【聖母神樂院 - 十字牌牛奶發源地】

 【聖母神樂院 - 十字牌牛奶發源地】

https://www.facebook.com/christthekingsupplies/photos/a.360073411335733/856532108356525/

Christ the King Supplies

．

唔知大家最近有冇睇過「十字牌牛奶」嘅宣傳片？小編就睇到眼濕濕未睇可以睇吓，今日就想同大家講下「十字牌牛奶」~

．

「十字牌牛奶」(Trappist Dairy) 嘅發源地就係大嶼山嘅聖母神樂院，聖母神樂院由嚴規熙篤隱修會(Ordo Cisterciensis Strictioris Observantiae) 又稱為Trappist，於1928年喺河北正定成立，1947年李博嵐院長深知前途不明朗，決定將修院遷移，帶領修士走難同逃亡，最後16位修士有部份逃去外國，部份就嚟咗香港。到咗香港搵地又唔係易事，但最後都將聖母神樂院搬遷到大嶼山，繼續過隱修嘅生活。

．

喺六十年代初，李院長一直想喺修院養牛以維持生計，但呢件事一啲都唔容易，因為生產牛奶需要養牛、建造牛舍、購入消毒機將鮮奶消毒、雪櫃等。不過仲有個大問題，就係個時大嶼山係無電到！最後居然又諗到喺嗰度裝部水輪發電機，仲係1957年請港督葛亮洪爵士行轉輪禮，牛奶場喺1958年正式營業，並供應俾鄰近嘅居民，之後甚至去到大嶼山以外嘅居民。

．

直到八十年代，大嶼山嘅地方唔夠用，當時由十字牌第一任總經理任達義神父着手將廠房由大嶼山搬到元朗，又同一啲投資者成立「神樂院牛奶廠有限公司」。

．

根據網上資料，「十字牌牛奶」嘅品牌繼續為聖母神樂院持有，而日常業務則由牛奶廠團隊負責營運和管理。

．

雖然而家已經唔係由神樂院直接生產牛奶，不過神樂院而家係有出曲奇餅，仲非常之好食！嚴規熙篤會嚴謹遵守聖本篤會規，會規提到「每座修院要自食其力……幾時他們靠雙手操作度日，才算是真正的隱修士。」而世界各地嘅嚴規熙篤會修院都會生產唔同產物，例如蛋糕、果醬、啤酒等等~

．

從聖母神樂院我哋見到即使經歷黑暗、絕望、擔心，即使要由一個地方搬遷到另一個地方重新開始都好，天主嘅臨在同埋恩寵從來唔會缺少，我哋要學習嚴規熙篤會會士嘅信德同芳表，在艱難中依靠天主。