對呢班所謂「清高派」敬而遠之 周子峰

 

周子峰

2022年3月3日

啲人搶咗幾日糧，咁正苦又未封城喎，啲人買落嘅嘢已塞爆間屋，今日咪正常番好多囉。阿叔我早兩日見超市排長龍，唔買。尋日依然長龍，唔買。今日條龍正常番，施施然買兩袋的番公司，夜晚再托回家。

我絕對唔會話人囤糧。我反而唔明，話人「低等」嗰班，我假設佢地係黃C（多數唔會藍，因為藍嘅係會一齊搶，唔會戴光環咁話人質素低），因為黃C最鍾意自我感覺良好，覺得自己好文明，人地好冇教養。

好啦，黃C應該會睇新聞架，應該知道大陸真係會封城，真係封到人斷糧咁滯。黃C應該知道，腥港正苦係意圖學大6學到足，所以封城亦十分有可能。黃C亦應該知道，腥港正苦每次否認嘅嘢，過幾日便實行。黃C天天鬧正苦，應該會明白，一旦封城，以呢個正苦的能力，好大機會會倒瀉籮蟹一鑊粥。

基於上一段的因素，市民囤貨，絕對係合乎理性的行為。你唔囤，其實係你自己完全缺乏危機意識，唔知你仲啩住笑人做乜鳩。

至於話，個風吹緊月尾至封，洗唔洗咁早買定？咁呢個係提早幾多作準備嘅問題，關乎判斷和計劃，無關對錯。所以阿叔我唔同人迫，施施然慢慢買，但我唔會話人盲搶糧。我認為唔買嗰個至盲。盲在覺得乜嘢都唔會發生。

早兩日我亦講過，有啲人真係唔囤，好與眾不同，好特立獨行。咁係咪佢哋咁犀利，就算俾人封三五七日就忍著肚餓僻穀呢？

唔係，佢地只不過係唔使自己去買。佢地阿媽阿爸老公老婆幫佢地買晒，佢地安坐家中坐享其成，自己就站在道德高地話人質素低。

老實講，呢班友，真係唔少，我身邊都有好幾個。

話人搜購口罩。去到佢屋企，幾十盒，在市面最缺口罩嗰段時期。

笑人買廁紙，但佢自己家中有幾條。

講番句平衡說話，我真係識到有friend，佢笑人囤廁紙，但佢唔會口講一套做就另一套，真係唔買定啲放屋企。結果呢，佢住我附近，次撚次遇到市面冇廁紙，佢又用晒，就嚟我度攞。喂你咪撚啩住鬧人搶廁紙啦，自己平時買定多啲啦。

所以阿叔我見到啲人左一句盲搶又一句「香港人乜乜乜」，而家都好保留，寧願對呢班所謂「清高派」敬而遠之。