立法，加上香港政府執行富有中國香港特式嘅電影檢查制度（《哪吒2》一日過檢，你明我明大家都明）之後，我唔知有仲搵唔搵到投資者投資開拍港式黑社會故事。
生於亂世，點都要有少少希望揸手，否則冇動力捱落去，所以我希望有朝一日，會係ViuTV或串流平台睇到富有銀河映像味道嘅港式犯罪劇。
（78/100）
沒有留言:
發佈留言