20250524
本身我諗住寫一下關於 AI，但係有網友點唱，建議我恥笑一下左膠。好多年前「左膠」一詞剛在香港網民流通，曾經有個相當簡潔有力嘅解說：「左膠之禍不在其左，在其膠」，膠者，粵語「鳩」一字諧音，泛指荒謬、愚蠢不知分寸等等。
左翼信念不是問題，左膠「禍不在其左」，因為講到底佢哋其實無咩真正原則，純粹為「站在你嘅敵對面」。我之前喺《覺醒文化》一書講過，其實十幾二十年前民主黨並不是大家想像中咁包容大愛，拜登、奧巴馬同希拉莉曾經公開反對過同性婚姻，新移民曾經被視為「右翼引入廉價勞力，打擊本地勞動階層陰謀」，民主黨立場係反對引入新移民。但係去到今日光譜完全倒轉晒，隔咗十幾二十年，呢種180度轉身變得不易察覺。
民主黨棄將Lindy Li 近日發文狠評前黨友言行純屬 TDS (Trump Derangement Syndrome)，亦即「盲反川普症候群」：民主黨佩洛西曾經大力支持關稅，直至侵提倡關稅先至反對。克林頓支持改革社福制度，直持侵真係郁手為止。民主黨曾經大力支持電動車，不過Elon Musk支持共和黨就覺得EV係衰嘢。
觸發我寫呢篇文都係源自一些自認為大愛左膠嘅網民言論，理論上左翼係濟弱扶傾，以弱勢基層福祉為優先要務，侵侵打擊藥公司為求降低藥價，理應拍手稱善，不過呢類左膠又突然站在藥公司立場，指侵侵打擊藥公司利潤，將影響新藥開發。
窮人得到平價藥又變得唔重要了，企業利潤重要啲，其實企業利潤都唔重要，搵個位反侵鬧兩句重要啲。呢類人自我心理認知上，仍然會覺得自己係左翼、關懷弱勢，而且掌握正確資訊 (不正確資訊就係fake news)。
事實上我喺《覺醒文化》關於woke journalism一章，就有引述過外國對新聞系觀察。表面上新閒系培育有世界視野、關心人文弱勢嘅新世代記者，但係本質上已經變成富家子弟圍爐取暖之地，表面佢哋政治立場都係偏左，但係入到報館做事，就會站在大企業立場報導。例如遇上企業金主唔喜歡嘅罷工或社運，就會站在企業立場寫衰民眾。號稱支持性小眾嘅網媒記者，對住政見跟自己唔同嘅性小眾 (同志、跨性別者都有右翼保守派)，突然咩惡毒言語都講得出口，明明之前好落力叫大家慎言唔好傷害性小眾心靈。
所以左膠不在其左，因為佢哋的確未必真正信奉左翼理念，至少去到「不方便」層面時，就會信手放埋一邊。
至於「膠」，近日網紅Mark Manson出咗一條片講「知識傻子」(intellectual idiots)，佢講嘅例子係70年代專研共產主義嘅左翼學者Malcolm Caldwell，當時赤柬冒起當政，全世界都覺得係壞事，得佢拼命話係好，赤柬領袖波布明明係一個痴撚線嘅獨裁者，殺人如麻，但係喺Caldwell眼中係一個堅實嘅同志，佢殺咗五份一人口咩？睇唔到，fake news嚟。
結果波布真係邀請佢去柬埔寨參觀，玩咗幾日，最後波布親自接見佢，大家閉門談論共產主義理念，然後發生咩事？波布下令殺咗Caldwell，完。
呢個例子說明即使有Malcolm Caldwell研究共產主義二十多年，佢嘅學識理論面對現實時完全派唔上用場，錯判形勢，即使現實有相反嘅資訊，佢仍然堅持自己認知入面嘅平行時空，毫不改過至死為止。片中仲有其他知名嘅知識傻子，例如提出《人口炸彈》(Population Bomb)嘅Paul Ehrlich，佢推論人口將會喺80年代所有海洋生物會死絕，90年代10億人會餓死，然後2000年英國陸沉。當然錯到離譜，但係至今仍然覺得自己無錯到，係(下刪數百字)理由所以個預測未實現姐。另外有JFK羅致嘅學者防長Robert McNamara，毫無軍事經驗，無華府人脈，企圖以「統計學及企業管理」，將美軍打造成更高效率嘅部隊，贏得戰爭。結果越戰輸到甩褲，但佢判斷帳面數字認為美軍贏到開巷，呢類知識傻子掌權下確實係會死得人多。
Mark Manson指出呢類知識傻子共通嘅問題就係根據一個錯誤嘅模型去判斷現實，忽略模型呢件事，本身就係透過不完全嘅數據去理解以及預測現實，忘記咗若干未被衡量嘅參數，可能會推翻整個模型。知識份子會嘗試修正甚至放棄整個理論。而知識傻子就會抱殘守缺，以更多學說理論去自圓其說，強化自己信念。因為呢套理論已經成為咗佢哋身份認同嘅一部份，否定理論即係否定佢哋人生，自然會同你死過。
更大嘅問題係其實知識傻子唔限於象牙塔入面，今日大家識得搵唔同嘅網媒以及影片去增進知識，廣義上已經成為intellectuals，而intellectuals 變成蠢材、變成「膠」，永遠只差一步之遙，當一個人將自己嘅身份認同跟一個理論模型綁定，而現實跟呢套模型不符仲要死頂嘅時候，就會變成膠。
講到尾，左膠右膠，甚至素膠耶膠也好，其實都係將一件事同自己ego綁得太緊，失去咗「錯」嘅彈性。我都唔敢講得太死講到自己睇通晒，除非收埋咩都唔講，否則行走江湖，周不時總會有被打臉打到啪啪聲，ego放低少少，就痛少啲咁解。
感謝你睇晒全文，如果覺得好，請分享和點讚，能夠課金支持就更好。如果你睇到眼火爆，我都多謝你睇晒，下次再見。
左翼信念不是問題，左膠「禍不在其左」，因為講到底佢哋其實無咩真正原則，純粹為「站在你嘅敵對面」。我之前喺《覺醒文化》一書講過，其實十幾二十年前民主黨並不是大家想像中咁包容大愛，拜登、奧巴馬同希拉莉曾經公開反對過同性婚姻，新移民曾經被視為「右翼引入廉價勞力，打擊本地勞動階層陰謀」，民主黨立場係反對引入新移民。但係去到今日光譜完全倒轉晒，隔咗十幾二十年，呢種180度轉身變得不易察覺。
民主黨棄將Lindy Li 近日發文狠評前黨友言行純屬 TDS (Trump Derangement Syndrome)，亦即「盲反川普症候群」：民主黨佩洛西曾經大力支持關稅，直至侵提倡關稅先至反對。克林頓支持改革社福制度，直持侵真係郁手為止。民主黨曾經大力支持電動車，不過Elon Musk支持共和黨就覺得EV係衰嘢。
觸發我寫呢篇文都係源自一些自認為大愛左膠嘅網民言論，理論上左翼係濟弱扶傾，以弱勢基層福祉為優先要務，侵侵打擊藥公司為求降低藥價，理應拍手稱善，不過呢類左膠又突然站在藥公司立場，指侵侵打擊藥公司利潤，將影響新藥開發。
窮人得到平價藥又變得唔重要了，企業利潤重要啲，其實企業利潤都唔重要，搵個位反侵鬧兩句重要啲。呢類人自我心理認知上，仍然會覺得自己係左翼、關懷弱勢，而且掌握正確資訊 (不正確資訊就係fake news)。
事實上我喺《覺醒文化》關於woke journalism一章，就有引述過外國對新聞系觀察。表面上新閒系培育有世界視野、關心人文弱勢嘅新世代記者，但係本質上已經變成富家子弟圍爐取暖之地，表面佢哋政治立場都係偏左，但係入到報館做事，就會站在大企業立場報導。例如遇上企業金主唔喜歡嘅罷工或社運，就會站在企業立場寫衰民眾。號稱支持性小眾嘅網媒記者，對住政見跟自己唔同嘅性小眾 (同志、跨性別者都有右翼保守派)，突然咩惡毒言語都講得出口，明明之前好落力叫大家慎言唔好傷害性小眾心靈。
所以左膠不在其左，因為佢哋的確未必真正信奉左翼理念，至少去到「不方便」層面時，就會信手放埋一邊。
至於「膠」，近日網紅Mark Manson出咗一條片講「知識傻子」(intellectual idiots)，佢講嘅例子係70年代專研共產主義嘅左翼學者Malcolm Caldwell，當時赤柬冒起當政，全世界都覺得係壞事，得佢拼命話係好，赤柬領袖波布明明係一個痴撚線嘅獨裁者，殺人如麻，但係喺Caldwell眼中係一個堅實嘅同志，佢殺咗五份一人口咩？睇唔到，fake news嚟。
結果波布真係邀請佢去柬埔寨參觀，玩咗幾日，最後波布親自接見佢，大家閉門談論共產主義理念，然後發生咩事？波布下令殺咗Caldwell，完。
呢個例子說明即使有Malcolm Caldwell研究共產主義二十多年，佢嘅學識理論面對現實時完全派唔上用場，錯判形勢，即使現實有相反嘅資訊，佢仍然堅持自己認知入面嘅平行時空，毫不改過至死為止。片中仲有其他知名嘅知識傻子，例如提出《人口炸彈》(Population Bomb)嘅Paul Ehrlich，佢推論人口將會喺80年代所有海洋生物會死絕，90年代10億人會餓死，然後2000年英國陸沉。當然錯到離譜，但係至今仍然覺得自己無錯到，係(下刪數百字)理由所以個預測未實現姐。另外有JFK羅致嘅學者防長Robert McNamara，毫無軍事經驗，無華府人脈，企圖以「統計學及企業管理」，將美軍打造成更高效率嘅部隊，贏得戰爭。結果越戰輸到甩褲，但佢判斷帳面數字認為美軍贏到開巷，呢類知識傻子掌權下確實係會死得人多。
Mark Manson指出呢類知識傻子共通嘅問題就係根據一個錯誤嘅模型去判斷現實，忽略模型呢件事，本身就係透過不完全嘅數據去理解以及預測現實，忘記咗若干未被衡量嘅參數，可能會推翻整個模型。知識份子會嘗試修正甚至放棄整個理論。而知識傻子就會抱殘守缺，以更多學說理論去自圓其說，強化自己信念。因為呢套理論已經成為咗佢哋身份認同嘅一部份，否定理論即係否定佢哋人生，自然會同你死過。
更大嘅問題係其實知識傻子唔限於象牙塔入面，今日大家識得搵唔同嘅網媒以及影片去增進知識，廣義上已經成為intellectuals，而intellectuals 變成蠢材、變成「膠」，永遠只差一步之遙，當一個人將自己嘅身份認同跟一個理論模型綁定，而現實跟呢套模型不符仲要死頂嘅時候，就會變成膠。
講到尾，左膠右膠，甚至素膠耶膠也好，其實都係將一件事同自己ego綁得太緊，失去咗「錯」嘅彈性。我都唔敢講得太死講到自己睇通晒，除非收埋咩都唔講，否則行走江湖，周不時總會有被打臉打到啪啪聲，ego放低少少，就痛少啲咁解。
感謝你睇晒全文，如果覺得好，請分享和點讚，能夠課金支持就更好。如果你睇到眼火爆，我都多謝你睇晒，下次再見。
沒有留言:
發佈留言