不是說你打得有幾狠，而係你被狠狠地打後，但繼續前進！Pazu 薯伯伯

 

Pazu 薯伯伯

烏克蘭總統澤連斯基，上任之初，烏克蘭國民同國際媒體對佢評價麻麻，點知俄軍打到嚟，佢無畏無懼，帶領國人前行。

烏克蘭朋友話：「我們好多人曾經對他抱持懷疑態度，尤其是在入侵前幾個月⋯⋯現在澤連斯基非常受烏克蘭人尊敬。烏克蘭人普遍蔑視權威，亦很難喜歡任何當權者，但澤連斯基通過了測試，我們對他有瘋狂的尊重（朋友的用字是 mad respect）。

睇下烏克蘭個總統，真係有種 Rocky 嘅感覺。

有一集《Rocky》，父親跟兒子說：「不是說你打得有幾狠，而係你被狠狠地打後，但繼續前進！」（It ain't about how hard you hit. It's about how hard you can get hit and keep moving forward.）

要睇一個領袖值唔值得尊重，唔係睇佢喺風平浪靜時點樣平步青雲，點樣考第一；而是當真係打緊仗，發生大危機時，佢點樣臨危不亂，點樣有承擔，點樣引領群眾走出惡局。