■89歲何洪希為雨傘奉獻一生精力。
【本報訊】一場佔領運動，雨傘爆紅，對於89歲的何洪希來說，一把遮風擋雨的傘，意義更非凡。大半個世紀，他的一雙巧手，曾做出全球最貴的皮傘，讓他躋身世界紀錄，還登上博物館殿堂。客人由尋常街坊到達官貴人，甚至英國皇太后。但自年初入院，身體抱恙，曾豪語「做一世遮」的傳奇傘王宣佈退休，「人老咗，始終要退休」。只剩兩成聽力的何伯，不時嚷着想開檔，毋忘自己的絕活及最初的熱誠。
記者：呂麗嬋
上一代人，就是勤力。兩老由深水埗白田邨，長途跋涉坐隧巴、行大斜路，到綠色鐵皮屋開檔，成了中環街坊的集體回憶。住在附近的黃伯，欷歔地的說：「以前朝朝見到佢哋行條大斜路上去開檔，好勤力，近半年就唔多見佢哋返嚟。呢啲手作，做嘅人都一把年紀，好話唔好聽，死一個少一個。政府成日話保育，對民間工藝嘅傳承，學唔到日本一成。」
何希記位於卑利街長斜路，鄰近堅道，傳統的綠色鐵皮排檔，映照背後黃色的畫廊工作室，呈現不一樣的中環風景。79歲的何太說，自丈夫年初病倒入院，近數月已極少開檔，「仔女叫佢退休好耐，只係佢唔肯，話做得幾耐得幾耐」。何伯共有九名兒子，六、七十年代生活艱苦，父母在家裏做手作，孩子都是幫工，久而久之，駁遮骨拉遮布，家中老少無人不識，只是時代不同，兒子各有天地，無人願意繼承父親衣鉢。
記者：呂麗嬋
上一代人，就是勤力。兩老由深水埗白田邨，長途跋涉坐隧巴、行大斜路，到綠色鐵皮屋開檔，成了中環街坊的集體回憶。住在附近的黃伯，欷歔地的說：「以前朝朝見到佢哋行條大斜路上去開檔，好勤力，近半年就唔多見佢哋返嚟。呢啲手作，做嘅人都一把年紀，好話唔好聽，死一個少一個。政府成日話保育，對民間工藝嘅傳承，學唔到日本一成。」
何希記位於卑利街長斜路，鄰近堅道，傳統的綠色鐵皮排檔，映照背後黃色的畫廊工作室，呈現不一樣的中環風景。79歲的何太說，自丈夫年初病倒入院，近數月已極少開檔，「仔女叫佢退休好耐，只係佢唔肯，話做得幾耐得幾耐」。何伯共有九名兒子，六、七十年代生活艱苦，父母在家裏做手作，孩子都是幫工，久而久之，駁遮骨拉遮布，家中老少無人不識，只是時代不同，兒子各有天地，無人願意繼承父親衣鉢。
鐵皮屋擺檔67年
結婚61年的何太笑着說：「呢行搵唔到食，諗過交番個牌畀政府，攞番12萬賠償，但唔捨得，三仔住元朗，佢老婆跟過何伯學師，話想試吓做，咪畀佢試吓囉。佢之前試過自己嚟開檔，投訴話元朗去中環，連車錢都蝕埋。反而最想開檔嗰個嘅係何伯，身體一好少少，就話要嚟，天生辛苦命，唔識享吓清福。」
三歲隨父母由順德大良來港的何洪希，三十年代，因在親戚開的遮廠做會計，輾轉「偷師」，學懂用一針一線做遮補遮。「嗰個年代人手做嘅遮成本高，壞咗，都會交畀師傅修補」。時年22歲的他，憑着自學手藝，買架單車做老闆，車頭放遮，車尾放工具，車身寫着「為群眾修理雨傘」的大招牌，權充流動檔口四處去，至1947年落戶鐵皮屋，何伯一做67年。
三歲隨父母由順德大良來港的何洪希，三十年代，因在親戚開的遮廠做會計，輾轉「偷師」，學懂用一針一線做遮補遮。「嗰個年代人手做嘅遮成本高，壞咗，都會交畀師傅修補」。時年22歲的他，憑着自學手藝，買架單車做老闆，車頭放遮，車尾放工具，車身寫着「為群眾修理雨傘」的大招牌，權充流動檔口四處去，至1947年落戶鐵皮屋，何伯一做67年。
牛皮傘創最貴紀錄
那個年頭，做傘補傘的人不少，何洪希沒大野心，守着小檔口已很滿足，命運讓他兩次機遇，讓他聲名大噪，「用牛皮做嘅遮，都係何伯首創！」對於丈夫的威水史，何太喜形於色。話說當年有一個外國人路過，找何伯做牛皮傘，厚厚牛皮要削薄用魚絲線縫合，工序極多，別人不願做，他卻當仁不讓，用上堅硬遮骨，手工精細，結果一把皮傘，在美國賣了167英鎊，成了健力士世界紀錄大全最昂貴的傘，一代傘王之名，也就不脛而走。
除了牛皮傘，還有皇太后的傘。現時，這把由何洪希一針一線親手做的王室專用雨傘，仍在溫莎堡博物館展出，見證他上半生的奇遇，「之前去英國，個仔仲專登揸車，車我哋兩個去睇。做啲嘢有人欣賞，話唔開心就呃你啦」。大半生守着小檔口，憑手藝揚名國際，「就好似人人恨生仔，我恨生女，偏偏生咗九個都係仔」。經歷過大時代，革命及運動一笑風雲過，與丈夫一樣樂天知命的何太大笑着說：「有時事與願違，有時喜出望外，也許這就是人生。」
除了牛皮傘，還有皇太后的傘。現時，這把由何洪希一針一線親手做的王室專用雨傘，仍在溫莎堡博物館展出，見證他上半生的奇遇，「之前去英國，個仔仲專登揸車，車我哋兩個去睇。做啲嘢有人欣賞，話唔開心就呃你啦」。大半生守着小檔口，憑手藝揚名國際，「就好似人人恨生仔，我恨生女，偏偏生咗九個都係仔」。經歷過大時代，革命及運動一笑風雲過，與丈夫一樣樂天知命的何太大笑着說：「有時事與願違，有時喜出望外，也許這就是人生。」
■邱耀威指雨傘承載人與人之間的情感。許頌明攝
|
【本報訊】何洪希年老退休，同有傘王之稱的「威哥」邱耀威，今年也已60歲，他笑指一對成年子女，見到針線已掉頭走，一樣後繼無人，「駁番支骨收你廿蚊，平均每把要搞成粒鐘，靠佢生活應該死得」。威哥說，補遮好比助人修補回憶，滿足感遠勝金錢。這些年，他就遇過長情婆婆拿着初戀時用的雨傘到來求救，還有希望藉撐起雨傘、重新找回甜蜜感覺的失戀男。
位於北河街的「新藝城」，驟眼看沒特別，但看看招牌，寫着「清道光二十二年創」（1842），蓄着大鬍子的威哥，正是第五代傳人。每把爛遮，都有個人情小故事。
位於北河街的「新藝城」，驟眼看沒特別，但看看招牌，寫着「清道光二十二年創」（1842），蓄着大鬍子的威哥，正是第五代傳人。每把爛遮，都有個人情小故事。
80歲夫婦整定情遮
「試過有個後生仔，攞咗把行內俗稱垃圾遮嚟維修，四條遮骨斷晒，單係換遮骨要80蚊，我話你把遮新買都係20蚊，整咩鬼？點知佢好堅持，話把遮有佢同前女友嘅開心回憶」。
回憶無價，除了癡心情長的「現代楊過」，他還遇過一對長情老夫婦。「對夫婦有7、80歲，一攞把遮出嚟，好大臭丸味，又鬼咁爛，我話冇得整，個女人好失望，原來把遮係佢老公送畀佢嘅第一份禮物，鬼咁情深，結果我幫佢整番，仲冇收佢哋錢」。修補數十元的雨傘，有人為環保，更多人為了一份感情、一段美好的回憶，威哥認為，那是真正無價寶。
回憶無價，除了癡心情長的「現代楊過」，他還遇過一對長情老夫婦。「對夫婦有7、80歲，一攞把遮出嚟，好大臭丸味，又鬼咁爛，我話冇得整，個女人好失望，原來把遮係佢老公送畀佢嘅第一份禮物，鬼咁情深，結果我幫佢整番，仲冇收佢哋錢」。修補數十元的雨傘，有人為環保，更多人為了一份感情、一段美好的回憶，威哥認為，那是真正無價寶。
【本報訊】佔領運動隨銅鑼灣被清場而落幕，邱耀威說，過去無人問津的黃傘，自10月以來售出達1,000把，就是清場過後，也不時有人到店查詢，要求訂購。他更透露，有年輕人拿着行動後的斷骨黃傘要求他修補，原來是要留作紀念，惜最後因為趕着離港返回加拿大，未及時取回。
邱說：「撇開係咪買嚟行動嘅問題，老人家最適合攞黃傘，尤其天雨濛濛，過馬路一定睇到，唔為行動，為咗個人安全都要買番把。但𠵱家黃傘係一把難求，倉底最後三打上星期都賣埋，代理講明唔再接黃傘定單，因為呢啲遮全部喺大陸做，擔心海關抽查惹麻煩咁話。」
邱說：「撇開係咪買嚟行動嘅問題，老人家最適合攞黃傘，尤其天雨濛濛，過馬路一定睇到，唔為行動，為咗個人安全都要買番把。但𠵱家黃傘係一把難求，倉底最後三打上星期都賣埋，代理講明唔再接黃傘定單，因為呢啲遮全部喺大陸做，擔心海關抽查惹麻煩咁話。」
沒有留言:
發佈留言